Apocalipsis 6:1 - Tüpä Ñe'ëngagwer

¹ Ipare asepia akoi Ovesami a'e Cristo sekoi va'e omondoro yɨpɨndar va'e sello ñuvɨrïo ova kwachiar mboyasa sui. A'ese asendu avei ava irugätu yuvɨrekoi va'e pa'ü pendar oñe'ë pirätä, iñe'ë ndoyavɨi osunu va'e: “¡Erio!” e'i cheu.

Tũpa Ñehengagüer

¹ Ipare asepia acoi Ovesami omondoro yɨpɨndar vahe sello siete vahe cuachiar mboyasa sui. Ahese asendu avei ava irungatu yuvɨrecoi vahe pãhu pendar oñehe pĩrata. Iñehe ndoyavɨi osunu vahe, “¡Erio!” ehi cheu.

Apocalipsis 6:1 Iomraidhean Croise

San Juan 1:29

A'ere arayi'ive Juan osepia Jesús, oyemboyase oso sese, aipo e'i chupe: “¡Pesepia, ko Tüpä remimbou Ovesa nungar, opakatu ava angaipa mokañɨ agwä!

Los Hechos 4:20

¡Ndiyai rumo mba'e ore rembiepia, mba'e orosendu va'e avei mombe'u e'ɨ̇ agwä oreu!

Apocalipsis 11:19

A'ese oyemboi Tüpä rëtä ɨva pendar, iyavei sëtä pɨpe oyekwa tuprɨ kwachiar porokwaita resendar rɨru. Ipare overa-vera, sɨapu gwasu, osunu, ɨvɨ orɨrɨi, amanda osururu aveino.

Apocalipsis 13:8

Ipare omboeteiai sereko yuvɨreko opakatu ava ɨvɨ pɨpendar akoi ɨvɨ apoe'ɨ̇ suive ndovɨrekoi va'e gwerer Ovesami a'e Cristo sekoi va'e kwachiar tekovesa resendar pɨpe, a'e ni'ä akoi yukapɨrer.

Apocalipsis 14:2

Ipare asendu mba'e rɨapu ɨva sui ou va'e; ndoyavɨi akoi ɨtu gwasu rɨapugwer iyavei ndoyavɨi ete akoi osunu va'e opororo-roro iteanga va'e; ndoyavɨi avei akoi ava seta va'e omoñe'ëse arpas yuvɨreko, egwë e'i sɨapugwer.

Apocalipsis 19:6

Asendu avei ava re'ɨi ñe'ë, inungar akoi ɨtu gwasu rɨapu, ndoyavɨi avei osunu gwasu va'e. Aipo e'i: “¡Imboeteiprɨ yande Yar tasekoi! Esepia ni'ä yande Yar Tüpä omboɨpɨ oporokwai oiko gweko mba'e mboavaisare'ɨ̇sa pɨpe.

Apocalipsis 4:8

Evokoi ɨva pendar irugätu yuvɨrekove va'e vɨreko oyakatu ñepëi ova tuprɨ opepo yuvɨreko iyavei vɨreko opakatu gwete rese gwesa. Ndopɨtu'ui ete arɨ, pɨ̇tü rupi aipo e'i yuvɨreko: “¡Seko maräne'ɨ̇ va'e, seko maräne'ɨ̇ va'e, seko maräne'ɨ̇ ite sekoi yande Yar, a'e Tüpä mba'e mboavaisare'ɨ̇, yɨpɨve va'e ite sekoi, ou apɨre'ɨ̇ va'e avei kuri!”

Apocalipsis 5:1

Che asepia kwachiar Tüpä vɨreko va'e oakato kotɨ, ikwachiaprɨ ipɨpe kotɨ, okar kotɨ aveino, imboyaprɨ ñuvɨrïo ova sello pɨpe.

Apocalipsis 5:12

a'e aipo e'i oñe'ë pirätä yuvɨreko: “¡Ko Ovesami a'e Cristo sekoi va'e yukapɨrer a'e chupe iyakatu ite mborerekwasa pɨsɨ agwä, opakatu porerekosa avei, mba'ekwasa iyavei pirätäsa, mboyeroyasa, poromboeteisa, sapukaisa pɨsɨ agwä aveino!”

Apocalipsis 5:8

kwachiar pɨsɨ pare, evokoi irugätu yuvɨrekove va'e, iyavei veinticuatro tuprɨ ikwaiprɨ, a'e oñenopɨ'äpa Ovesami Cristo sekoi va'e rovai yuvɨreko. Oyakatu ñepëi-pëi vɨreko arpas yuvɨreko, itaɨsɨ rɨru oro apoprɨ, a'e avei omboapɨpo tuprɨ sereko yuvɨreko, a'e itaɨsɨ ni'ä Tüpä reroyasar yeruresa.

Apocalipsis 6:3

Omondorose akoi Ovesami a'e Cristo sekoi va'e imoñuvɨrïosa sello, a'ese asendu imoñuvɨrïosa yuvɨrekove va'e pa'ü pendar ñe'ë: “¡Erio!” e'i va'e cheu.

Apocalipsis 6:5

Omondorose akoi Ovesami a'e Cristo sekoi va'e imombosapɨsa sello, a'ese asendu imombosapɨsa yuvɨrekove va'e pa'ü pendar ñe'ë aipo e'i cheu: “¡Erio!” Ama'e sese, a'ese asepia kavayu sü va'e, a'e ava i'arɨ pendar vɨreko opo pɨpe mba'e rä'asa.

Apocalipsis 6:7

Akoi Ovesami a'e Cristo sekoi va'e omondorose imoirugätusa sello, a'ese asendu ava imoirugätusa ñe'ë aipo e'i: “¡Erio!” e'i cheu.

Apocalipsis 8:1

Ipare Ovesami a'e Cristo sekoi va'e omondorose imoñuvɨrïo ova sello kwachiar mboyasa ichui, a'ese sɨ̇u tuprɨ ɨvave a'e arɨ pɨpe.