Apocalipsis 4:11 - Tüpä Ñe'ëngagwer

¹¹ “Ore Yar Tüpä, iya ite nde mboeteisa, ndeu sapukaisa nde pirätäsa rese, esepia nde ereyapo va'e mba'e opakatu; nde remimbotar rupi ni'ä oime opakatu mba'e.”

Tũpa Ñehengagüer

¹¹ “Ore Yar Tũpa, iya ité nde mboeteisa, ndeu sapucaisa nde pĩratasa rese. Esepia, nde ereyapo vahe mbahe opacatu; nde remimbotar rupi niha oime opacatu mbahe” ehi yuvɨreco chupe.

Apocalipsis 4:11 Iomraidhean Croise

Los Hechos 14:15

–Mbɨa eta, ¿ma'erä vo peyapo ko nungar? Ore rumo ava tëi, pe nungar avei oroiko. A'e gwä ite oroyu oromombe'u va'erä ñe'ësa avɨye va'e peü, pepoi va'erä ko mba'e egwë e'i tëi va'e mboeteisa sui, iyavei peyevɨ Tüpä supiete upe, a'e oyapo va'e ɨva, ɨvɨ, paragwasu, opakatu ipor reseve.

Los Hechos 17:24

“Evokoi Tüpä oyapo va'e ko ɨvɨ, opakatu mba'e ipor reseve avei, a'e ni'ä ɨvɨ ɨva Yar sekoi. Ndasekoi tüpäro ava tëi rembiapo pɨpe,

Romanos 11:36

Esepia Tüpä suiño ite ni'ä opakatu mba'e oime, ichui ni'ä mba'e opakatu oime, chupe narä avei. ¡Sese imboeteiprɨ ite Tüpä tasekoi! Amén.

Efesios 3:9

Iyavei ombou che kwaitarä amombe'u tuprɨ va'erä opakatu ava upe, ko Tüpä pɨ'a ñemoñetasa yɨpɨndar ndikwasai va'e, esepia a'e opakatu mba'e aposar sekoi yɨpɨ suive ite nomombe'ui omba'ekwasa sereko.

Hebreos 1:10

Iyavei aipo e'i iri: “Nde, ore Yar, yɨpɨsuive eremovɨräkwä va'e ɨvɨ; nde avei ereyapo ɨva.

Hebreos 1:2

Kurïtëi rumo oñe'ë yandeu ipa va'e Gwa'ɨrɨ rupi, chupe avei oyapo opakatu mba'e. A'e mba'e sembiapo chupe narä ite.

Apocalipsis 1:6

iyavei yande rereko mborerekwarä; pa'igwä aveino Vu Tüpä upe yande poravɨkɨ agwä. ¡Egwë te'i imboeteiprɨ tasekoi opirätäsa pɨpe apɨre'ɨ̇ va'erä! Amén.

Apocalipsis 10:6

ichui Tüpä ndopai va'e rer pɨpe evokoi oyapo va'e ɨva, ɨvɨ, paragwasu iyavei opakatu mba'e ipor reseve. A'ese aipo e'i oñe'ë: “Nasärösa iri chietera evokoi nungar mba'e;

Apocalipsis 14:7

Ipare oñe'ë pirätä aipo e'i: “Pesɨkɨye Tüpä sui iyavei pesapukai seko ɨvatesa rese chupe, esepia ni'ä kurïtëi oyepota arɨ chupe ava rekokwer rese iporandu agwä. Pemboetei katu oyapo va'ekwer ɨva, ɨvɨ, paragwasu, ɨ o'ë va'e aveino.”

Apocalipsis 19:1

Ko ipare, asendu ava re'ɨi ñe'ë pirätä ɨvave aipo e'i va'e: “¡Imboeteiprɨ yande Yar tasekoi! Poropɨsɨrösa, teko porañetesa iyavei ipirätäsa a'e yande Ru Tüpä suindar,

Apocalipsis 5:12

a'e aipo e'i oñe'ë pirätä yuvɨreko: “¡Ko Ovesami a'e Cristo sekoi va'e yukapɨrer a'e chupe iyakatu ite mborerekwasa pɨsɨ agwä, opakatu porerekosa avei, mba'ekwasa iyavei pirätäsa, mboyeroyasa, poromboeteisa, sapukaisa pɨsɨ agwä aveino!”

Apocalipsis 5:2

Ipare asepia mbigwai ɨva pendar seko ɨvate va'e, a'e oporandu pirätä oiko aipo e'i: “¿Ava upe pi'ä iyakatu kwachiar mboi agwä iyavei sello imboyeroyaprɨ mondoro agwä no?”

Apocalipsis 5:9

Iyavei osapukai ipɨasu va'e sapukaisa yuvɨreko: “Ndeu iyakatu ite kwachiar pɨsɨ agwä, imboyaprɨ mondoro agwä aveino, esepia ni'ä nde yukaprɨ seropove'ëprɨ ereiko; evokoiyase nde ruvɨ pɨpe eremboepɨpa Tüpä upe narä opakatu ava ambuae-ae tëi va'e, iñe'ë ambuae-ae tëi va'e avei, ñepëi-pëi tekwa yakatu rupindar, ɨvɨ rupindar avei yuvɨreko.