Apocalipsis 3:18 - Tüpä Ñe'ëngagwer

¹⁸ Sese opomboarakwa; peseka ɨva pendar oro tatave imoatɨröprɨ nungar che sui pe paraɨsue'ɨ̇ iri agwä che Ru rovake; peseka avei turukwar morochi va'e teko tuprɨsa peyeupe che suindar nani tuprɨ va'e nungar pɨpe pe reko e'ɨ̇ agwä, pechi e'ɨ̇ agwä avei inungar ava oseka mosa gwesa upe narä osareko iri agwä, egwë peye aveira.

Tũpa Ñehengagüer

¹⁸ Sese opomboaracua; peseca ɨva pendar oro tatave imoatɨroprɨ nungar che sui pe paraɨsuẽhɨ iri ãgua che Ru rovaque; peseca avei turucuar morochi vahe teco tuprɨsa peyeupe che suindar nani tuprɨ vahe nungar pɨpe pe recoẽhɨ ãgua, pe chĩẽhɨ ãgua avei iyavei inungar ava oseca mosa güesa upe nara osareco iri ãgua, ẽgüe peye aveira.

Apocalipsis 3:18 Iomraidhean Croise

San Mateo 13:44

“Ko Tüpä mborerekwasa ɨva pendar oyoya tuprɨ mba'e sepɨrusuai va'e ñomiprɨ ɨvɨ pɨpendar rese. Ñepëi ava rumo oyosɨ mba'e sepɨrusuai va'e, ipare oñomi iri a'eve tuprɨ aveino; ovɨ'aretesa pɨpe, oso ipare omondopa opakatu mba'e vɨreko va'e, ichui opa a'e ɨvɨ vɨrokwa.”

San Mateo 25:9

Kuñatäi ima'emo'ä va'e rumo omboyevɨ yuvɨreko chupe: ‘Ani, esepia ndiyai chietera oreu peü narä aveino. Iyakatu revo peso serokwasave, a'e ichui perokwa peyeupe narä.’

San Lucas 12:21

Egwë e'i ete ni'ä ava oyeupeñomi tëi mba'e omonu'ä atɨ va'e, iparaɨsu ite rumo Tüpä rovai.”

2 Corintios 5:3

a'eve yande rete ipɨasu va'e yarekose, a'ese nda'ei chira yande ä nani tuprɨ va'e nungar yuvɨrekoira.

2 Corintios 8:9

Peikwa ni'ä pe yande Yar Jesucristo poroaɨsusa, yepe a'e mba'e yar sekoi viña, opa rumo oseya omba'e pe rekokwer rese, iparaɨsu pɨpe sui ni'ä pe ɨva pendar mba'e pereko.

1 Timoteo 6:18

Eyokwai avei evokoi ava, toyuvɨrekoi mba'e yar nungar mba'e avɨye va'e aposa pɨpe, iyavei toyemoigätuño akoi mba'e vɨreko va'e mboya'o agwä ambuae ava upe yuvɨreko.

Santiago 2:5

Che rɨvrɨ eta, che rembiaɨsu, pesendu ko ñe'ësa: Tüpä oiporavo ava iparaɨsu va'e ko ɨvɨ pɨpe, yuvɨrekoi va'erä mba'e tuprɨ pɨpe gweko agwä, iyavei toipɨsɨ che remimombe'ugwer rupi che mborerekwasa oyeupe narä oyapave gwaɨsupar upe;

1 San Pedro 1:7

Esepia poreroyasa pereko va'e Tüpä rese inungar tuprɨ oro: a'ese sä'asara tata pɨpe. Egwë e'i aveira pe rekokwer sa'ämbrɨ tata nungar yavai va'e pɨpe, a'ese ikwasara perekokwer avɨyese. Yañemosase evokoi mba'e yavai va'e upe, a'ese yande yeroyasa avɨye katura oro okañɨ tëi va'erä sui, a'ese yarekora teko porañetesa iyavei imboeteiprɨ yaikora akoi Jesucristo oyevɨse kuri.

Apocalipsis 16:15

“Peyapɨsaka tuprɨ che ñe'ë rese, che avɨyeteramo tëi ayura imondarai va'e nungar kuri. Sorɨvetera akoi ava ima'emo'ä va'e oyemonde tuprɨ va'e gwembiapo avɨye va'e pɨpe, a'ese nochi chietera oiko che sui.”

Apocalipsis 19:8

chupe ipotasa iyemonde agwä turukwar sekose va'e pɨpe, ndikɨ'ai sendɨyai va'e pɨpe avei, esepia evokoi turukwar sekose va'e, a'e tekokwer ɨvɨïsa upendar a'e yuvɨrekoi Tüpä upendar.”

Apocalipsis 2:9

Che aikwa pe yemombaraɨsusa, pe paraɨsusa avei; pe rumo mba'e yar nungar ite peiko ɨva pendar mba'e rese. Aikwa avei pe rese ava semirä tëi va'e, ore Tüpä rembiporavo judío oroiko e'i tëi va'e, a'e yuvɨrekoi Karugwar reroyasar tëi.

Apocalipsis 3:17

Esepia pepɨ'añemoñeta che mba'e yar ite opakatu mba'e areko, nipanei ete mba'e cheu peye viña; pe rumo ndapeikwai pe paraɨsusa che Ru rovake inungar ndasesapɨsoi va'e, iyavei ndapeyavɨi nditurukwai va'e peiko.

Apocalipsis 4:4

iyavei asepia evokoi rese oyere tuprɨ ambuae veinticuatro tenda, a'e i'arɨve ogwapɨ yuvɨnoi veinticuatro avei ikwaiprɨ yuvɨrekoi va'e; iturukwar morochi va'e yuvɨreko iyavei oakä rese omboyere tuprɨ oro apoprɨ yuvɨreko.

Apocalipsis 7:13

Evokoiyase ñepëi ikwaiprɨ ipa'ü pendar oporandu cheu: “¿Uma vo ko ava re'ɨi iturukwar morochi va'e päve yuvɨrekoi, kesui pi'ä yugweru?”