Apocalipsis 3:5 - Tüpä Ñe'ëngagwer

⁵ Akoi ava oyemovɨräkwä va'e mba'e-mba'e tëi apoe'ɨ̇ agwä, a'e sese imondesara turukwar morochi va'e, a'e serer namboye'oi chira kwachiar tekovesa resendar pɨpe sui, asenoira rumo che Ru rovai iyavei sembigwai ɨva pendareta rovake avei kuri.

Tũpa Ñehengagüer

⁵ Acoi ava oyemovɨracua vahe mbahe-mbahe tẽi apoẽhɨ ãgua, ahe sese imondesara turucuar morochi vahe. Ahe serer namboyehoi chira cuachiar tecovesa resendar pɨpe sui, asenoira rumo che Ru rovai iyavei sembiguai eta rovaque avei curi.

Apocalipsis 3:5 Iomraidhean Croise

San Mateo 10:32

“Akoi ava chekwa uka va'e opakatu ava rovake, che avei evokoiyase ko ava che rupindar sekoi a'era che Ru ɨva pendar upe;

San Lucas 10:20

Peyembovɨ'aretei rene karugwareta pe mboyeroyase, iya rumo peyembovɨ'a pe rer ɨva pendar ikwachiaprɨ rese.

San Lucas 12:8

“Amombe'ura aipo oimese ava che reroyasar opakatu ava rovake, iyavei ni'ä yande Yar Ra'ɨrɨ oyemombe'ura saɨsusa pɨpe opakatu mbigwai ɨva pendar Tüpä suindar rovai;

Filipenses 4:3

Nde ni'ä che pɨtɨ̇vɨï tuprɨ va'ekwer che poravɨkɨsa rese eve, eipɨtɨ̇vɨï evokoi kuña, esepia a'e ni'ä oyembopɨ'avɨräkwä ite che pɨtɨ̇vɨïse Tüpä ñe'ëngagwer pɨsɨrösa resendar mombe'u agwä yuvɨreko, oyoya Clemente rese iyavei ambuae oporavɨkɨ va'e rese che rupi yuvɨreko. A'e serer opa ikwachiaprɨ Tüpä kwachiar tekovesa apɨre'ɨ̇ va'e resendar pɨpe.

San Judas 1:24

Yande Ru Tüpä ñepëi, Pɨsɨrösar yandeundar, vɨreko pirätäsa pe rärö agwä angaipa pɨpe pe vɨapi e'ɨ̇ agwä, iyavei pemboyekwara perekokwer porañetesa perovapɨpo avei pevɨ'aretesa pɨpe opakatu rovake. A'e imboeteiprɨ tasekoi, egwë te'i timboyeroyasa seko pirätäsa iyavei imborerekwasa, yande Yar Jesucristo sui, yɨpɨsui, kurïtëi apɨre'ɨ̇ va'erä. Amén.

Apocalipsis 13:8

Ipare omboeteiai sereko yuvɨreko opakatu ava ɨvɨ pɨpendar akoi ɨvɨ apoe'ɨ̇ suive ndovɨrekoi va'e gwerer Ovesami a'e Cristo sekoi va'e kwachiar tekovesa resendar pɨpe, a'e ni'ä akoi yukapɨrer.

Apocalipsis 17:8

Akoi mba'e ɨpɨ vai eresepia va'e, a'e yɨpɨve ite sekoi ko ɨvɨ pɨpe, iyavei kurïtëi a'e ndipo iri; koiye rumo osëra ɨvɨkwar gwasu ipɨkuku va'e sui omano agwä renonde. Akoi ava ɨvɨ pɨpendar ndovɨrekoi va'e gwerer kwachiar tekovesa resendar pɨpe yɨpɨve ɨvɨ apoe'ɨ̇seve yuvɨreko, a'e ndovɨ'ai chira osepiase evokoi mba'e ɨpɨ vai yɨpɨve oikove va'e yuvɨreko, a'e kurïtëi ndipo iri, koiye rumo oyevɨ irira ou ko ɨvɨ pɨpe.

Apocalipsis 19:8

chupe ipotasa iyemonde agwä turukwar sekose va'e pɨpe, ndikɨ'ai sendɨyai va'e pɨpe avei, esepia evokoi turukwar sekose va'e, a'e tekokwer ɨvɨïsa upendar a'e yuvɨrekoi Tüpä upendar.”

Apocalipsis 2:11

¡Akoi osendu pota va'e, toyapɨsakaño Espíritu omombe'u va'e rese opakatu che reroyasar upe! Akoi ava oyemovɨräkwä va'e mba'e-mba'e tëi apoe'ɨ̇ agwä, a'e ndoiporarai chira imoñuvɨrïosa manosa oimese kuri.’ ”

Apocalipsis 2:7

¡Akoi osendu pota va'e, toyapɨsakaño Espíritu omombe'u va'e rese opakatu che reroyasar upe! Akoi oyemovɨräkwä va'e mba'e-mba'e tëi apoe'ɨ̇ agwä, ito'u amondora ɨvɨra a tekovesa resendar oime va'e teko orɨsave che Ru Tüpä pɨri.’ ”

Apocalipsis 20:12

Ipare asepia omano va'ekwer seko ɨvate va'e, seko mbegwemi va'e aveino opü'a yuvɨno'ä Tüpä rovai; a'ese kwachiar opa ipɨpirasa, iyavei ambuae kwachiar, a'e kwachiar tekovesa resendar. Omano va'ekwer upe evokoiyase porandusa evokoi kwachiar pɨpendar mba'e sembiapokwer rese.

Apocalipsis 20:15

a'eve opa imondosa akoi ndovɨrekoi va'e gwerer ikwachiaprɨ kwachiar tekovesa resendar pɨpe.

Apocalipsis 21:27

ndoyuvɨroikei chietera ava angaipa viyar iyavei mba'e naporäi va'e aposar, iporombopa serai va'e avei. Akoi ava vɨreko va'e gwerer ikwachiaprɨ Ovesami a'e Cristo sekoi va'e kwachiar tekovesa pɨpe a'e gweraño yuvɨroikera a'eve.

Apocalipsis 22:19

Akoi ava vɨrokwa va'e ko kwachiar pɨpe sui ñe'ësa Tüpä suindar, Tüpä avei evokoiyase ndoipotai chira chupe ko kwachiar pɨpe imombe'uprɨ ɨvɨra a tekovesa resendar rereko agwä, iyavei ko tekwa maräne'ɨ̇ pɨpe seike agwä.

Apocalipsis 3:12

Akoi oyemovɨräkwä va'e mba'e-mba'e tëi apoe'ɨ̇ agwä yuvɨreko, a'e che Ru pɨri narä ite yuvɨrekoira, a'e evokoiyase inungar-ra che Ru Tüpä rëtä vɨräkwäsa ndopai va'e yuvɨreko; sese aikwachia ukara che Ru Tüpä rer che Ru Tüpä rekwa rer aveino, a'e Jerusalén pɨasu, evokoi ou va'erä ɨva pendar che Ru Tüpä sui; aikwachia aveira che rer ipɨasu va'e yuvɨreko sese.

Apocalipsis 3:4

Oime rumo amove ava pe pa'ü pendar ndoyapoi ete angaipa yuvɨreko, evokoiyase inungar ava ogwata va'e oturukwar morochi va'e rese, egwë e'i aveira a'e gweko maräne'ɨ̇ pɨpe ogwata che rupi, esepia a'e iya ite egwë e'ira yuvɨreko.

Apocalipsis 6:11

Ipare imondosa iyakatu turukwar morochi va'e, a'ese aipo e'i chupe pepɨtu'u vɨte rane, tayavɨyepa rane pe rɨvrɨ eta retakwer, Tüpä upe oporavɨkɨ va'e mba'e aposa pɨpe yukaprɨ pe nungar yuvɨreko.