Colosenses 1:13 - Tüpä Ñe'ëngagwer

¹³ Tüpä ni'ä yande pɨsɨrö Karugwar povrɨ sui, egwë e'i yande reraso Gwa'ɨrɨ gwembiaɨsu povrɨve,

Tũpa Ñehengagüer

¹³ Ahe niha yande pɨ̃sɨro Caruguar povrɨ sui. Ẽgüe ehi yande reraso Guahɨr güembiaɨsu povrɨve.

Colosenses 1:13 Iomraidhean Croise

San Mateo 17:5

Pedro ñe'ë vɨte seve, ñepëi mba'e pɨ̇tü ou osesape iteanga opɨta i'arɨve tuprɨ yuvɨreko, ipare mba'e pɨ̇tü sui oyeendu ñe'ësa aipo e'i: “Ko che Ra'ɨrɨ che rembiaɨsu, che rembiporavo: peyapɨsaka katu iñe'ë rese.”

San Mateo 25:34

A'ese che Mborerekwar ɨvate katu va'e aipo a'era che akato kotɨndar upe: ‘Perio opakatu, che Ru sui sovasaprɨ peiko va'e, peike che Ru Tüpä mborerekwasa pɨpe; a'e akoi yɨpɨve ɨvɨ apo ramo suive imoigätuprɨ peü narä.

San Mateo 3:17

A'ese oyeendu ñepëi ñe'ësa ɨva suindar aipo e'i va'e: “Ko che Ra'ɨrɨ che rembiaɨsu, a'e che rembiporavo sekoi.”

San Lucas 13:24

–Peikwa tuprɨ peike va'erä okendɨpɨ ka'ïmi rupi; esepia aipo a'e peü seta ava yuvɨroike pota tëira, ndoikatu chietera rumo yuvɨreko.

San Lucas 22:53

Arɨ yakatu rupi tüpäro pɨpe aiko pe pa'üve, ndapeyapoi ete ko nungar che pɨsɨ agwä. Avɨyeño rumo, oyepota ni'ä peü imombe'uprɨ Karugwar pirätäsa pɨpe mba'e-mba'e tëi apo agwä.

San Juan 17:24

“Che Ru, nde ni'ä akoi erembou ko yuvɨrekoi va'e cheu, iyavei aipota a'e yuvɨrekoi che pɨri che rekosave, osepia va'erä che reko porañetesa yuvɨreko, teko porañetesa nde erembou va'e cheu; esepia nde ni'ä yɨpɨve ite che raɨsu eve ko ɨvɨ apoe'ɨ̇seve.

San Juan 3:35

Tüpä osaɨsu Gwa'ɨrɨ, iyavei omondo opakatu mba'e sembiapo agwä.

San Juan 5:24

“Supiete aipo a'e peü akoi oyapɨsaka va'e che ñe'ë rese iyavei vɨroya va'e che mbousar, a'e vɨrekora tekovesa apɨre'ɨ̇; iyavei nda'ei chietera imokañɨpɨ̇ra, esepia osë a'e manosa sui oipɨsɨ tekovesa apɨre'ɨ̇.

Los Hechos 26:18

Oromondora chupe yuvɨreko ipɨ'a ñemoñeta tuprɨ agwä iyavei ndogwata iri va'erä pɨ̇tümimbisa va'e nungar rupi; a'e ogwata va'erä tesapesa rupi yuvɨreko; ipɨpe sui toyuvɨreko iri eme Karugwar povrɨve, togwata katu Tüpä rupi; egwë te'i che reroya yuvɨreko a'ese oipɨsɨra ñeröisa oangaipa rese iyavei oipɨsɨra Tüpä porerekosa opakatu che rembipe'a.’ ”

Romanos 14:17

Esepia Tüpä mborerekwasave ndikwasai mba'e ya'u va'e yaɨ'u va'e avei, a'e rumo oipota yande reko tuprɨ agwä, mba'e avɨye va'e pɨpe iyavei Espíritu Maräne'ɨ̇ rese yande reko agwä.

2 Corintios 11:14

Yaikwa ni'ä Karugwar rerekwar oporombopa, esepia oyeapo inungar mbigwai ɨva pendar tesapesa sekoi;

2 Corintios 4:4

Esepia a'e ndovɨroyai ete yuvɨreko, karugwar rerekwar ko ɨvɨ pɨpendar opa oyarakwa mokañɨ, ndosepiai va'erä tesapesa porañete va'e Cristo resendar yuvɨreko, esepia a'e Tüpä rekokwer mboyekwasar sekoi.

Efesios 1:6

Sese yande yasapukaira Tüpä upe iporoaɨsusa porañete va'e rese yepi, a'e ipɨpe ni'ä yande rovasa Gwa'ɨrɨ gwembiaɨsu sui.

Efesios 4:18

ndoikatui mba'e rendukwa tuprɨ agwä yuvɨreko. Iyavei ndovɨrekoi tekovesa Tüpä suindar oyese, esepia ndoikwai Tüpä ñe'ë opɨ'añemoñeta e'ɨ̇sa pɨpe yuvɨreko.

Efesios 5:5

Peikwa ni'ä akoi oyemboagwasa va'e, oyapo va'e mba'e naporäi va'e, yemombotasa (esepia a'e inungar mba'e ra'anga mboeteisa), evokoi nungar ndoyuvɨrekoi chira Tüpä povrɨve iyavei Cristo povrɨve.

Efesios 5:8

Peikwa ni'ä yɨpɨndar peiko pɨ̇tümimbisa nungar mba'e-mba'e tëi pɨpe, kurïtëi rumo peiko tesapesa nungar pɨpe yande Yar rese. Sese peiko tuprɨño ite Tüpä suindar poroesapesa pɨpe,

Efesios 6:12

Esepia yande nda'ei ava amotare'ɨ̇save yayepɨ'amovɨräkwä, yande rumo yayepɨ'amovɨräkwä espíritu naporäi va'e ndoyekwai va'e upe iyavei ko ɨvɨ pɨpendar Karugwar ipirätä va'e pɨ̇tümimbisa pendar reroya e'ɨ̇ agwä.

1 Tesalonicenses 2:12

iyavei oromondo pe kwaitarä pe reko tuprɨ agwä Tüpä remimbotar rupi. A'e ni'ä oñe'ë peü peiko va'erä sese imborerekwasa porañetesave.

Hebreos 2:14

Inungar ava vɨreko va'e gwa'ɨrɨ, oyoya so'o, suvɨ; egwë e'i avei Jesús vɨreko vo'o, vuvɨ yande nungar; omano pɨpe sui omokañɨ va'erä iporoyuka serai va'e pirätäsa; a'e karugwar.

1 San Pedro 2:9

Pe rumo iporavoprɨ peiko Tüpä upe narä, inungar pa'i mborerekwar ɨvate katu va'e pɨtɨ̇vɨïsar, iyavei iporavoprɨ peiko Tüpä remimbotar rupi pereko maräne'ɨ̇sa pɨpe. Egwë peye Tüpä reko pirätäsa mombe'u agwä peiko, esepia a'e pe renose pɨ̇tümimbisa nungar pe rekokwerai sui, tesapesa porañete va'e pɨpe pe reike agwä.

2 San Pedro 1:11

Evokoi nungar pɨpe sui ɨva rokenda imboisara pereike agwä mborerekwasa ndopai va'esave, yande Yar yande Pɨsɨrösar Jesucristo mborerekwasave.

1 San Juan 2:8

Iyavei ko aikwachia va'e mborokwaita peü ipɨasu va'e ite, a'e supiete tesapesa Cristo vɨreko va'e pereko va'e avei, esepia pɨ̇tümimbi va'e opara, tesapesa evokoiyase osesapera.

1 San Juan 3:14

Yande yaikwa ite opase ñañokwä yande ä kañɨ tëi agwer, kurïtëi rumo yasë evokoi nungar sui tekovesa apɨre'ɨ̇ va'e pɨpe yande reko agwä, esepia yande ni'ä yasaɨsu yande rɨvrɨ eta Tüpä rese yuvɨrekoi va'e. Akoi ndosaɨsui va'e rumo a'e i'ä okañɨ tëi vɨte ite yuvɨreko.

1 San Juan 3:8

akoi oyapo va'e angaipa a'e karugwar suindar, esepia karugwar yɨpɨsuive ite oyapo angaipa. Sese ou Tüpä Ra'ɨrɨ: karugwar rembiapo mokañɨpa agwä.