Apocalipsis 9:20 - Tüpä Ñe'ëngagwer

²⁰ Ava rumbɨrer rumo nomanopa vɨtei va'e ko mba'e tëi sui yuvɨreko, nosekuñaröi ete gwekokwerai yuvɨreko, ndopoi potai ete karugwar mboetei aisa sui, iyavei opakatu mba'e ra'anga tëi oro apoprɨ, gwarepochi, bronce, ita, anise ɨvɨra apoprɨ mboeteisa sui avei yuvɨreko, evokoi mba'e apoprɨ rumo ndosarekoi va'e, ndosendui va'e ite mba'e, ndogwatai va'e avei.

Tũpa Ñehengagüer

²⁰ Ava rumbɨrer rumo nomanopa vɨtei vahe co mbahe tẽi sui yuvɨreco, nosecuñaroi eté güecocuerai yuvɨreco. Ndopoi potai eté caruguar mboetei aisa sui, iyavei opacatu mbahe rahanga tẽi oro apoprɨ, guarepochi, bronce, ita, anise ɨvɨra apoprɨ mboeteisa sui avei yuvɨreco. Evocoi mbahe apoprɨ rumo ndosarecoi vahe, ndosendui vahe ité mbahe, ndoguatai vahe avei.

Apocalipsis 9:20 Iomraidhean Croise

San Mateo 21:32

Esepia Juan Oporoapirämo va'e ou ko tekokwer i'ɨ̇vi va'e mboyekwa agwä peü pe reko tuprɨ agwä viña, pe rumo ndaperoyai ete; ichui evokoi, gwarepochi rerokwasar iyavei kuña oyemondo-mondo tëi va'e, a'e rumo vɨroya ite yuvɨreko. Pe rumo yepe pesepia tëi opakatu evokoi mba'e viña, ndapeñekuñaröi rumo pe rekokwerai sui seroya agwä.

Los Hechos 17:29

Sese yande Tüpä suindar yaikose, ko mba'e ra'anga oro apoprɨ iyavei gwarepochi ita apoprɨ, a'e revo Tüpä ndaya'ei chira, esepia ni'ä ava oyapo opɨ'a ñemoñeta gwer rupi tëi yuvɨreko.

Los Hechos 19:26

Pe rumo pesepia pesendu avei, Pablo aipo e'ise evokoi mba'e ra'anga apoprɨ ava tëi rembiapo nda'ei Tüpä e'i oiko; egwë e'i ava pɨ'a ñemoñetasa rerova oiko, nda'ei rumo Éfeso ve gweraño egwë e'i opakatu Asia rupi avei omombe'u.

Los Hechos 7:41

Evokoiyase oyapo gwaka ra'anga nungar oyeupe yuvɨreko, ichui oyuka mba'e mɨmba vɨropove'ë va'erä yuvɨreko chupe iyavei oyembovɨ'a pieta apo yuvɨreko gwembiapo ukagwer rese tëi.

2 Corintios 12:21

Asɨkɨye avei aso irise pe repia, esepia omboura Tüpä che chï agwä pe sui, che mboyase'o uka tiëtera peye yɨpɨsuive angaipa pereko va'e pɨpe, iyavei ndapemboasɨi etese mba'e tëi, yemboagwasa-gwasa tëisa iyavei mba'e pe remimbotarai peyapo va'ekwer.

1 Timoteo 4:1

Iyavei Espíritu aipo e'i tuprɨ yandeu, koiye arɨ kañɨ renonde, amove ava oyepepɨra Tüpä rese oyeroyasa sui yuvɨreko. Omboyeroyara espíritu oporombopa tëi va'e porombo'esa karugwar suindar.

Apocalipsis 15:1

Ipare asepia ɨvave oyekwa va'e ambuae poromondɨisa tuvicha va'e: ñuvɨrïo ova mbigwai ɨva pendar vɨreko ñuvɨrïo ova tuprɨ mba'erasɨ ipa va'e yuvɨreko, a'e ipa va'e ite Tüpä ñemoɨrösa.

Apocalipsis 16:8

Imoirugätusa mbigwai ɨva pendar, opa oipɨyere ɨgwa rɨru pɨpendar arɨ rese, ipare arɨ upe imondosa pirätäsa ava rapɨpa agwä.

Apocalipsis 9:19

Esepia ni'ä kavayu pirätäsa iyuru rese chini, sugwai rese aveino; a'e sugwai ndoyavɨi tuprɨ ite mboi akä, ipɨpe avei ava omomarä.

Apocalipsis 9:21

Iyavei noñekuñarö potai ete oporapichisa sui yuvɨreko, opaye aisa sui, kuña, kuimba'e ambuae rese angaipa aposa sui, omonda raisa sui avei.