Apocalipsis 22:7 - Tüpä Ñe'ëngagwer

⁷ “¡Ayevɨ poyava voira kuri! ¡Sorɨvete katura akoi ava vɨroya va'e ñe'ësa Tüpä suindar mba'e oime va'erä resendar ko kwachiar pɨpe!”

Tũpa Ñehengagüer

⁷ “¡Ayevɨ poyava voira curi! ¡Sorɨvete catura acoi ava vɨroya vahe ñehesa Tũpa suindar mbahe oime vaherã resendar co cuachiar pɨpe!” ehi.

Apocalipsis 22:7 Iomraidhean Croise

Apocalipsis 1:11

aipo e'i cheu: “Eikwachia mba'e eresepia va'e, ipare emondopa ñuvɨrïo ova tekwa pendar che reroyasar ɨvɨ Asia rupindar upe: Éfeso ve, Esmirna ve, Pérgamo ve, Tiatira ve, Sardis ve, Filadelfia ve, iyavei Laodicea ve.”

Apocalipsis 1:3

Sorɨvete katura akoi ava oyerokɨ va'e ko Tüpä suindar ñe'ësa rese, akoi ava oyapɨsaka tuprɨ va'e sese, vɨroya va'e avei ikwachiaprɨ pɨpendar yuvɨreko, esepia arɨ kañɨ vɨrovɨ ite yandeu.

Apocalipsis 16:15

“Peyapɨsaka tuprɨ che ñe'ë rese, che avɨyeteramo tëi ayura imondarai va'e nungar kuri. Sorɨvetera akoi ava ima'emo'ä va'e oyemonde tuprɨ va'e gwembiapo avɨye va'e pɨpe, a'ese nochi chietera oiko che sui.”

Apocalipsis 2:16

Sese pemboasɨ pe rekokwerai, peyevɨ Tüpä upe, anise che aso poyavara peü, a'ese avavara chupe yuvɨreko che yuru pɨpe sui osë va'e kɨse puku pɨpe.

Apocalipsis 22:12

“Supiete ayevɨ poyavara, iyavei arura mba'e porerekosa amondo va'erä ñepëi-pëi ava upe sembiapokwer rupi.

Apocalipsis 22:18

Opakatu akoi ava osendu va'e ko ñe'ësa Tüpä suindar mba'e oime va'erä resendar ikwachiaprɨ ko kwachiar pɨpe yuvɨreko, a'e chupe amombe'u: Akoi ava omboyeapɨ iri va'e ko ñe'ësa rese mba'e, a'e chupe Tüpä omboyeapɨ aveira ko kwachiar pɨpendar mba'e-mba'e tëi imombe'uprɨ.

Apocalipsis 22:19

Akoi ava vɨrokwa va'e ko kwachiar pɨpe sui ñe'ësa Tüpä suindar, Tüpä avei evokoiyase ndoipotai chira chupe ko kwachiar pɨpe imombe'uprɨ ɨvɨra a tekovesa resendar rereko agwä, iyavei ko tekwa maräne'ɨ̇ pɨpe seike agwä.

Apocalipsis 22:20

Akoi omombe'u va'e ko ñe'ësa, aipo e'i: “Supiete ayevɨ poyavara.” Egwë te'i ayase. ¡Erio, che Yar Jesús!

Apocalipsis 22:21

Yande Yar Jesucristo taperovasa opakatu.

Apocalipsis 3:11

Ayevɨ poyavara. Peyemovɨräkwä katu Tüpä reroyasa pereko va'e rese, evokoiyase ñepëi yepe ava ndovɨrokwai chietera Tüpä suindar porerekosa pe sui.

Apocalipsis 3:3

Peyemoma'endu'a akoi porombo'esa peipɨsɨ va'e rese; pepoi rene ichui peyevɨ katu Tüpä upe. Ndapeyemovɨräkwäise rumo, asora peü inungar imondarai va'e, egwë a'era vicho pe resapɨ'a.