Apocalipsis 22:3 - Tüpä Ñe'ëngagwer

³ Iyavei ndipoi chietera a'eve mba'e naporäi va'e. Esepia Tüpä renda porañete va'e iyavei Ovesami a'e Cristo sekoi va'e renda avei chinira evokoi tekwa gwasu pɨpe, a'eve sembigwai eta omboeteira yuvɨreko.

Tũpa Ñehengagüer

³ Ndipoi chietera aheve que mbahe tẽivrɨ pendar. Tũpa renda porañete vahe iyavei Ovesami renda avei chinira evocoi tecua guasu pɨpe. Aheve sembiguai eta omboeteira yuvɨreco.

Apocalipsis 22:3 Iomraidhean Croise

San Mateo 25:21

Serekwar rumo aipo e'i chupe: ‘Avɨye ite, nde mbigwai seko avɨye va'e, eremboavɨye tuprɨ va'e nde kwaita ko movɨrö tëi gwarepochi ndeu amondo va'e pɨpe. Sese tuvicha katu amondora nde kwaitarä. Eike che pɨri eyembovɨ'a katu che rese.’

San Mateo 25:41

“A'ese Mborerekwar ɨvate katu va'e cherekosa pɨpe aipo a'era che pokoe'ɨ̇sa kotɨndar upe: ‘Pesɨrɨ che sui, esepia peiko Tüpä ñemoɨrösavrɨ pendar tëi; pesopa tata gwasu apɨre'ɨ̇save, evokoi imoigätuprɨ opakatu karugwar upe sembigwai upe narä avei.

San Juan 12:26

Akoi che mboyeroya pota va'e, togwata che rupi yuvɨreko; che asosave a'eve avei yuvɨrekoira che mboyeroyasar. Akoi che mboyerosar oime va'e, che Ru avei omboeteira sereko.

San Juan 13:32

Iyavei supiete akoi ava ɨvate katu va'e Ra'ɨrɨ amboyekwara Tüpä reko porañetesa, egwë e'i aveira Tüpä omboyekwara che reko porañetesa oiko, a'e oyapo itera evokoi nungar kuri.

San Juan 14:3

Iyavei che aso pare amoigätura mba'e peü narä, ayevɨ irira rumo vitu ko'ave pereraso agwä che yeupi kuri, a'eve che aikora pe a'eve tuprɨ avei peikora no.

San Juan 17:24

“Che Ru, nde ni'ä akoi erembou ko yuvɨrekoi va'e cheu, iyavei aipota a'e yuvɨrekoi che pɨri che rekosave, osepia va'erä che reko porañetesa yuvɨreko, teko porañetesa nde erembou va'e cheu; esepia nde ni'ä yɨpɨve ite che raɨsu eve ko ɨvɨ apoe'ɨ̇seve.

Apocalipsis 7:10

Ipare opakatu gwasu oñe'ë pirätä yuvɨreko aipo e'i: “¡Poropɨsɨrösa yande Ru Tüpä suindar, a'e ogwapɨ va'e öi gwendave porañete va'esave, Ovesami a'e Cristo sekoi va'e suindar aveino!”

Apocalipsis 7:9

Ipare asepia seta iteanga ava, opakatu ɨvɨ rupindar, ambuae-ae tëi va'e, ambuae-ae tëi va'e iñe'ë yuvɨreko sekwa ambuae va'e aveino. A'e opü'apa va'e Tüpä rovai porañete va'e Ovesami a'e Cristo sekoi va'e rovai avei yuvɨreko, a'e ndayaikatui ete ipapapa agwä. Esepia seta eteprɨ iyavei iturukwar morochi va'e päve; pindo-pindomi vɨreko opove yuvɨreko.