Apocalipsis 9:1 - Tüpä Ñe'ëngagwer

¹ Mbigwai ɨva pendar imbopoyandeposa omoñe'ëse gwemimbɨ, a'ese asepia yasɨtata ovɨapi va'e ɨva sui ou ɨvɨve; ipare chupe imondosa ɨvɨkwar pɨkuku pɨ̇tümimbi va'e mboisa.

Tũpa Ñehengagüer

¹ Tũpa rembiguai ɨmbopoyandeposa omoñehese güemimbɨ, ahese asepia yasɨtata ovɨapi vahe ɨva sui ou ɨvɨve. Ipare chupe imondosa ɨvɨcuar pɨcucu pɨ̃tumimbi vahe mboisa.

Apocalipsis 9:1 Iomraidhean Croise

San Lucas 10:18

Jesús aipo e'i chupe: Taa, asepia ni'ä Karugwar ovɨapise ɨva sui overa va'e nungar.

San Lucas 8:31

ipare rumo oporandu Jesús upe yuvɨreko ani katu oremondo ɨvɨkwar ipɨkuku iteanga va'esave eve.

Romanos 10:7

anise ‘¿Uma pi'ä ogweyɨra mba'e-mba'e porarasave?’ ”–Cristo oyeupira omano va'e pa'ü sui oyapave aipo e'i.

Apocalipsis 1:18

iyavei aikove vɨte va'e. Yepe amano viña, kurïtëi rumo aikove iri ndopai va'erä ite che rekokwer. Che areko che mborerekwasa ava rekokwer mokañɨ agwä.

Apocalipsis 1:20

Ko akoi eresepia mba'e ndikwasai va'e ñuvɨrïo ova yasɨtata che akato kotɨndar, iyavei ñuvɨrïo ova tuprɨ oro apoprɨ tataendɨ rɨru: ñuvɨrïo ova yasɨtata a'e mbigwai ɨva pendar, iyavei ñuvɨrïo ova tekwa, evokoiyase oro apoprɨ tataendɨ rɨru, a'e yuvɨrekoi ñuvɨrïo ova tuprɨ tekwa pɨpendar che reroyasar.”

Apocalipsis 11:7

Omboavɨyepase rumo Tüpä reko mombe'usa yuvɨreko, a'ese osëra ɨvɨkwar gwasu ipɨkuku va'e sui mba'e ɨpɨ vai, a'e ovavara sese, osekopɨra, ichui oyukara.

Apocalipsis 17:8

Akoi mba'e ɨpɨ vai eresepia va'e, a'e yɨpɨve ite sekoi ko ɨvɨ pɨpe, iyavei kurïtëi a'e ndipo iri; koiye rumo osëra ɨvɨkwar gwasu ipɨkuku va'e sui omano agwä renonde. Akoi ava ɨvɨ pɨpendar ndovɨrekoi va'e gwerer kwachiar tekovesa resendar pɨpe yɨpɨve ɨvɨ apoe'ɨ̇seve yuvɨreko, a'e ndovɨ'ai chira osepiase evokoi mba'e ɨpɨ vai yɨpɨve oikove va'e yuvɨreko, a'e kurïtëi ndipo iri, koiye rumo oyevɨ irira ou ko ɨvɨ pɨpe.

Apocalipsis 20:1

Ipare asepia ñepëi mbigwai ɨva pendar ogweyɨ va'e ou ɨva sui ɨvɨkwar gwasu ipɨkuku va'e mboyasar iyavei karena ipo gwasu va'e opove vɨreko.

Apocalipsis 20:10

Karugwar evokoiyase, ava mbopa-mbopa tëisar, a'e opa imombosa ɨpa azufre okai va'e pɨpe, a'eve akoi opa imombosa mba'e ɨpɨ vai Tüpä ñe'ë mombe'usar anga'u tëi va'e aveino. A'eve iparaɨsura pɨ̇tü, arɨ yuvɨreko apɨre'ɨ̇ va'erä.

Apocalipsis 6:13

yasɨtata evokoiyase opa ovɨapi ɨva sui ɨvɨ rese yuvɨreko, inungar akoi higo akrɨ ombosururu va'e ɨvɨtuai yepi.

Apocalipsis 8:10

Ipare imombosapɨsa mbigwai ɨva pendar omoñe'ë gwemimbɨ, a'ese yasɨtata tuvicha va'e ovɨapi ɨva sui ou, sendɨ gwasu inungar akoi ɨvɨra rese tata sendɨ gwasu va'e, a'e ovɨapi ɨai mombosapɨsa ya'okwer pɨpe iyavei ɨvɨ sui ɨ o'ë va'e mombosapɨsa ya'okwer pɨpe aveino.

Apocalipsis 8:12

Imoirugätusa mbigwai ɨva pendar omoñe'ë gwemimbɨ, ipare arɨ mombosapɨsa ya'okwer imegwä, yasɨ mombosapɨsa ya'okwer, yasɨtata mombosapɨsa ya'okwer aveino. Ichui imombosapɨsa ya'okwer ndosesape iri yuvɨreko arɨ mombosapɨsa ya'okwer pɨpe, pɨ̇tü mombosapɨsa ya'okwer pɨpe aveino.

Apocalipsis 8:2

Ichui asepia ñuvɨrïo ova tuprɨ mbigwai ɨva pendar yuvɨno'äi va'e Tüpä rovai, chupe opa imondosa ñuvɨrïo ova tuprɨ mimbɨ.

Apocalipsis 9:2

Ipare omboise ɨvɨkwar rovapɨsa, ichui opü'a tatächi, inungar akoi tata gwasu pɨpe sui osë va'e, evokoiyase evokoi tatächi ndosesape uka iri arɨ upe, nipore'ɨ̇ iri ete mba'e.