Apocalipsis 3:15 - Tüpä Ñe'ëngagwer

¹⁵ Che aikwa mba'e opakatu pe rembiapo. Pe inungar ɨ nda'ei so'ɨ̇sa va'e iyavei nda'ei saku va'e. Ɨ saku raimi tëi va'e nungar peiko pe rembiapo pɨpe. ¡Ñepëi reseve va'e rumo aipota, nda'ei igwayɨ tëi va'e!

Tũpa Ñehengagüer

^15-16 Che aicua mbahe opacatu pe rembiapo. Pe inungar ɨ ndahei sõhɨsa vahe iyavei ndahei sacu vahe. Ɨ sacu raimi tẽi vahe nungar peico pe rembiapo pɨpe. ¡Ñepei reseve vahe rumo aipota, ndahei iguayɨ tẽi vahe! Pe recocuer rumo iguayɨ tẽi vahe nungar, sese opomboyevɨñora cheyesui.

Apocalipsis 3:15 Iomraidhean Croise

San Mateo 10:37

Iyavei akoi oyesupa tëi osaɨsu katu va'e che sui, a'e ndiyai ete sekoi va'erä che rupi; inungar avei osaɨsu katu va'e gwa'ɨrɨ anise gwayrɨ che sui, a'e avei ndiyai ete sekoi va'erä che rupi;

San Mateo 24:12

Oime aveira mba'e-mba'e tëi naporäi va'e, seta katura rumo ava ndosaisui va'erä ambuae yuvɨreko.

San Mateo 6:24

“Ndipoi chietera ava ñuvɨrïo gwerekwar omboyeroya va'e, esepia ñepëi oyamotare'ɨ̇ra, ambuae evokoiyase osaɨsu katura, osaɨsu katura ñepëi iyavei ambuae oyamotare'ɨ̇ra. Ndayaikatui ete Tüpä mboyeroya gwarepochi pota raisa pɨpe.”

Romanos 12:11

Peyemongere'ɨ̇ katu, ani ndapekere'ɨ̇i chira iyavei peyapo yande Yar upe mba'e opakatu pe rekoete pɨpe.

1 Corintios 16:22

Akoi ava ndosaɨsui va'e yande Yar, ¡a'e tokañɨ Tüpä ñemoɨrösa pɨpe! ¡Ore Yar, eyevɨ voi katu eyu!

2 Corintios 12:20

Che asɨkɨye asose eipeve pe repia, avɨyeteramo nda'ei chira che pɨ'a rupi pe rekokwer, iyavei pe avɨyeteramo egwë peye aveira che repiase. Che asɨkɨye ite, oime revo pe pa'üve yepoepɨ-epɨsa, pe pɨ'añemoñeta raisa ava mba'e pota raisa pɨpe, pe ñemoɨrösa peyeupe. Iyavei avɨyeteramo oimerä pe pa'üve ava oyeupeño tëi mba'e oipota va'e, ima'echiröiai va'e iyavei oñe'ë-ñe'ë tëi va'e ambuae ava rese, seko ɨvateai va'e iyavei ndiporeroyai va'e.

Filipenses 1:9

Che aporandu vɨte Tüpä upe che yeruresa pɨpe, toikwa tuprɨ oarakwasa pɨpe oyeaɨsu katu-katu iri agwä yuvɨreko a'e peü,

2 Tesalonicenses 1:3

Che rɨvrɨ eta, avɨye ndeu oro'e itera Tüpä upe pe rekokwer rese yepi, esepia Tüpä rese pe yeroyasa tuvicha-vicha iri avei, pe yeaɨsusa opakatu peyeupe pereko va'e.

Santiago 1:8

esepia ñepëi arɨ ipɨ'añemoñeta ñepëi mba'e rese, ambuae arɨ ambuae rese, ndoyemovɨräkwäi gweko tuprɨ agwä rese yuvɨreko.

1 San Pedro 1:22

Kurïtëi Tüpä ñe'ëngagwer supi tuprɨ va'e mboyeroyasa pɨpe imoatɨrösa pe rekokwer pesaɨsu va'erä ambuae Jesús reroyasareta. Evokoiyase egwë peyera peyeaɨsu opakatu pe pɨ'añemoñeta tuprɨsa pɨpe, iyavei opakatu pe pirätäsa pɨpe.

Apocalipsis 2:2

Che aikwa opakatu mba'e pe rembiapo; pe poravɨkɨ pirätäsa iyavei pe yemovɨräkwäsa. Aikwa avei ndapeipotai ava naporäi va'e pe pa'üve yuvɨrekoi va'erä. Pesekoa'ä avei ava, ore Jesús ñe'ë mombe'usar oroiko e'i tëi va'e, ipare peikwa iporombopa tëisa yuvɨreko.

Apocalipsis 2:4

Che rumo aikwa oime mba'e nda'ei va'e che pɨ'a rupi pe rembiapo: ndapeyeaɨsu iri inungar yɨpɨndar.

Apocalipsis 3:1

“Eikwachia avei mbigwai ɨva pendar che reroyasar rärösar Sardes pendar upe: ‘Akoi ava vɨreko va'e ñuvɨrïo ova tuprɨ Tüpä espíritu iyavei akoi ñuvɨrïo ova tuprɨ yasɨtata no aipo e'i imombe'u: Che aikwa mba'e opakatu pe rembiapo, aikwa avei manosa pɨpe tëi peikose yepe oikove va'e nungar peiko viña.

Apocalipsis 3:16

Pe rekokwer rumo inungar igwayɨ tëi va'e, sese opomboyevɨñora cheyesui.