Apocalipsis 3:1 - Tüpä Ñe'ëngagwer

¹ “Eikwachia avei mbigwai ɨva pendar che reroyasar rärösar Sardes pendar upe: ‘Akoi ava vɨreko va'e ñuvɨrïo ova tuprɨ Tüpä espíritu iyavei akoi ñuvɨrïo ova tuprɨ yasɨtata no aipo e'i imombe'u: Che aikwa mba'e opakatu pe rembiapo, aikwa avei manosa pɨpe tëi peikose yepe oikove va'e nungar peiko viña.

Tũpa Ñehengagüer

¹ “Eicuachía avei Tũpa rembiguai Sardis pendar che reroyasareta rãrosar upe: ‘Acoi ava vɨreco vahe siete tuprɨ Tũpa espíritu iyavei acoi siete tuprɨ yasɨtata no aipo ehi imombehu: Che aicua mbahe opacatu pe rembiapo; aicua yepe amove ava, Co mbɨa yuvɨrecoi vahe ité Tũpa upe nara, ehi pẽu viña; omano vahe nungar tẽi rumo peico.

Apocalipsis 3:1 Iomraidhean Croise

San Lucas 15:24

Esepia ko che ra'ɨrɨ omano va'e nungar sekoi kurïtëi rumo oyevɨ iri ete ou; okañi ete oiko viña kurïtëi rumo yayosɨ iri.’ Ipare omboɨpɨ pieta apo yuvɨreko.”

San Lucas 15:32

Iyakatu ñoite yamboeteira yayapora pieta, esepia ko nde rɨvrɨ, sekoi omano va'ekwer nungar, oyevɨ iri tekovesa pɨpe; esepia okañɨ oiko kurïtëi rumo yayosɨ iri.’ ”

San Juan 1:16

Iporovasasa sui opakatu ite ipɨsɨsa ñepëi mba'e ndopai va'e tekokwer upe ambuae sui yepi,

San Juan 1:33

Che yɨpɨndar ndaikwai ete uma a'e sekoi; akoi che mbousar rumo aporapirämo va'erä ɨ pɨpe, aipo e'i cheu: ‘Akoi eresepiase Espíritu Maräne'ɨ̇ ogweyɨse opɨtase mbɨa arɨve, a'e mbɨa Oporoapirämora Espíritu Maräne'ɨ̇ pɨpe.’

San Juan 20:22

Ipare opa omondo seko pirätä agwä opakatu upe, aipo e'i chupe: –Peipɨsɨ ko Espíritu Maräne'ɨ̇.

San Juan 3:34

supiete akoi Tüpä remimbou omombe'u Tüpä ñe'ë, esepia ni'ä Tüpä omondo ite Espíritu sese.

Los Hechos 2:33

Ipare Tüpä vɨraso oakato kotɨ imbogwapɨ a'e oipɨsɨ imombe'uprɨ Espíritu Maräne'ɨ̇ Vu sui, evokoiyase a'e opa omondo ko ava yuvɨrekoi va'e upe. A'e pesepia pesendu avei kurïtëi peiko.”

Efesios 2:1

Pe rumo yɨpɨndar peiko omano va'e nungar ite mba'e-mba'e tëi aposa pɨpe peyemboangaipasa pɨpe avei.

Efesios 2:5

yepe angaipa pɨpe yaiko omano va'e nungar viña, a'e rumo ombou Gwa'ɨrɨ yande rekove agwä. A'e oporovasasa pɨpe yande pɨsɨrö.

Colosenses 2:13

Pe ni'ä akoi yɨpɨndar omano va'e nungar tëi peiko peye mboangaipasa pɨpe; kurïtëi rumo Tüpä pe rekokwer mbogwerayevɨ Cristo reseve, iyavei iñeröi opakatu yande angaipa rese yandeu.

1 Timoteo 5:6

Kuña imer mano va'ekwer oyemondose mba'e gwemimbotarai pɨpe yuvɨreko, a'ese omano va'e tëi sekokwer yuvɨrekoi.

Santiago 2:26

Egwë e'i yande rembiapo katuprɨ ndayamboyekwaise yande yeroyasa pɨpe, a'e inungar avei Espíritu ndasekoise yande rese, yande yeroyasa evokoiyase omano tëiete oiko.

1 San Pedro 1:11

Cristo Espíritu yɨpɨve ite oikwa uka Tüpä ñe'ë mombe'usar upe, marä e'ira Cristo oparaɨsu oiko, ipare rumo oura teko orɨ porañete va'e chupe; a'e evokoiyase oikwa pota ite Espíritu remimombe'ugwer yuvɨreko.

San Judas 1:12

Pe poromochi gwasu pieta avɨye va'e save peyapo mba'e pemboetei va'esave, a'eve okaru oɨ'u ovɨ'asave ndoyuvɨnochi ete yuvɨreko. Evokoi ovesa rärösar oyese tëi i'añeko va'e yuvɨreko. Inungar ɨva kɨ'a ndovɨrekoi va'e ɨ, ɨvɨtu remimombo tëi. Inungar ɨvɨra ndi'ai va'e o'asa rupi, ñuvɨrïo rupi ipiru va'e evokoiyase a'e sapo'oprɨ.

Apocalipsis 1:11

aipo e'i cheu: “Eikwachia mba'e eresepia va'e, ipare emondopa ñuvɨrïo ova tekwa pendar che reroyasar ɨvɨ Asia rupindar upe: Éfeso ve, Esmirna ve, Pérgamo ve, Tiatira ve, Sardis ve, Filadelfia ve, iyavei Laodicea ve.”

Apocalipsis 1:16

Oakato kotɨ vɨreko ñuvɨrïo ova tuprɨ yasɨtata, iyavei iyuru sui osë kɨse puku saimbe yovai va'e. Sova evokoiyase avɨye arɨ rendɨgwer ipirätä va'e.

Apocalipsis 1:20

Ko akoi eresepia mba'e ndikwasai va'e ñuvɨrïo ova yasɨtata che akato kotɨndar, iyavei ñuvɨrïo ova tuprɨ oro apoprɨ tataendɨ rɨru: ñuvɨrïo ova yasɨtata a'e mbigwai ɨva pendar, iyavei ñuvɨrïo ova tekwa, evokoiyase oro apoprɨ tataendɨ rɨru, a'e yuvɨrekoi ñuvɨrïo ova tuprɨ tekwa pɨpendar che reroyasar.”

Apocalipsis 1:4

Che Juan, aikwachia Jesús reroyasar ñuvɨrïo ova tekwa Asia ɨvɨ rupindar yuvɨrekoi va'e upe. Peipɨsɨ porovasasa, teko tuprɨsa Tüpä suindar ou va'erä sui; ñuvɨrïo ova espíritu suindar aveino, a'e yuvɨno'äi va'e senda porañete va'e rovai,

Apocalipsis 2:13

Che aikwa pe rekosa, a'eve akoi Karugwar ogwapɨ öi; mborerekwar gwasu nungar imboyeroyaprɨ sekoi. Pe rumo peyemovɨräkwäño ite chupe che rekokwer rese peiko, ndapeseyai ete che rese pe yeroyasa yepe oyuka tëi che rekokwer mombe'u tuprɨsar Antipas evokoi tekwa Karugwar rekosave.

Apocalipsis 2:19

Che aikwa mba'e opakatu pe rembiapo; aikwa pe poroaɨsusa, che rese pe yeroyasa, mba'e rese pe'añekosa iyavei pe yemovɨräkwäsa, aikwa avei kurïtëi mba'e perembiapo avɨye katu yɨpɨndar va'e sui.

Apocalipsis 2:2

Che aikwa opakatu mba'e pe rembiapo; pe poravɨkɨ pirätäsa iyavei pe yemovɨräkwäsa. Aikwa avei ndapeipotai ava naporäi va'e pe pa'üve yuvɨrekoi va'erä. Pesekoa'ä avei ava, ore Jesús ñe'ë mombe'usar oroiko e'i tëi va'e, ipare peikwa iporombopa tëisa yuvɨreko.

Apocalipsis 2:9

Che aikwa pe yemombaraɨsusa, pe paraɨsusa avei; pe rumo mba'e yar nungar ite peiko ɨva pendar mba'e rese. Aikwa avei pe rese ava semirä tëi va'e, ore Tüpä rembiporavo judío oroiko e'i tëi va'e, a'e yuvɨrekoi Karugwar reroyasar tëi.

Apocalipsis 3:15

Che aikwa mba'e opakatu pe rembiapo. Pe inungar ɨ nda'ei so'ɨ̇sa va'e iyavei nda'ei saku va'e. Ɨ saku raimi tëi va'e nungar peiko pe rembiapo pɨpe. ¡Ñepëi reseve va'e rumo aipota, nda'ei igwayɨ tëi va'e!

Apocalipsis 3:2

Peyemopoäse katu peiko iyavei pemongere'ɨ̇ katu akoi vɨroya vɨte va'e, esepia oyepepɨpa pota ite yuvɨreko viña, supiete mba'e pe rembiapo che Ru Tüpä rovake, nda'ei supi tuprɨ va'e.

Apocalipsis 3:8

Che rumo aikwa mba'e opakatu pe rembiapo; esepia, che amondo pe rovake inungar okenda imboiprɨ peü pemombe'u va'erä che rekokwer, a'e ñepëi yepe ava nomboyai chietera yuvɨreko, esepia, yepe pe nipirätä tuprɨi va'e, peroya ite rumo che ñe'ë iyavei ndacheñomi ete ava sui peye.

Apocalipsis 4:5

Evokoiyase Tüpä renda sui yuvɨnosë overa-vera va'e, iyavei sɨapu gwasu va'e, osunu va'e no; iyavei ñuvɨrïo ova tuprɨ tataendɨ sendɨpa yuvɨreko evokoi tenda rovai, a'e ko ñuvɨrïo ova tuprɨ Tüpä espíritu.

Apocalipsis 5:6

Evokoiyase, asepia Tüpä rovai ɨva pendar irugätu yuvɨrekove va'e pa'üve ikwaiprɨ yuvɨrekoi va'e mbɨterve, ñepëi Ovesami a'e Cristo sekoi va'e, i'äi avɨye seropove'ëprɨ. A'e ni'ä vɨreko ñuvɨrïo ova tuprɨ sächi, ñuvɨrïo ova tuprɨ avei sesa; a'e evokoiyase ñuvɨrïo ova tuprɨ Tüpä espíritu yuvɨrekoi opakatu ɨvɨ rupi imbogwataprɨ.