Colosenses 1:10 - Tüpä Ñe'ëngagwer

¹⁰ Ipɨpe sui tapegwata tuprɨ yande Yar rupi seroyasar tuprɨ pe rekosa pɨpe, tapemboavɨye tuprɨ opakatu semimbotar, mba'e pe rembiapo tuprɨ pereko katura sovake, ipɨpe sui avei tapeikwa tuprɨ katu Tüpä rekokwer peiko.

Tũpa Ñehengagüer

¹⁰ Ipɨpe sui tapeguata tuprɨ yande Yar rupi seroyasar tuprɨ pe recosa pɨpe. Tapemboavɨye tuprɨ opacatu semimbotar; mbahe pe rembiapo tuprɨ pereco catu sovaque. Ipɨpe sui avei tapeicua tuprɨ catu Tũpa recocuer peico.

Colosenses 1:10 Iomraidhean Croise

San Juan 15:16

Pe ndache poravoi ete peye, che rumo opoporavo vichiko amombe'u avei peü pemombe'u va'erä ñe'ësa avɨye va'e, a'e ñe'ësa tokañɨ tëi eme katu. Egwë e'ise che Ru omondora opakatu mba'e peporanduse che rer pɨpe peü.

San Juan 15:8

Ko rese oyemboyekwa ite che Ru mboeteisa, esepia peyapo ite mba'e avɨye va'e iyavei peikora che remimbo'e supi tuprɨ va'e yepi.

San Juan 17:3

Iyavei ko tekovesa apɨre'ɨ̇ pɨpe yɨpɨndar nde kwa rane itera yuvɨreko, ñepëi Tüpä supiete va'e nderekosa pɨpe, iyavei akoi erembou va'e Jesucristo ko ɨvɨ pɨpe.”

Romanos 1:13

Che rɨvrɨ eta, che aipota peikwa va'erä seta rupi aso pota tëi pe pɨri yepi, kurïtëi rumo ndaikatuiño vɨte ite. Che rumo aipota oime va'erä che poravɨkɨsa sui espiritu rese oyemovɨräkwä katu va'e pe pa'ü sui yuvɨreko, inungar ayapo opakatu ambuae tekwa rupi.

Romanos 4:12

Iyavei yande ramoi Abraham opakatu ava oyembocircuncida va'e, Tüpä rese vɨreko va'e yeroyasa yesupa avei sekoi, Abraham rumo vɨreko ite yeroyasa Tüpä rese ndoyembocircuncida vɨtei e'ɨ̇ seve.

Romanos 6:4

Yande ñeapirämo pɨpe ñotɨ̇mbrɨ yaiko Cristo rupive, yande mbogwerayevɨ iri agwä iyavei yande rekokwer mbopɨasu agwä, inungar akoi Cristo okwerayevɨ Vu reko pirätäsa pɨpe.

2 Corintios 2:14

Avɨye yande Ru Tüpä upe esepia yande Cristo rese yaiko va'e yande renose oamotare'ɨ̇mbar povrɨ sui opakatu ava rembiepiave iyavei yande rekokwer sui opakatu ava upe oikwa uka gwekokwer inungar mba'e sɨäkwä va'e yasëtu va'e opakatu rupi.

2 Corintios 4:6

Esepia Tüpä teite ombou tesapesa pɨ̇tümimbi va'e resape agwä, a'e avei osesape uka yande pɨ'a pɨpe, ichui yaikatura ambuae ava resape, iyavei yamboyekwara Tüpä porañetesa osesape va'erä Jesucristo rekokwer rese yaiko.

2 Corintios 5:9

Sese yaseka yande Yar mbovɨ'a agwä yepi, yaikove vɨtese avei yande rete rese, anise yasëse ichui.

2 Corintios 9:8

Tüpä ni'ä oikatu opakatu mba'e avɨye va'e mondo agwä peü arɨ yakatu rupi, pereko va'erä opakatu mba'e ipane va'e peü, iyavei sumbɨrer pɨpe opakatu ambuae mba'e avɨye va'e rese pe poropɨtɨ̇vɨï agwä.

Efesios 1:17

Che aporandu yande Yar Jesucristo Ru Tüpä seko porañete va'e upe, pe rekokwer resape agwä rese, ipɨpe peikwa katura semimboyekwa iyavei peikwa tuprɨ katura yande Yar.

Efesios 2:10

Tüpä ni'ä yande rekokwer mo'ɨ̇vi; a'e yande apo Cristo Jesús rese yande reko agwä, mba'e ikatuprɨ va'e apo agwä avei.

Efesios 4:1

Sese Cristo rekokwer mombe'usa sui che rokendasa pɨpe, peiko tuprɨra pe kwaita rupi Tüpä pe renoisa pɨpe a'e peü.

Efesios 4:13

opakatu yaiko tuprɨ rane itera oyese Jesús rese yeroyasa pɨpe iyavei yaikwa tuprɨra Tüpä Ra'ɨrɨ rekokwer, a'ese yaiko tuprɨra yande Cristo rese inungar ava ipɨ'añemoñeta tuprɨ katu va'e, a'ese yasupitɨra Cristo rekokwer.

Efesios 5:10

Sese peyembo'e katu mba'e yande Yar pɨ'a rupindar apo agwä rese.

Efesios 5:15

Sese pema'ekwa tuprɨ pe rekokwer rese. Peikoi rene ndayarakwai va'e nungar; peikora rumo pe yapɨsaka tuprɨsa pɨpe.

Efesios 5:2

Peiko poroaɨsusa pɨpe, inungar Cristo yande raɨsu iyavei oyemondo yande rekokwer rese, ovesa nungar seropove'ëprɨ Tüpä uve, a'e avɨye ite inungar mba'e sɨäkwä va'e chupe.

Filipenses 1:11

perekora pe rekokwer avɨye va'e ite Jesucristo ombou va'e peü Tüpä mboetei agwä.

Filipenses 1:27

Ko katu toyoya tuprɨ: pe rekokwer ko ñe'ësa avɨye va'e Jesucristo rese. Evokoiyase asose pe repia, anise amombrɨ aikose pe sui, asendu pota pe resendar ñe'ësa avɨye va'e, pe yemovɨräkwäsa resendar, pe pɨ'a ñemoñetasa yoyasa resendar iyavei pe poravɨkɨ pirätäsa resendar pe poreroyasave ko ñe'ësa poropɨsɨrösa rese,

Filipenses 4:18

Che opa aipɨsɨ pe porerekosa Epafrodito upe pembou va'e, evokoiyase oimeño ite iyavei sumbɨre vɨte cheu. A'e pembou va'e cheu avɨye ite, inungar itaɨsɨ sɨäkwä va'e, iyavei inungar mba'e seropove'ëprɨ avɨye va'e Tüpä upe.

Colosenses 2:19

Esepia a'e ndoyuvɨrekoi yande kwaisar Cristo rese, a'e omovɨräkwä va'e opakatu vɨroyasar yepi, evokoiyase a'e omboyemboya tuprɨ oyese, ñepëi va'e nungar vɨreko oyeupe Tüpä remimbotar rupi.

Colosenses 2:6

Evokoiyase inungar akoi peipɨsɨ Jesucristo pe Yar agwä, egwë peye aveira peiko Cristo rese arɨ yakatu rupi,

Colosenses 3:20

Pe aveino chi'ïvä'e, peroya aveira pe yesupa, esepia a'e yande Yar oipota.

Colosenses 4:5

Peiko tuprɨ pe arakwasa pɨpe ava nda'ei va'e Cristo reroyasar rovake, peyapo tuprɨ mba'e ko tekokwer avɨye vɨteseve.

1 Tesalonicenses 2:12

iyavei oromondo pe kwaitarä pe reko tuprɨ agwä Tüpä remimbotar rupi. A'e ni'ä oñe'ë peü peiko va'erä sese imborerekwasa porañetesave.

1 Tesalonicenses 4:1

Che rɨvrɨ eta, kurïtëi oroñe'ë pota peü pe kwaitarä rese yande Yar Jesús rer pɨpe: inungar kurïtëi pe rekokwer pereko, egwë peyeño ite katu peiko ore pe mbo'e agwer rupi Tüpä mboetei agwä.

2 Timoteo 2:4

Ñepëi yepe sundao ndosɨrɨi ete okwaita sui, esepia a'e oyemoigätu voi ete okwai agwä gwerekwar upe.

Tito 3:1

Ko rese emoma'endu'a opakatu oyapo va'e rese mborerekwar gwasu iyavei ambuae mborerekwa-rekwarmi, toyapo tuprɨ mba'e iyavei toyuvɨrekoi mba'e avɨye va'e apo agwä.

Tito 3:14

Iyavei ambuae ñe'ësa reroyasar eipe pendar toyembo'e avei yuvɨreko mba'e tuprɨ apo agwä iyavei ava mba'e chupe ipane va'e pɨtɨ̇vɨï agwä, evokoiyase sekokwer avɨye itera yuvɨrekoi.

Hebreos 11:5

Enoc avei Tüpä rese oyeroyasa pɨpe serasosa ko ɨvɨ pɨpe sui, imano e'ɨ̇ agwä, ava ndosepia iri ete yuvɨreko, esepia Tüpä vɨraso sekove reseve. Iyavei Ikwachiaprɨ pɨpe aipo e'i, yɨpɨndar vɨraso e'ɨ̇ vɨteseve, Enoc rekokwer avɨyeai ete Tüpä upe.

Hebreos 13:16

Peresarai eme katu ambuae ava upe mba'e tuprɨ aposa sui, iyavei pemondoño ite mba'e pereko va'e ambuae ava upe. Esepia evokoi nungar mba'e seropove'ëprɨ Tüpä oipota.

Hebreos 13:21

tombou pe reko mo'ɨ̇visa iyavei pe reko avɨyesa opakatu pe semimbotar apo agwä; iyavei a'e toyapo mba'e opakatu gwemimbotar yande rese Jesucristo rembiapo sui. ¡Egwë te'i imboeteiprɨ apɨre'ɨ̇ tasekoi Cristo yepi! Amén.

2 San Pedro 1:8

Esepia perekose evokoi nungar mba'e pe rekokwer pɨpe, pembouvicha katuse avei, a'ese pe rekokwer egwë nde'i tëi chira, peikwa tuprɨ katu aveira yande Yar Jesucristo.

2 San Pedro 3:18

Peikwa tuprɨ katura rumo yande Yar Poropɨsɨrösar Jesucristo iyavei peikoveño itera iporovasasa pɨpe. ¡Egwë te'i imboeteiprɨ tasekoi kurïtëi apɨre'ɨ̇ va'erä! Amén.

1 San Juan 3:22

a'e avei ni'ä ombou opakatu mba'e yandeu yaporanduse chupe, esepia yamboyeroya iporokwaita iyavei yayapo semimbotar yaiko.

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.

3 San Juan 1:6

A'e omombe'u ore ñemonu'äsave opakatu nde poroaɨsusa resendar yuvɨreko oreu. Eyapo katu mba'e ikatuprɨ va'e; eipɨtɨ̇vɨï katu chupe mba'e ipane va'e rese igwataño agwä Tüpä remimbotar rupi yuvɨreko.