Apocalipsis 6:10 - Tüpä Ñe'ëngagwer

¹⁰ A'e aipo e'i oñe'ë pirätä yuvɨreko: “Ore Yar Tüpä seko maräne'ɨ̇, supi tuprɨ va'e, ¿mba'ese vo eremombaraɨsura ore yukasarer yuvɨrekoi va'e ɨvɨ pɨpendar ore repɨsave?”

Tũpa Ñehengagüer

¹⁰ Ahe aipo ehi pĩrata yuvɨreco: “Ore Yar Tũpa seco maranehɨ, supi tuprɨ vahe, ¿mbahese vo eremombaraɨsura ore yucasarer yuvɨrecoi vahe ɨvɨ pɨpendar ore repɨsave?” ehi yuvɨreco.

Apocalipsis 6:10 Iomraidhean Croise

San Lucas 2:29

“Che Yar kurïtëi nderemimombe'u yavɨye ite: esepia ni'ä, nde remimombe'ugwer eremboavɨye ite cheu.

San Lucas 21:22

Esepia a'e arɨ pɨpe oimerä ñemoɨrösa, a'e yavɨye rane itera opakatu Ikwachiaprɨ araka'endar pɨpe imombe'uprɨ.

Romanos 12:19

Che rɨvrɨ eta, ani pe ae pemboyevɨ mba'e tëi pɨpe pe reko momaräsar, peseyaño Tüpä upe a'e oikwara chupe; esepia Ikwachiaprɨ pɨpe aipo e'i: “Che aikwara ava mba'e tëi aposar upe; che amboepɨra e'i yande Yar.”

Hebreos 12:24

peyemboya avei Jesús rese, a'e omoime yandeu Tüpä remimbotar ipɨasu va'e, a'e suvɨ yande moatɨrö va'e, avɨye katu Abel ruvɨ sui.

2 San Pedro 2:1

Yuvɨrekove rumo araka'e porombo'esar oporombopa tëi va'e Israel ɨvɨ rupi; oime aveira ni'ä pe pa'üve ko nungar oporombopa tëi va'e yuvɨreko. A'e ñemisa pɨpe oporombo'era kokotɨ tëi va'e ava reko momarä tëi agwä, evokoiya gweko pɨpe rumo ndoikwai yande Yar opɨsɨrösar; ko rumo gwekokwer momba pɨ'aivi agwä tëi egwë e'ira yuvɨreko.

Apocalipsis 11:18

Ambuae tekwa re'ɨi pendar nde amotare'ɨ̇ ite yuvɨreko; nde ñemoɨrösa rumo kurïtëi oyepota, iyavei nde porandusa oime voira ava omano va'e upe; iyavei eremondora mba'e porerekosa nde rembigwai eta nde ñe'ë mombe'usar upe, ndeundar seko katuprɨ va'e upe iyavei akoi nde rer mboeteisar upe no, seko ɨvate va'e upe, seko ɨvɨ kotɨ katu va'e upe aveino; iyavei eremokañɨrä ko ɨvɨ pɨpe mba'e tëi aposar yuvɨreko.”

Apocalipsis 18:20

Peyembovɨ'año, pe ɨva pendar evokoi tekwa gwasu rese; iyavei peyembovɨ'año katu, peiko va'e tekwa maräne'ɨ̇ pendar, iyavei Jesús ñe'ë mombe'usa reta Tüpä ñe'ë mombe'usa reta aveino, esepia ni'ä Tüpä opa omokañɨ, peü narä mba'e avɨye va'e aposa pɨpe.

Apocalipsis 18:24

Esepia ni'ä, evokoi tekwa gwasu pɨpe oyekwa ite Tüpä ñe'ë mombe'usar ruvɨ, Tüpä upendar ava ruvɨ, opakatu ava yukaprɨ ɨvɨ pɨpendar ruvɨ avei.

Apocalipsis 19:2

esepia ni'ä oyapo mba'e supiete va'e; opa avei omokañɨ ko kuña oyemboagwasa-gwasa tëi va'e nungar iyavei oyemondo-mondo tëisa pɨpe opa ava oseko momarä ɨvɨ pɨpendar yuvɨreko; oyepɨ avei a'e kuña rese Tüpä rembigwai omano va'ekwer repɨkave.”

Apocalipsis 3:10

Esepia peroya ite che porokwaita, peyemovɨräkwä ite evokoi mba'e tëi upe peiko, evokoiyase che opoepɨra akoi arɨ tekoa'äsa ouse opakatu ɨvɨ rupindar upe kuri.

Apocalipsis 3:7

“Eikwachia avei mbigwai ɨva pendar che reroyasar rärösar Filadelfia pendar upe: ‘Ko seko maräne'ɨ̇ va'e, supi tuprɨ va'e ite, vɨreko va'e mborerekwasa araka'endar mborerekwar gwasu David nungar, akoi omboise okenda, ñepëi yepe ava nomboyai chietera; iyavei akoi omboyase, ñepëi yepe ava nomboi chiaveira: