Apocalipsis 7:15 - Tüpä Ñe'ëngagwer

¹⁵ “Sese Tüpä renda porañete va'e rovai yuvɨrekoi, arɨ iyavei pɨ̇tü rupi omboetei sëtä pɨpe yuvɨreko. Akoi ogwapɨ va'e öi, tenda porañete va'esave a'e gwekokwer pɨpe osepɨra.

Tũpa Ñehengagüer

¹⁵ “Sese Tũpa renda rovai yuvɨrecoi, chupe mbahe apo ãgua arɨ, pɨ̃tu rupi avei sẽta pɨpe. Güendave oguapɨ vahe oĩ, güecocuer pɨpe osepɨra.

Apocalipsis 7:15 Iomraidhean Croise

San Juan 1:14

A'e akoi Ñe'ësa oyeapo ava iyavei oikove yande pa'üve. Iyavei sepiasa ite seko porañetesa, a'e porañetesa oipɨsɨ va'e Vu sui Ta'ɨrɨ ñepëi va'e gweko pɨpe, iporoaɨsusa supi va'e ite.

1 Corintios 3:16

¿Ndapeikwai vo Tüpä rëtä peikose, iyavei Tüpä Espíritu sekoise pe rese?

2 Corintios 6:16

Nda'oyoyai chietera ni'ä mba'e ra'anga tëi Tüpä rëtä rese. Esepia yande ni'ä Tüpä oikove va'e rëtä nungar yaiko, a'e ni'ä aipo e'i Ikwachiaprɨ pɨpe araka'e: “Che aikovera seseve iyavei agwatara ipa'ü rupi yuvɨreko; che avei aikora Tüpä yuvɨreko chupe a'e evokoiyase cheu narä yuvɨrekoira.”

Hebreos 12:2

Yama'e tuprɨ itera Jesús rese, a'e ichui ni'ä yareko yande yeroyasa Tüpä rese, a'e avei oyese yande mboporeroya tuprɨ katu, Jesús oiporara kurusu rese omano ochie'ɨ̇sa pɨpe, esepia a'e oikwa ite oparaɨsu pare vɨrekora ovɨ'aretesa, ogwapɨse omborerekwasave Vu Tüpä akato kotɨ öi.

Hebreos 8:1

Ko rupi ete oroyepota ore remimombe'u mba'e avɨye katu va'e upe, yareko ite evokoi nungar pa'i ɨvate katu va'e. A'e ogwapɨ Tüpä akato kotɨ öi omborerekwasa pɨpe ɨvave,

Apocalipsis 11:19

A'ese oyemboi Tüpä rëtä ɨva pendar, iyavei sëtä pɨpe oyekwa tuprɨ kwachiar porokwaita resendar rɨru. Ipare overa-vera, sɨapu gwasu, osunu, ɨvɨ orɨrɨi, amanda osururu aveino.

Apocalipsis 13:6

Egwë e'i iñe'ë marä-marä tëi Tüpä rese, iñe'ë-ñe'ë tëi avei serer maräne'ɨ̇ rese, sëtä rese ɨva pendar rese aveino.

Apocalipsis 20:10

Karugwar evokoiyase, ava mbopa-mbopa tëisar, a'e opa imombosa ɨpa azufre okai va'e pɨpe, a'eve akoi opa imombosa mba'e ɨpɨ vai Tüpä ñe'ë mombe'usar anga'u tëi va'e aveino. A'eve iparaɨsura pɨ̇tü, arɨ yuvɨreko apɨre'ɨ̇ va'erä.

Apocalipsis 21:22

Ndasepiai ete evokoi tekwa gwasu pɨpe ñepëi yepe tüpäro, esepia ni'ä yande Yar Tüpä mba'e mboavaisare'ɨ̇, iyavei Ovesami a'e Cristo sekoi a'eve.

Apocalipsis 22:3

Iyavei ndipoi chietera a'eve mba'e naporäi va'e. Esepia Tüpä renda porañete va'e iyavei Ovesami a'e Cristo sekoi va'e renda avei chinira evokoi tekwa gwasu pɨpe, a'eve sembigwai eta omboeteira yuvɨreko.

Apocalipsis 22:5

A'eve ndipoi chietera pɨ̇tü, iyavei ava a'eve yuvɨrekoi va'e ndosekai chietera tataendɨ, ndosekai chiaveira arɨ gwesape agwä yuvɨreko, esepia yande Yar Tüpä teiete osesapera, ipare a'e ava mborerekwar apɨre'ɨ̇ va'erä ite yuvɨrekoira sese.

Apocalipsis 4:4

iyavei asepia evokoi rese oyere tuprɨ ambuae veinticuatro tenda, a'e i'arɨve ogwapɨ yuvɨnoi veinticuatro avei ikwaiprɨ yuvɨrekoi va'e; iturukwar morochi va'e yuvɨreko iyavei oakä rese omboyere tuprɨ oro apoprɨ yuvɨreko.

Apocalipsis 4:8

Evokoi ɨva pendar irugätu yuvɨrekove va'e vɨreko oyakatu ñepëi ova tuprɨ opepo yuvɨreko iyavei vɨreko opakatu gwete rese gwesa. Ndopɨtu'ui ete arɨ, pɨ̇tü rupi aipo e'i yuvɨreko: “¡Seko maräne'ɨ̇ va'e, seko maräne'ɨ̇ va'e, seko maräne'ɨ̇ ite sekoi yande Yar, a'e Tüpä mba'e mboavaisare'ɨ̇, yɨpɨve va'e ite sekoi, ou apɨre'ɨ̇ va'e avei kuri!”

Apocalipsis 4:9

Evokoi yuvɨrekove va'e omboetei yuvɨreko, avɨye ndeu e'i ko ogwapɨ va'e öi tenda arɨve ndopai va'e upe.

Apocalipsis 7:9

Ipare asepia seta iteanga ava, opakatu ɨvɨ rupindar, ambuae-ae tëi va'e, ambuae-ae tëi va'e iñe'ë yuvɨreko sekwa ambuae va'e aveino. A'e opü'apa va'e Tüpä rovai porañete va'e Ovesami a'e Cristo sekoi va'e rovai avei yuvɨreko, a'e ndayaikatui ete ipapapa agwä. Esepia seta eteprɨ iyavei iturukwar morochi va'e päve; pindo-pindomi vɨreko opove yuvɨreko.