Apocalipsis 5:9 - Tüpä Ñe'ëngagwer

⁹ Iyavei osapukai ipɨasu va'e sapukaisa yuvɨreko: “Ndeu iyakatu ite kwachiar pɨsɨ agwä, imboyaprɨ mondoro agwä aveino, esepia ni'ä nde yukaprɨ seropove'ëprɨ ereiko; evokoiyase nde ruvɨ pɨpe eremboepɨpa Tüpä upe narä opakatu ava ambuae-ae tëi va'e, iñe'ë ambuae-ae tëi va'e avei, ñepëi-pëi tekwa yakatu rupindar, ɨvɨ rupindar avei yuvɨreko.

Tũpa Ñehengagüer

⁹ Osapucai ipɨasu vahe sapucaisa pɨpe aipo ehi yuvɨreco: “Ndeu iyacatu ité cuachiar pɨsɨ ãgua, imboyaprɨ mondoro ãgua avei no. Esepia niha, nde yucaprɨ seropovẽheprɨ ereico. Evocoiyase nde ruvɨ pɨpe eremboepɨpa Tũpa upe nara opacatu ava ambuae-ae tẽi vahe, iñehe ambuae-ae tẽi vahe avei, ñepei-pei tecua yacatu rupindar, ɨvɨ rupindar avei yuvɨreco.

Apocalipsis 5:9 Iomraidhean Croise

San Mateo 20:28

Esepia ava ɨvate katu va'e Ra'ɨrɨ, ndoui ava i'añeko va'erä yuvɨreko sese, a'e rumo ou ava rese oañeko agwä iyavei omondo va'erä gwekokwer ava re'ɨi repɨrä.

San Mateo 26:28

esepia ko che ruvɨ, a'e che Ru remimbotar ipɨasu va'e peü narä, che ruvɨ oyepɨyerera ava re'ɨi rekokwer angaipa repɨrä rese.

Los Hechos 20:28

Sese peñearö tuprɨ, pesärö avei opakatu Jesús reroyasar, Espíritu Maräne'ɨ̇ porokwaita rupi inungar ovesa rärösar, egwë peye tuprɨra särö a'e Tüpä remimboepɨ yuvɨrekoi, esepia Jesús oipɨyere vuvɨ opakatu ava angaipa repɨrä.

1 Corintios 6:20

esepia Tüpä yande rerokwa oyeupe narä. Sese peyapo mba'e avɨye va'e pe retekwer pɨpe Tüpä mboetei agwä.

1 Corintios 7:23

Tüpä opa ite perekokwa oyeupe narä, sese ndiyai ete ambuae ava povrɨve tëi peiko.

Efesios 1:7

Tüpä yande raɨsu eteprɨsa pɨpe yande pɨsɨrö Gwa'ɨrɨ ruvɨ pɨyeresa pɨpe yande angaipa rese ñeröi agwä,

Efesios 5:19

Peñe'ë katu salmos pɨpe, opakatu Tüpä upendar sapukaisa pɨpe avei peyeupe; pesapukai, pemboetei avei opakatu pe pɨ'a pɨpe yande Yar sereko.

Colosenses 1:14

a'e Ta'ɨrɨ yande pɨsɨrö iyavei yande angaipa rese iñeröi yandeu.

Colosenses 1:23

Egwë peye agwä rumo peyemovɨräkwä ñoitera Cristo rese pe yeroyasa pɨpe yepi, ndapeyepepɨi chiaveira mba'e oime va'erä rese pe yeroyasa sui pesendu va'e ko ñe'ësa ñepɨsɨrösa resendar pɨpe. A'e imombe'usa opakatu ɨvɨ rupi, che ni'ä Pablo, ikwaiprɨ aiko ko ñe'ësa mombe'u agwä.

Tito 2:14

A'e oyemondo mano pɨpe yande rekokwer rese, opakatu mba'e naporäi va'e sui iyavei yande moatɨrö tuprɨ, evokoiyase yaikora sekwa pɨpe chupe narä gweraño ite, yande kere'ɨ̇save opakatu mba'e avɨye va'e apo agwä.

Hebreos 11:14

Iyavei aipo e'i va'e oikwa uka tuprɨ yandeu, oseka vɨte oyeupendar ɨvɨ yuvɨreko.

2 San Pedro 2:1

Yuvɨrekove rumo araka'e porombo'esar oporombopa tëi va'e Israel ɨvɨ rupi; oime aveira ni'ä pe pa'üve ko nungar oporombopa tëi va'e yuvɨreko. A'e ñemisa pɨpe oporombo'era kokotɨ tëi va'e ava reko momarä tëi agwä, evokoiya gweko pɨpe rumo ndoikwai yande Yar opɨsɨrösar; ko rumo gwekokwer momba pɨ'aivi agwä tëi egwë e'ira yuvɨreko.

1 San Juan 1:7

Yaikose rumo tesapesa pɨpe inungar yande Ru Tüpä sekoi tesapesa, evokoiyase yaiko tuprɨra yande yeupe. Iyavei suvɨ yande moatɨrö opakatu angaipa sui.

1 San Juan 2:2

Jesucristo oyemondo manosa pɨpe oime va'erä ñeröisa yande angaipagwer mokañɨ agwä; nda'ei yande angaipagwer rese gweraño, opakatu ava ɨvɨ pɨpendar upe avei.

Apocalipsis 10:11

Evokoiyase aipo e'i yuvɨreko cheu: “Nde eremombe'u irira Tüpä ñe'ëngagwer ipɨasu va'e, ambuae tekwa rupindar upe, ɨvɨ rupindar upe avei, ambuae iñe'ë va'e upe, mborerekwareta upe aveino.”

Apocalipsis 11:9

Ipare mbosapɨ arɨ yemombɨtesa rupi, ava-ava tëi tekwa rupindar, ava ambuae-ae tëi va'e, iñe'ë ambuae va'e iyavei ambuae ɨvɨ rupindar osepiaño tëira se'ögwer iyavei a'e noñotɨ̇ ukai chietera ava upe yuvɨreko.

Apocalipsis 13:7

Imondosa avei chupe vavasa apo uka agwä Tüpä upendar ava eta upe sekopɨ agwä; imondosa avei mborerekwar seko agwä chupe ava ambuae-ae tëi va'e upe, sekwa ambuae va'e upe ambuae tëi iñe'ë va'e upe, ambuae ɨvɨ rupindar upe aveino.

Apocalipsis 13:8

Ipare omboeteiai sereko yuvɨreko opakatu ava ɨvɨ pɨpendar akoi ɨvɨ apoe'ɨ̇ suive ndovɨrekoi va'e gwerer Ovesami a'e Cristo sekoi va'e kwachiar tekovesa resendar pɨpe, a'e ni'ä akoi yukapɨrer.

Apocalipsis 14:6

Evokoiyase asepia ambuae mbigwai ɨva pendar oveve va'e ɨva mbɨter rupi iyavei vɨreko Tüpä ñe'ëngagwer pɨsɨrösa resendar ndopai va'e imombe'u agwä opakatu ava ko ɨvɨ pɨpendar upe, opakatu ɨvɨ rupindar upe, ava ambuae va'e upe, iñe'ë ambuae va'e upe, opakatu tekwa rupindar upe aveino.

Apocalipsis 15:3

Ipare osapukai Tüpä rembigwai yuvɨreko Moisés sapukaisa pɨpe, iyavei Ovesami a'e Cristo sekoi va'e sapukaisa pɨpe. Aipo e'i: “Avɨye ite opakatu mba'e nde rembiapokwer, che Yar Tüpä mba'e mboavaisare'ɨ̇; nde rekokwer supi tuprɨ va'e ite; seko ɨ̇vi va'e, iyavei nde Mborerekwar ɨvate katu va'e ereiko ɨvɨ pɨpendar opakatu ava upe.

Apocalipsis 17:15

Iyavei mbigwai ɨva pendar aipo e'i cheu: “Evokoi ɨ eresepia va'e, i'arɨve kuña oyemondo-mondo tëi va'e ogwapɨ öi, a'e ava re'ɨi tekwa yakatu rupindar, iñe'ë ambuae va'e iyavei opakatu ambuae ɨvɨ rupindar.

Apocalipsis 4:11

“Ore Yar Tüpä, iya ite nde mboeteisa, ndeu sapukaisa nde pirätäsa rese, esepia nde ereyapo va'e mba'e opakatu; nde remimbotar rupi ni'ä oime opakatu mba'e.”

Apocalipsis 5:12

a'e aipo e'i oñe'ë pirätä yuvɨreko: “¡Ko Ovesami a'e Cristo sekoi va'e yukapɨrer a'e chupe iyakatu ite mborerekwasa pɨsɨ agwä, opakatu porerekosa avei, mba'ekwasa iyavei pirätäsa, mboyeroyasa, poromboeteisa, sapukaisa pɨsɨ agwä aveino!”

Apocalipsis 5:6

Evokoiyase, asepia Tüpä rovai ɨva pendar irugätu yuvɨrekove va'e pa'üve ikwaiprɨ yuvɨrekoi va'e mbɨterve, ñepëi Ovesami a'e Cristo sekoi va'e, i'äi avɨye seropove'ëprɨ. A'e ni'ä vɨreko ñuvɨrïo ova tuprɨ sächi, ñuvɨrïo ova tuprɨ avei sesa; a'e evokoiyase ñuvɨrïo ova tuprɨ Tüpä espíritu yuvɨrekoi opakatu ɨvɨ rupi imbogwataprɨ.