Apocalipsis 8:13 - Tüpä Ñe'ëngagwer

¹³ Ipare asepia, asendu avei vɨra gwasu ovevese ɨva mbɨter rupi, aipo e'i oñe'ë pirätä: “¡Too, too, too iparaɨsu katura moko ava yuvɨrekove vɨte va'e ɨvɨ pɨpe, akoi omoñe'ëse ambuae imombosapɨsa mbigwai ɨva pendar gwemimbɨ yuvɨreko!”

Tũpa Ñehengagüer

¹³ Ipare asepia, asendu avei no vɨra guasu ovevese ɨva mbɨter rupi, aipo ehi pucu oñehe oico: “¡Too, too! ¡Iparaɨsu catura moco ava yuvɨrecove vɨte vahe ɨvɨ pɨpe yuvɨreco acoi omoñehese ambuae mbosapɨ Tũpa rembiguai güemimbɨ yuvɨreco!” ehi.

Apocalipsis 8:13 Iomraidhean Croise

Hebreos 1:14

Esepia opakatu mbigwai eta ɨva pendar espíritu yuvɨrekoi Tüpä upe oporavɨkɨ yuvɨreko, imbouprɨ ava pɨtɨ̇vɨï agwä ipɨsɨröpɨrä.

Apocalipsis 11:14

Opa imoñuvɨrïosa oñokwä mba'e-mba'e tëi, ambuae rumo ou poyava irira imombosapɨsa.

Apocalipsis 12:12

¡Peyembovɨ'a katu pe ɨva pendar, opakatu peiko va'e a'eve! ¡Pe rumo, peparaɨsu katura ɨvɨ pɨpe, paragwasu pɨpe avei yuvɨrekoi va'e, esepia ni'ä karugwar oikwa ite gweko puku e'ɨ̇ agwä ko ɨvɨ pɨpe, ogweyɨ peü oñemoɨrösa pɨpe mba'e tëi apo agwä!”

Apocalipsis 14:3

Ipare osapukai sapukaisa ipɨasu va'e yuvɨreko Tüpä rovai iyavei ɨva pendar irugätu yuvɨrekove va'e rovai, ikwaiprɨ eta rovai aveino. Ñepëi yepe ɨva pendar ndoikatui ete evokoi sapukaisa rese oyembo'e va'erä. Egwë e'i rumo ava ciento cuarenta y cuatro mil tuprɨ yuvɨrekoi va'e, evokoi oñepɨsɨrö va'e ɨvɨ pɨpendar pa'ü sui, a'e gweraño tuprɨ ite oikatu osapukai yuvɨreko.

Apocalipsis 14:6

Evokoiyase asepia ambuae mbigwai ɨva pendar oveve va'e ɨva mbɨter rupi iyavei vɨreko Tüpä ñe'ëngagwer pɨsɨrösa resendar ndopai va'e imombe'u agwä opakatu ava ko ɨvɨ pɨpendar upe, opakatu ɨvɨ rupindar upe, ava ambuae va'e upe, iñe'ë ambuae va'e upe, opakatu tekwa rupindar upe aveino.

Apocalipsis 19:17

Ipare asepia ñepëi mbigwai ɨva pendar, opü'a va'e arɨsave o'ä, a'e säse pirätä opakatu vɨräi mba'e ro'ogwar upe oveve va'e ɨva rese: “¡Perio ko'ave peñemonu'ä opakatu Tüpä suindar karusa gwasusave,

Apocalipsis 3:10

Esepia peroya ite che porokwaita, peyemovɨräkwä ite evokoi mba'e tëi upe peiko, evokoiyase che opoepɨra akoi arɨ tekoa'äsa ouse opakatu ɨvɨ rupindar upe kuri.

Apocalipsis 8:2

Ichui asepia ñuvɨrïo ova tuprɨ mbigwai ɨva pendar yuvɨno'äi va'e Tüpä rovai, chupe opa imondosa ñuvɨrïo ova tuprɨ mimbɨ.

Apocalipsis 9:1

Mbigwai ɨva pendar imbopoyandeposa omoñe'ëse gwemimbɨ, a'ese asepia yasɨtata ovɨapi va'e ɨva sui ou ɨvɨve; ipare chupe imondosa ɨvɨkwar pɨkuku pɨ̇tümimbi va'e mboisa.

Apocalipsis 9:12

Opa yɨpɨndar va'e mba'e-mba'e tëi; oime vɨte rumo ñuvɨrïo ou iri va'erä.