Apocalipsis 22:6 - Tüpä Ñe'ëngagwer

⁶ Ipare mbigwai ɨva pendar aipo e'i cheu: “Ko ñe'ësa supi tuprɨ va'e ite, sese iya ite peyeroya, iyavei yande Yar Tüpä akoi omboyekwa tuprɨ va'e mba'e oyesuindar oñe'ë mombe'usar upe, a'e ombou gwembigwai ɨva pendar mba'e omboavɨye poyava voi va'erä mboyekwa agwä vɨroyasareta upe.”

Tũpa Ñehengagüer

⁶ Ipare Tũpa rembiguai aipo ehi cheu: “Co ñehesa supi tuprɨ vahe ité, sese iya ité peyeroya. Iyavei yande Yar Tũpa acoi omboyecua tuprɨ vahe mbahe oyesuindar oñehe mombehusar upe, ahe ombou güembiguai ɨva pendar mbahe omboavɨye poyava voi vaherã mboyecua ãgua vɨroyasareta upe” ehi.

Apocalipsis 22:6 Iomraidhean Croise

San Mateo 13:41

Ava ɨvate katu va'e Ra'ɨrɨ omboura gwembigwai ɨva pendar opakatu ava reka omboangaipa uka va'e ambuae eta, iyavei mba'e-mba'e tëi aposar.

San Lucas 1:70

Ko aipo omombe'u araka'e oñe'ëngagwer mombe'usar seko maräne'ɨ̇ va'e upe:

San Lucas 16:16

“Porokwaita iyavei Tüpä ñe'ë mombe'usar Juan rupive ite opa. Ichuive tuprɨ rumo imombe'usa ñe'ësa avɨye va'e Tüpä mborerekwasa resendar, opakatu upe ite oso pirätäsa yuvɨroike va'erä.

Los Hechos 12:11

A'ese ramo ite Pedro oikwa, ipare aipo e'i: “Supiete Yar ombou cheu gwembigwai che renose agwä Herodes povrɨ sui iyavei opakatu judío rerekwar che yuka rägwer sui.”

Los Hechos 3:18

Egwë e'i Tüpä imboavɨye araka'endar opakatu oñe'ë mombe'usar upe gwemimombe'ugwer: Poropɨsɨrösar oiporarara mba'e-mba'e tëi rasɨkwer omano oiko.

Romanos 1:2

Tüpä ni'ä yɨpɨsuive omombe'u uka ko ñe'ësa ava oñe'ë mombe'usar upe Ikwachiaprɨ maräne'ɨ̇ pɨpe araka'e.

1 Corintios 14:32

Akoi omombe'u va'e ñe'ësa Tüpä suindar, a'e oikatu aveira oñe'ë mombɨtu'u agwä,

1 Corintios 7:29

Che rɨvrɨ eta, aipo mba'e amombe'u pota peü: Ndipukuvei ko arɨ naporäi va'e yepota agwä yandeu. Sese ko pɨpe suive tuprɨ omenda va'e toyuvɨrekoi nomendai va'e nungar yande Yar rese opɨ'a ñemoñetasa pɨpe;

2 Tesalonicenses 1:7

pe rumo imombaraɨsuprɨ peiko va'e, Tüpä omondora pe pɨtu'u agwä, inungar oreu ombou va'e. Ko egwë e'ira yande Yar Jesús oyevɨse tata rendɨgwer pa'üve ɨva sui opakatu gwembigwai seko pirätä katu va'e reseve kuri.

Hebreos 12:9

Iyavei, chi'ïvä'e tëi vɨte yaikose, yande yesupa ko ɨvɨ pɨpendar yande nupa yande rekokwer mo'ɨ̇vi agwä. ¿Ma'erä evokoiyase ndayamboetei chira viña, a'e rumo iya yamboetei katura yande Ru Tüpä ɨva pendar tekovesa rereko agwä?

2 San Pedro 1:21

esepia nda'ei Tüpä ñe'ë mombe'usar oyesui tëi omombe'u yuvɨreko, a'e rumo ava seko katuprɨ va'e ite, Tüpä omombe'u uka oñe'ë chupe Espíritu Maräne'ɨ̇ pirätäsa pɨpe araka'e.

2 San Pedro 3:2

Peyemoma'endu'a araka'endar Tüpä ñe'ë mombe'usar seko katuprɨ va'e ñe'ëngagwer rese; yande Yar Poropɨsɨrösar porokwaita rese avei, akoi Jesús ñe'ë mombe'usar pe mbo'e va'ekwer rese yuvɨreko.

Apocalipsis 1:1

Tüpä omboyekwa Jesucristo upe mba'e oime va'erä koiye katu, a'e evokoiyase oikwa ukara vɨroyasar upe. Iyavei Jesucristo omombe'u mbigwai ɨva pendar upe Juan upe oikwa uka va'erä,

Apocalipsis 18:20

Peyembovɨ'año, pe ɨva pendar evokoi tekwa gwasu rese; iyavei peyembovɨ'año katu, peiko va'e tekwa maräne'ɨ̇ pendar, iyavei Jesús ñe'ë mombe'usa reta Tüpä ñe'ë mombe'usa reta aveino, esepia ni'ä Tüpä opa omokañɨ, peü narä mba'e avɨye va'e aposa pɨpe.

Apocalipsis 19:9

Evokoiyase mbigwai ɨva pendar aipo e'i cheu: “Eikwachia ko ñe'ësa: ‘Sorɨvete katura akoi ava icho'oprɨ Ovesami a'e Cristo sekoi va'e mendasave yuvɨreko.’ ” Ipare aipo e'i iri cheu: “Ko ni'ä Tüpä ñe'ësa supi tuprɨ va'e ite.”

Apocalipsis 21:5

A'ese evokoi ogwapɨ va'e tenda porañete va'e arɨve öi, a'e aipo e'i: “Che ayapo mba'e opakatu ipɨasu va'e.” Iyavei aipo e'i: “Eikwachia, esepia ko ñe'ësa supi tuprɨ va'e ite, evokoiyase iya ite peyeroya sese.”

Apocalipsis 21:9

Evokoiyase ou ñepëi ñuvɨrïo ova mbigwai ɨva pendar pa'ü sui, akoi ñuvɨrïo ova tuprɨ ɨgwa rɨru, ñuvɨrïo ova mba'erasɨ ipa va'e vɨreko va'ekwer ipɨpe, aipo e'i cheu: “Erio, amboyekwara kuña omenda va'evɨ ndeu, Ovesami a'e Cristo sekoi va'e rembirekovɨ.”

Apocalipsis 22:1

Ipare mbigwai ɨva pendar omboyekwa ɨai tekovesa resendar cheu. Inungar ɨ tɨ̇pɨu va'e oyekwa tuprɨ mba'e ipɨpe, ipare osë ɨ Tüpä renda porañete va'e sui Ovesami a'e Cristo sekoi va'e renda sui avei.

Apocalipsis 22:16

“Che Jesús, amondo che rembigwai ɨva pendar mba'e mombe'u agwä opakatu che reroyasar upe. Che aiko mborerekwar gwasu David suindar. Iyavei aiko inungar yasɨtata gwasu sendɨ va'e añi'ïvëindar yepi.”

Apocalipsis 22:7

“¡Ayevɨ poyava voira kuri! ¡Sorɨvete katura akoi ava vɨroya va'e ñe'ësa Tüpä suindar mba'e oime va'erä resendar ko kwachiar pɨpe!”

Apocalipsis 4:1

Ipare asepia mba'e inungar okenda oyemboi va'e ɨvave; a'ese asendu yɨpɨndar ñe'ësa ipirätä va'e inungar mimbɨ ñe'ë, aipo e'i cheu: “Eyeupi ko'ave che evokoiyase mba'e amboyekwara ndeu mba'e imboavɨyepɨrä kuri.”