Apocalipsis 21:23 - Tüpä Ñe'ëngagwer

²³ Evokoi tekwa gwasu ndovɨreko iri ete arɨ, yasɨ gwesape agwä, esepia ni'ä Tüpä ite osesape gwendɨgwer pɨpe, iyavei Ovesami a'e Cristo sekoi va'e tataendɨ nungar sekoi a'eve yuvɨrekoi va'e upe.

Tũpa Ñehengagüer

²³ Evocoi tecua guasu ndovɨreco iri eté arɨ, yasɨ güesape ãgua. Esepia niha, Tũpa ité osesape güendɨgüer pɨpe, iyavei Ovesami tataendɨ nungar secoi aheve yuvɨrecoi vahe upe.

Apocalipsis 21:23 Iomraidhean Croise

San Mateo 16:27

Esepia che ava ɨvate katu va'e Ra'ɨrɨ ayura che Ru pirätäsa porañetesa pɨpe iyavei sembigwai ɨva pendar reseve kuri, evokoiyase aikwara ñepëi-pëi ava upe sembiapokwer rupi chupe.

San Marcos 8:38

Esepia akoi ava yuvɨnochiai va'e che sui iyavei che ñe'ëngagwer sui ava angaipa viyar ndaseko tuprɨi va'e rovai, che avei ava ɨvate katu va'e Ra'ɨrɨ, egwë a'era akoi ayevɨse che Ru reko pirätä porañetesa pɨpe, sembigwai re'ɨi ɨva pendar maräne'ɨ̇ reseve kuri.

San Lucas 2:32

a'e ni'ä poroesapesa sekoi opakatu tekwa upe narä iyavei omboyekwara poromboeteisa supiete va'e nde rekwa Israel pendar upe.”

San Juan 1:14

A'e akoi Ñe'ësa oyeapo ava iyavei oikove yande pa'üve. Iyavei sepiasa ite seko porañetesa, a'e porañetesa oipɨsɨ va'e Vu sui Ta'ɨrɨ ñepëi va'e gweko pɨpe, iporoaɨsusa supi va'e ite.

San Juan 1:18

Ndipoi ete ava osepia va'e Tüpä; Ta'ɨrɨ ñepëi va'eño ite, a'e Tüpä iyavei sekoi va'e Vu pɨri, a'e ni'ä oikwa uka yandeu.

San Juan 1:4

A'e ni'ä vɨreko tekovesa apɨre'ɨ̇ va'e oyese, iyavei a'e tekovesa tesapesa nungar sekoi opakatu ava upe.

San Juan 1:9

Ko tesapesa supiete va'e osesape opakatu ava a'e ni'ä ou ko ɨvɨ pɨpe.

San Juan 17:24

“Che Ru, nde ni'ä akoi erembou ko yuvɨrekoi va'e cheu, iyavei aipota a'e yuvɨrekoi che pɨri che rekosave, osepia va'erä che reko porañetesa yuvɨreko, teko porañetesa nde erembou va'e cheu; esepia nde ni'ä yɨpɨve ite che raɨsu eve ko ɨvɨ apoe'ɨ̇seve.

San Juan 5:23

egwë e'ira opakatu Che mboetei agwä inungar omboetei che Ru yuvɨreko. Akoi ndache mboetei va'e, egwë e'i avei che Ru mboetei e'ɨ̇, a'e ni'ä che mbousar.”

Los Hechos 22:11

Mba'e sendɨ iteanga va'e ndache mboesapɨsoi, a'ese che rupindar che po pɨsɨ che reraso Damasco ve yuvɨreko.”

Apocalipsis 14:4

Ko ava ndasekomaräi va'e ndoyapoi ete mba'e kokotɨ tëi kuña rese, esepia oñearö tuprɨ gweko katuprɨsa pɨpe; iyavei osakɨkwe moñaño ite Jesucristo igwatasa rupi yuvɨreko. Opa serokwasa ava pa'ü sui iyavei inungar yɨpɨndar mba'e seropove'ëprɨ Tüpä upe, Ovesami a'e Cristo sekoi va'e upe avei.

Apocalipsis 18:1

Ipare asepia ambuae mbigwai ɨva pendar ogweyɨse ɨva sui ou; a'e vɨreko omborerekwasa ɨvate katu va'e, sendɨgwer evokoiyase osesapepa tuprɨ ɨvɨ rupi.

Apocalipsis 21:11

A'e tekwa sendɨ iteanga Tüpä rendɨgwer pɨpe; sendɨgwer evokoiyase oyoya tuprɨ ita iporañete va'e rese, oyoya avei ita jaspe serer va'e ipïrerimi va'e rese.

Apocalipsis 21:25

Evokoiyase sokendɨpɨ nimboyasai chietera arɨ yakatu rupi, pɨ̇tü ndipoi chiaveira a'eve.

Apocalipsis 22:5

A'eve ndipoi chietera pɨ̇tü, iyavei ava a'eve yuvɨrekoi va'e ndosekai chietera tataendɨ, ndosekai chiaveira arɨ gwesape agwä yuvɨreko, esepia yande Yar Tüpä teiete osesapera, ipare a'e ava mborerekwar apɨre'ɨ̇ va'erä ite yuvɨrekoira sese.

Apocalipsis 5:6

Evokoiyase, asepia Tüpä rovai ɨva pendar irugätu yuvɨrekove va'e pa'üve ikwaiprɨ yuvɨrekoi va'e mbɨterve, ñepëi Ovesami a'e Cristo sekoi va'e, i'äi avɨye seropove'ëprɨ. A'e ni'ä vɨreko ñuvɨrïo ova tuprɨ sächi, ñuvɨrïo ova tuprɨ avei sesa; a'e evokoiyase ñuvɨrïo ova tuprɨ Tüpä espíritu yuvɨrekoi opakatu ɨvɨ rupi imbogwataprɨ.

Apocalipsis 7:17

esepia Ovesami a'e Cristo sekoi va'e Tüpä renda porañete va'e rovai, a'e osäröra ava re'ɨi sereko inungar ovesa rärösar ipare vɨrasora tekovesa resendar ɨ ndopai va'esave imboɨ'u agwä, Tüpä evokoiyase omombɨtu'upara iyase'osa sui.”