Apocalipsis 8:12 - Tüpä Ñe'ëngagwer

¹² Imoirugätusa mbigwai ɨva pendar omoñe'ë gwemimbɨ, ipare arɨ mombosapɨsa ya'okwer imegwä, yasɨ mombosapɨsa ya'okwer, yasɨtata mombosapɨsa ya'okwer aveino. Ichui imombosapɨsa ya'okwer ndosesape iri yuvɨreko arɨ mombosapɨsa ya'okwer pɨpe, pɨ̇tü mombosapɨsa ya'okwer pɨpe aveino.

Tũpa Ñehengagüer

¹² Imoirungatusa Tũpa rembiguai omoñehe güemimbɨ. Ipare arɨ mombosapɨsa yahocuer imegua, yasɨ mombosapɨsa yahocuer, iyavei yasɨtata mombosapɨsa yahocuer avei no. Ichui imombosapɨsa yahocuer ndosesape iri yuvɨreco arɨ mombosapɨsa yahocuer pɨpe, pɨ̃tu mombosapɨsa yahocuer pɨpe avei no.

Apocalipsis 8:12 Iomraidhean Croise

San Mateo 24:29

“A'e arɨ pɨpe mba'e-mba'e tëi pare kurïtëimi ndoyekwa iri chira arɨ, yasɨ ndosesape iri chira, yasɨtata avei opara ovɨapi ɨva sui, iyavei ɨva resendar mba'e orɨrɨira yuvɨreko.

San Mateo 27:45

A'ese mbɨter arɨ sui tuprɨ opa pɨ̇tü ɨvɨ rupi ka'aruavei.

San Marcos 13:24

“A'e arɨ pɨpe rumo ko mba'e-mba'e tëi pare ndoyekwa iri chira arɨ, yasɨ avei ndosesape iri chira,

San Marcos 15:33

Osupitɨse rumo mbɨter arɨ, iyavei ka'aruopa tuprɨ pɨ̇tü ɨvɨ rupi.

San Lucas 21:25

“Oimerä poromondɨisa arɨ rese, yasɨ rese iyavei yasɨtata rese; opakatu ɨvɨ tekwa rupi ava ndayarakwa iri chira yuvɨreko oyembosɨkɨye gwasu-gwasu tëi aveira yuvɨreko paragwasu rɨapugwer renduse.

Los Hechos 2:20

A'ese arɨ ndosesape iri chietera o'ara pɨ̇tümimbi, yasɨ oyeapora tuvɨ nungar, oimerä ko nungar mba'e-mba'e tëi yande Yar renonderä kuri.

2 Corintios 4:4

Esepia a'e ndovɨroyai ete yuvɨreko, karugwar rerekwar ko ɨvɨ pɨpendar opa oyarakwa mokañɨ, ndosepiai va'erä tesapesa porañete va'e Cristo resendar yuvɨreko, esepia a'e Tüpä rekokwer mboyekwasar sekoi.

Apocalipsis 12:4

Sugwai evokoiyase ombotɨrɨrɨ yasɨtata ɨva pendar imombosapɨsa sui ñepëi iya'okwer seraso, ipare opa omombo ɨvɨve. A'ese mba'e ɨpɨ evokoiyase opɨta osärö kuña imembɨra pota va'e o'ä, ta'upaño voi imembrɨ o'a ramoseve e'i viña.

Apocalipsis 16:10

Imbopoyandeposa mbigwai ɨva pendar oipɨyere ɨgwa rɨru pɨpendar mba'e ɨpɨ vai renda rese, a'ese avɨyeteramo tëi serekwar ipovrɨ pendar avei pɨ̇tümimbisave yuvɨrekoi. Ava evokoiyase oñeapëkusu'u-su'u tëi yuvɨreko mba'e rasɨkwer pa'üve;

Apocalipsis 6:12

Akoi Ovesami a'e Cristo sekoi va'e omondorose imoñepëi ova sello, a'ese oime ɨvɨ rɨrɨi ipirätä va'e. Arɨ evokoiyase sü, avɨye akoi turukwar sü va'e mano sendar yemondesa iyavei yasɨ pirä inungar tuvɨ,

Apocalipsis 9:15

Evokoiyase opa yorasa irugätu mbigwai ɨva pendar naporäi va'e, ava mombosapɨsa ya'okwer yuka agwä yuvɨreko, esepia evokoi imoigätuprɨ ite a'e arɨ, yasɨ iyavei aravɨter rupi tuprɨ narä yuvɨreko.

Apocalipsis 9:18

Iyavei ava mombosapɨsa ya'okwer opa tuprɨ omano ko mbosapɨ mba'e-mba'e tëi pɨpe yuvɨreko, a'e osë va'e kavayu yuru rupi sui: tata, tatächi iyavei azufre.