Apocalipsis 6:4 - Tüpä Ñe'ëngagwer

⁴ Ipare osë kavayu pirä va'e, a'e ava i'arɨ pendar oipɨsɨ pirätäsa mba'e tuprɨsa rerokwa agwä ɨvɨ pɨpendar ava sui toyeyuka-yuka tëi yuvɨreko oyapave; ipare imondosa kɨse puku chupe.

Tũpa Ñehengagüer

⁴ Ipare osẽ cavayu pĩra vahe, ahe ava iharɨ pendar oipɨsɨ pĩratasa mbahe tuprɨsa rerocua ãgua ɨvɨ pɨ̃pendar ava sui ‘toyeyuca-yuca tẽi yuvɨreco’ oyapave. Ipare imondosa quɨse pucu chupe.

Apocalipsis 6:4 Iomraidhean Croise

San Mateo 10:34

“Mba'e tuprɨai revo gweru ko ɨvɨ pɨpe ndapeyei chira cheu; ndarui mba'e avɨye tuprɨ va'e, aru rumo vavasa tëi.

San Mateo 24:6

Pesendura ñe'ësa vavasa resendar ko'ave iyavei ambuae rupi; ndapeyembosɨkɨyei chira rumo ichui, esepia egwë e'i rane itera ni'ä; nde'i vɨtei chietera rumo arɨ kañɨsa.

San Juan 19:11

A'ese Jesús omboyevɨ chupe: –Ani ndererekoi chietera ñepëi nde mborerekwasa che arɨve, iyavei Tüpä nomondoise ndeu mba'e apo agwä viña; evokoi rumo, che mondosar ndeu a'e oyemboangaipa katu itera ndesui.

Apocalipsis 12:3

Ipare koiye katu oyekwa iri ambuae poromondɨisa ɨva rese: ñepëi mba'e ɨpɨ pirä va'e, a'e ñakä ñuvɨrïo ova tuprɨ, sächi evokoiyase imboopayandepo yovaivesa iyavei vɨreko yegwaka oakä yakatu.

Apocalipsis 13:10

“Akoi ava seraso pɨrä poroekendasave, a'e sokendasa ñoitera; iyavei akoi ava omano va'erä kɨse puku pɨpe, kɨse puku pɨpe avei yukasara.” Ko pɨpe oyekwa Tüpä rese yeroyasa iyavei ipirätäsa ava rese yuvɨreko.

Apocalipsis 17:3

Ipare che ker nungar pɨpe asepia Espíritu omboyekwa va'e cheu, mbigwai ɨva pendar che reraso ɨvɨ iporupɨre'ɨ̇save. A'eve asepia kuña mba'e ɨpɨ vai pirä va'e arɨve chini, evokoi mba'e ɨpɨ vai opakatu rupi oyapete tuprɨ ñe'ësa vai Tüpä amotare'ɨ̇sa sereko oyese, iyavei vɨreko ñuvɨrïo ova tuprɨ oakä, opayandepo yovaive tuprɨ gwächi.

Apocalipsis 17:6

Ipare aikwa evokoi kuña osavaɨpo va'e öi Tüpä reroyasar ruvɨ pɨpe iyavei akoi Jesús rekokwer mombe'usa sui tëi yukaprɨ va'e ruvɨ pɨpe aveino. Asepiase rumo ndache mbovɨ'ai ete.