Apocalipsis 4:1 - Tüpä Ñe'ëngagwer

¹ Ipare asepia mba'e inungar okenda oyemboi va'e ɨvave; a'ese asendu yɨpɨndar ñe'ësa ipirätä va'e inungar mimbɨ ñe'ë, aipo e'i cheu: “Eyeupi ko'ave che evokoiyase mba'e amboyekwara ndeu mba'e imboavɨyepɨrä kuri.”

Tũpa Ñehengagüer

¹ Ipare asepia mbahe inungar oquenda oyemboi vahe ɨvave. Ahese evocoi ñehesa ipĩrata vahe mimbɨ nungar yɨpɨndar oñehe vahe cheu, ahe asendu iri: “Eyeupi ave. Che evocoiyase mbahe amboyecuara ndeu mbahe imboavɨyepɨrã curi” ehi.

Apocalipsis 4:1 Iomraidhean Croise

San Mateo 3:16

Jesús oapirämo pare osë ɨ sui, a'ese ɨva oyemboi tuprɨ ipare osepia Espíritu Tüpä suindar ogweyɨse ou i'arɨve apɨkasu nungar.

San Marcos 1:10

Osë ramoseve ɨ sui, Jesús osepia ɨva oyemboi tuprɨ a'ese Espíritu ogweyɨ i'arɨve apɨkasu nungar.

San Lucas 3:21

Egwë e'i aipo Juan oñapirämo seta ava oiko, a'eve avei Jesús ñapirämosa; ipare iyerure vɨteseve avɨyeteramo tëi oyemboi tuprɨ ɨva

San Juan 16:13

Akoi ouse Espíritu supi va'e ite, a'e pembo'era opakatu mba'e supiete va'e rese; esepia noñe'ëi chira a'e oyesui tëi, a'e rumo omombe'ura opakatu mba'e senduprɨ gweraño ite, iyavei oikwa ukara mba'e oime va'erä koiye peü.”

Los Hechos 10:11

a'ese osepia ɨva oyemboise iyavei ogweyɨse inungar turukwar tuvicha va'e, ñapɨ̇chimbrɨ ipopɨ yakatu rupi ou.

Los Hechos 7:56

Evokoiyase aipo e'i: –¡Pesepia! Che asepia ite ɨva oyemboi tuprɨse, iyavei asepia ava ɨvate katu va'e Ra'ɨrɨ Tüpä akato kotɨ i'äise.

Apocalipsis 1:10

Akoi yande Yar arɨ pɨpe Espíritu povrɨve aikose, asendu che rakɨkwei oñe'ë pirätä va'e avɨye akoi mimbɨ ñe'ë,

Apocalipsis 1:12

Che evokoiyase ayemboyere sese uma pi'ä oñe'ë cheu che yapave; a'ese asepia ñuvɨrïo ova tuprɨ oro apoprɨ tataendɨ rɨru,

Apocalipsis 1:19

Sese eikwachia ko mba'e eresepia va'e: kurïtëi oime va'e iyavei oime va'erä mba'e koiye katu.

Apocalipsis 11:12

Ipare a'e ñuvɨrïo Tüpä ñe'ë mombe'usar osendu ñe'ësa ipirätä va'e ɨva suindar yuvɨreko, aipo e'i chupe: “¡Peyeupipa ave ɨvate!” Evokoiyase opa oyeupi ɨvave yuvɨraso ɨva kɨ'a pa'ü rupi oamotare'ɨ̇sareta rembiepiave.

Apocalipsis 11:19

A'ese oyemboi Tüpä rëtä ɨva pendar, iyavei sëtä pɨpe oyekwa tuprɨ kwachiar porokwaita resendar rɨru. Ipare overa-vera, sɨapu gwasu, osunu, ɨvɨ orɨrɨi, amanda osururu aveino.

Apocalipsis 16:17

Evokoiyase imoñuvɨrïo ovasa mbigwai ɨva pendar oipɨyere ɨgwa rɨru ɨvɨtu rupi, ipare ɨva pendar Tüpä rëtä pɨpe sui osë ñe'ësa ipirätä va'e ou va'e senda sui ipare aipo e'i: “¡Opa ite yaposa imombe'uprɨ!”

Apocalipsis 19:11

Evokoiyase asepia ɨva oyemboi va'e; a'eve avɨyeteramo tëi kavayu morochi va'e oyemboyekwa, evokoiyase ava sese oyeupi va'e rer: “Seko ɨ̇vɨi tuprɨ va'e iyavei Supi tuprɨ va'e, esepia gweko ɨ̇vɨisa pɨpe oporokwai iyavei oyapo vavasa oiko.

Apocalipsis 22:6

Ipare mbigwai ɨva pendar aipo e'i cheu: “Ko ñe'ësa supi tuprɨ va'e ite, sese iya ite peyeroya, iyavei yande Yar Tüpä akoi omboyekwa tuprɨ va'e mba'e oyesuindar oñe'ë mombe'usar upe, a'e ombou gwembigwai ɨva pendar mba'e omboavɨye poyava voi va'erä mboyekwa agwä vɨroyasareta upe.”