Apocalipsis 4:6 - Tüpä Ñe'ëngagwer

⁶ Evokoi tenda rovai oime avei ndoyavɨi tuprɨ paragwasu tɨ̇pɨu va'e oyekwa tuprɨ va'e mba'e ipɨpe. Ambuae tenda pa'ü rupi oyere tuprɨ Tüpä renda rese irugätu ɨva pendar yuvɨrekove va'e, a'e sesa oyere tuprɨ va'e sese, a'e osareko tuprɨ va'e gwenonera gwakɨkwei kotɨ aveino.

Tũpa Ñehengagüer

⁶ Evocoi tenda rovai oime avei ndoyavɨi tuprɨ para guasu tɨ̃pɨu vahe oyecua tuprɨ vahe mbahe ipɨpe. Ambuae tenda pãhu rupi oyere tuprɨ Tũpa renda rese irungatu ɨva pendar yuvɨrecove vahe, ahe sesa oyere tuprɨ vahe sese, ahe osareco tuprɨ vahe güenonera, guaquɨcuei cotɨ avei no.

Apocalipsis 4:6 Iomraidhean Croise

Apocalipsis 14:3

Ipare osapukai sapukaisa ipɨasu va'e yuvɨreko Tüpä rovai iyavei ɨva pendar irugätu yuvɨrekove va'e rovai, ikwaiprɨ eta rovai aveino. Ñepëi yepe ɨva pendar ndoikatui ete evokoi sapukaisa rese oyembo'e va'erä. Egwë e'i rumo ava ciento cuarenta y cuatro mil tuprɨ yuvɨrekoi va'e, evokoi oñepɨsɨrö va'e ɨvɨ pɨpendar pa'ü sui, a'e gweraño tuprɨ ite oikatu osapukai yuvɨreko.

Apocalipsis 15:2

Iyavei asepia paragwasu ndoyavɨi yepiasa oyese'a va'e tata rese; a'e ipopɨve yuvɨno'ä atɨ mba'e ɨpɨ vai, arpas rese a'e akoi omondo va'e Tüpä chupe, sa'anga rekopɨsar iyavei nomondo uka potai va'e serer kwachia agwä yuvɨreko oyese. A'e vɨreko Tüpä upendar yuvɨreko.

Apocalipsis 15:7

Ipare ñepëi evokoi irugätu ɨva pendar yuvɨrekove va'e pa'ü pendar omondo ñuvɨrïo ova tuprɨ mbigwai ɨva pendar upe ñuvɨrïo ova Tüpä ñemoɨrösa rɨru oro apoprɨ, a'e sekokwer ndopai va'e apɨre'ɨ̇ va'erä ite yepi.

Apocalipsis 19:4

Evokoiyase veinticuatro tuprɨ ɨva pendar ikwaiprɨ yuvɨrekoi va'e iyavei irugätu ɨva pendar yuvɨrekove va'e, a'e Tüpä mboeteisa pɨpe oyeaɨvɨ ɨvɨ rese, aipo e'i yuvɨreko: “¡Egwë te'i! ¡Imboeteiprɨ yande Yar tasekoi!”

Apocalipsis 21:11

A'e tekwa sendɨ iteanga Tüpä rendɨgwer pɨpe; sendɨgwer evokoiyase oyoya tuprɨ ita iporañete va'e rese, oyoya avei ita jaspe serer va'e ipïrerimi va'e rese.

Apocalipsis 21:18

Tekwa ächisa ita porañete va'e Jaspe serer va'e apoprɨ, tekwa evokoiyase oro päve tuprɨ, avɨye yepiasa sekose katu va'e.

Apocalipsis 21:21

Imboopayandepo yovaivesa ñuvɨrïo tuprɨ va'e okenda gwasu a'e imboopayandepo yovaivesa ñuvɨrïo tuprɨ mbo'ɨrɨ; ñepëi-pëi okenda ñepëi mbo'ɨrɨ sui yapoprɨ. Okar gwasu tekwa avɨter rupindar evokoiyase oro päve, inungar yepiasa ipore'ɨ̇ tuprɨ va'e mba'e ipɨpe.

Apocalipsis 22:1

Ipare mbigwai ɨva pendar omboyekwa ɨai tekovesa resendar cheu. Inungar ɨ tɨ̇pɨu va'e oyekwa tuprɨ mba'e ipɨpe, ipare osë ɨ Tüpä renda porañete va'e sui Ovesami a'e Cristo sekoi va'e renda sui avei.

Apocalipsis 4:4

iyavei asepia evokoi rese oyere tuprɨ ambuae veinticuatro tenda, a'e i'arɨve ogwapɨ yuvɨnoi veinticuatro avei ikwaiprɨ yuvɨrekoi va'e; iturukwar morochi va'e yuvɨreko iyavei oakä rese omboyere tuprɨ oro apoprɨ yuvɨreko.

Apocalipsis 5:11

Ipare asepia, asendu avei mbigwai ɨva pendar re'ɨi ñe'ë evokoi oyere tuprɨ va'e tenda rese yuvɨreko iyavei evokoi yuvɨrekove va'e ñe'ë, ikwaiprɨ ñe'ë va'e avei. A'eve seta iteanga yuvɨrekoi,

Apocalipsis 5:14

Evokoi irugätu ava yuvɨrekove va'e aipo e'i yuvɨreko: “¡Amén!” Iyavei ikwaiprɨ veinticuatro tuprɨ yuvɨrekoi va'e, a'e oñenopɨ'ä yuvɨreko sovai imboeteisave.

Apocalipsis 5:6

Evokoiyase, asepia Tüpä rovai ɨva pendar irugätu yuvɨrekove va'e pa'üve ikwaiprɨ yuvɨrekoi va'e mbɨterve, ñepëi Ovesami a'e Cristo sekoi va'e, i'äi avɨye seropove'ëprɨ. A'e ni'ä vɨreko ñuvɨrïo ova tuprɨ sächi, ñuvɨrïo ova tuprɨ avei sesa; a'e evokoiyase ñuvɨrïo ova tuprɨ Tüpä espíritu yuvɨrekoi opakatu ɨvɨ rupi imbogwataprɨ.

Apocalipsis 5:8

kwachiar pɨsɨ pare, evokoi irugätu yuvɨrekove va'e, iyavei veinticuatro tuprɨ ikwaiprɨ, a'e oñenopɨ'äpa Ovesami Cristo sekoi va'e rovai yuvɨreko. Oyakatu ñepëi-pëi vɨreko arpas yuvɨreko, itaɨsɨ rɨru oro apoprɨ, a'e avei omboapɨpo tuprɨ sereko yuvɨreko, a'e itaɨsɨ ni'ä Tüpä reroyasar yeruresa.

Apocalipsis 6:1

Ipare asepia akoi Ovesami a'e Cristo sekoi va'e omondoro yɨpɨndar va'e sello ñuvɨrïo ova kwachiar mboyasa sui. A'ese asendu avei ava irugätu yuvɨrekoi va'e pa'ü pendar oñe'ë pirätä, iñe'ë ndoyavɨi osunu va'e: “¡Erio!” e'i cheu.

Apocalipsis 6:6

Ipare asendu irugätu yuvɨrekove va'e kotɨndar ñe'ë, a'e aipo e'i: “Ñepëi sa'ämbrɨ trigo serokwasa gwarepochi ñepëi arɨ resendar mboravɨkɨ reprɨ pɨpe, mbosapɨ sa'ämbrɨ rupindar cebada evokoiyase serokwasa avei ñepëi arɨ resendar mboravɨkɨ reprɨ pɨpe no; pemokañɨi rene mba'e kɨra uva rɨkwer aveino.”

Apocalipsis 7:11

Iyavei opakatu mbigwai ɨva pendar yuvɨrekoi va'e oyere tuprɨ Tüpä renda porañete va'e rese, ikwaiprɨ rese avei yuvɨno'ä irugätu yuvɨrekove va'e rese avei; a'ese oyeaɨvɨ omboya osɨva ɨvɨ rese tenda porañete va'e rovai Tüpä mboeteisave yuvɨreko

Apocalipsis 7:17

esepia Ovesami a'e Cristo sekoi va'e Tüpä renda porañete va'e rovai, a'e osäröra ava re'ɨi sereko inungar ovesa rärösar ipare vɨrasora tekovesa resendar ɨ ndopai va'esave imboɨ'u agwä, Tüpä evokoiyase omombɨtu'upara iyase'osa sui.”