Apocalipsis 22:2 - Tüpä Ñe'ëngagwer

² Okar gwasu mbɨter rupi oso iyavei ɨai ɨke yakatu oime ɨvɨra tekovesa resendar, i'a va'e yasɨ rupi imboopayandepo yovaivesa ñuvɨrïo yupagwer ñepëi aravɨter pɨpe; iyavei evokoi ɨvɨraro avɨyeai ava opakatu ɨvɨ mbogwera agwä.

Tũpa Ñehengagüer

² Calle guasu mbɨter rupi oso. Iyavei ɨai ɨque yacatú oime ɨvɨra tecovesa resendar, iha vahe doce yupagüer rupi ñepei aravɨter pɨpe. Iyavei evocoi ɨvɨra ro avɨye ai ava opacatu rupindar mbogüera ãgua.

Apocalipsis 22:2 Iomraidhean Croise

San Lucas 4:18

“Yande Yar Espíritu sekoi che rese, esepia ni'ä a'e ombou chekwaitarä ko ñe'ësa avɨye va'e mombe'u agwä ava iparaɨsu va'e upe; chekwaita avei amombe'u va'erä ava sokendaprɨ renose agwä iyavei ava ndasesapɨsoi va'e ambosarekora; iyavei ava mba'e-mba'e tëi rasɨkwer oiporara va'e sui senose agwä;

1 San Pedro 2:24

Cristo teiete vɨraso yande angaipagwer gwete rese kurusu rese, yande yepepɨ agwä angaipa sui yaiko teko ɨ̇vi tuprɨsa pɨpe. Esepia ni'ä Cristo imombaraɨsusa perekokwer moigätu agwä.

Apocalipsis 2:7

¡Akoi osendu pota va'e, toyapɨsakaño Espíritu omombe'u va'e rese opakatu che reroyasar upe! Akoi oyemovɨräkwä va'e mba'e-mba'e tëi apoe'ɨ̇ agwä, ito'u amondora ɨvɨra a tekovesa resendar oime va'e teko orɨsave che Ru Tüpä pɨri.’ ”

Apocalipsis 21:21

Imboopayandepo yovaivesa ñuvɨrïo tuprɨ va'e okenda gwasu a'e imboopayandepo yovaivesa ñuvɨrïo tuprɨ mbo'ɨrɨ; ñepëi-pëi okenda ñepëi mbo'ɨrɨ sui yapoprɨ. Okar gwasu tekwa avɨter rupindar evokoiyase oro päve, inungar yepiasa ipore'ɨ̇ tuprɨ va'e mba'e ipɨpe.

Apocalipsis 21:24

Sendɨgwer osesapera opakatu tekwa rupindar igwatasa rupi, iyavei ava mba'e yar mborerekwar ɨvɨ pɨpendar opara gweru omba'e eta porañete va'e yuvɨreko chupe.

Apocalipsis 22:1

Ipare mbigwai ɨva pendar omboyekwa ɨai tekovesa resendar cheu. Inungar ɨ tɨ̇pɨu va'e oyekwa tuprɨ mba'e ipɨpe, ipare osë ɨ Tüpä renda porañete va'e sui Ovesami a'e Cristo sekoi va'e renda sui avei.

Apocalipsis 22:14

“Sorɨvete katura akoi ava omoatɨrö va'e gwekokwer, esepia oipɨsɨra ɨvɨra a tekovesa apɨre'ɨ̇ va'e resendar, ipɨpe sui oikera tekwa gwasu pɨpe.

Apocalipsis 22:19

Akoi ava vɨrokwa va'e ko kwachiar pɨpe sui ñe'ësa Tüpä suindar, Tüpä avei evokoiyase ndoipotai chira chupe ko kwachiar pɨpe imombe'uprɨ ɨvɨra a tekovesa resendar rereko agwä, iyavei ko tekwa maräne'ɨ̇ pɨpe seike agwä.