Apocalipsis 6:6 - Tüpä Ñe'ëngagwer

⁶ Ipare asendu irugätu yuvɨrekove va'e kotɨndar ñe'ë, a'e aipo e'i: “Ñepëi sa'ämbrɨ trigo serokwasa gwarepochi ñepëi arɨ resendar mboravɨkɨ reprɨ pɨpe, mbosapɨ sa'ämbrɨ rupindar cebada evokoiyase serokwasa avei ñepëi arɨ resendar mboravɨkɨ reprɨ pɨpe no; pemokañɨi rene mba'e kɨra uva rɨkwer aveino.”

Tũpa Ñehengagüer

⁶ Ipare asendu yuvɨrecove vahe cotɨndar ñehe, ahe aipo ehi: ‘Nẽpei kilo trigo serocuasa guarepochi ñepei arɨ resendar mboravɨquɨ reprɨ pɨpe, mbosapɨ kilo cebada evocoiyase serocuasa avei ñepei arɨ resendar mboravɨquɨ reprɨ pɨpe no. Pemocañɨ eme mbahe quɨra iyavei uva rɨcuer avei no” ehi.

Apocalipsis 6:6 Iomraidhean Croise

San Mateo 24:7

Esepia ñepëi ɨvɨ pɨpendar ovavara ambuae ɨvɨ pendar rese iyavei ñepëi tekwa gwasu ovavara ambuae ɨvɨ pendar rese; iyavei oimerä tɨavor ɨvɨ rɨrɨi opakatu-katu tëi tekwa rupi.

Apocalipsis 4:6

Evokoi tenda rovai oime avei ndoyavɨi tuprɨ paragwasu tɨ̇pɨu va'e oyekwa tuprɨ va'e mba'e ipɨpe. Ambuae tenda pa'ü rupi oyere tuprɨ Tüpä renda rese irugätu ɨva pendar yuvɨrekove va'e, a'e sesa oyere tuprɨ va'e sese, a'e osareko tuprɨ va'e gwenonera gwakɨkwei kotɨ aveino.

Apocalipsis 4:8

Evokoi ɨva pendar irugätu yuvɨrekove va'e vɨreko oyakatu ñepëi ova tuprɨ opepo yuvɨreko iyavei vɨreko opakatu gwete rese gwesa. Ndopɨtu'ui ete arɨ, pɨ̇tü rupi aipo e'i yuvɨreko: “¡Seko maräne'ɨ̇ va'e, seko maräne'ɨ̇ va'e, seko maräne'ɨ̇ ite sekoi yande Yar, a'e Tüpä mba'e mboavaisare'ɨ̇, yɨpɨve va'e ite sekoi, ou apɨre'ɨ̇ va'e avei kuri!”

Apocalipsis 7:3

“¡Ndapemomarä vɨtei chira rumo ɨvɨ, paragwasu, ɨvɨra aveino, ndayamondo vɨteiseve isɨva rese yande Yar Tüpä rer ikwachiaprɨ!”

Apocalipsis 9:4

Ipare yokwaisa ɨvɨ pɨpendar kapi'i momarä e'ɨ̇ agwä, opakatu mba'e rokrɨ ɨvɨra avei, imomaräsara rumo akoi ava ndovɨrekoi va'e Tüpä rer osɨva rese.