Apocalipsis 21:22 - Tüpä Ñe'ëngagwer

²² Ndasepiai ete evokoi tekwa gwasu pɨpe ñepëi yepe tüpäro, esepia ni'ä yande Yar Tüpä mba'e mboavaisare'ɨ̇, iyavei Ovesami a'e Cristo sekoi a'eve.

Tũpa Ñehengagüer

²² Ndasepiai eté evocoi tecua guasu pɨpe ñepei yepe tũparo. Esepia niha, yande Yar Tũpa mbahe mboavaisarẽhɨ, Ovesami reseve yuvɨrecoi aheve.

Apocalipsis 21:22 Iomraidhean Croise

San Mateo 24:2

Jesús aipo e'i gwemimbo'e upe: –¿Pesepia ko opakatu mba'e? Supiete amombe'u peü ko'ave ndipoi chietera ñepëi ita opɨta va'e ambuae arɨve. Opakatu ite imondurusara kuri.

San Juan 10:30

Che Ru iyavei che oroiko ñepëiño ite.

San Juan 13:32

Iyavei supiete akoi ava ɨvate katu va'e Ra'ɨrɨ amboyekwara Tüpä reko porañetesa, egwë e'i aveira Tüpä omboyekwara che reko porañetesa oiko, a'e oyapo itera evokoi nungar kuri.

San Juan 4:21

Jesús omboyevɨ chupe: –Che reroya eve kuña, vɨrovɨ arɨ peü peso iri e'ɨ̇ agwä Tüpä mboetei ko ka'a ɨvɨtrɨ rese iyavei Jerusalén ve.

San Juan 4:23

Oyepota rumo arɨ ipapaprɨ, iyavei a'e ite ko kurïtëi, akoi oyerure supiete va'e Tüpä upe imboeteisave yuvɨreko opɨ'a katuprɨsa pɨpe, Tüpä rembiapo katuprɨsa Espíritu rupi. Supiete Tüpä oipota yaposa ko rupi imboetei agwä.

Colosenses 1:19

Esepia Tüpä oipota opakatu gwekokwer reseve sekoi va'erä Cristo rese yepi,

Colosenses 2:9

Esepia Tüpä reko pirätäsa oyekwa Cristo rese,

Apocalipsis 1:8

“Che aiko yɨpɨndar iyavei ipandar,” aipo e'i yande Yar Tüpä opakatu mba'e mboavaisare'ɨ̇ evokoi yɨpɨve va'e ite, kurïtëindar apɨre'ɨ̇ va'e avei.

Apocalipsis 11:17

aipo e'i yuvɨreko: “Avɨye ndeu ore Yar, Tüpä mba'e mboavaisare'ɨ̇, nde akoi yɨpɨsuive va'e ite, ereikoveño avei kurïtëi, esepia nde pirätäsa tuvicha va'e pɨpe ereporokwai eiko, iyavei eremboɨpɨ ite nde mborerekwasa mboavɨyesa sereko.

Apocalipsis 14:4

Ko ava ndasekomaräi va'e ndoyapoi ete mba'e kokotɨ tëi kuña rese, esepia oñearö tuprɨ gweko katuprɨsa pɨpe; iyavei osakɨkwe moñaño ite Jesucristo igwatasa rupi yuvɨreko. Opa serokwasa ava pa'ü sui iyavei inungar yɨpɨndar mba'e seropove'ëprɨ Tüpä upe, Ovesami a'e Cristo sekoi va'e upe avei.

Apocalipsis 15:3

Ipare osapukai Tüpä rembigwai yuvɨreko Moisés sapukaisa pɨpe, iyavei Ovesami a'e Cristo sekoi va'e sapukaisa pɨpe. Aipo e'i: “Avɨye ite opakatu mba'e nde rembiapokwer, che Yar Tüpä mba'e mboavaisare'ɨ̇; nde rekokwer supi tuprɨ va'e ite; seko ɨ̇vi va'e, iyavei nde Mborerekwar ɨvate katu va'e ereiko ɨvɨ pɨpendar opakatu ava upe.

Apocalipsis 16:14

Ko karugwar suindar yuvɨrekoi, a'e oyapo poromondɨisa mba'e mboyekwasa yuvɨreko, ipare opa yuvɨnosë opakatu ɨvɨ rupi mborerekwareta ɨvate katu va'e monu'ä agwä vavasave narä, akoi arɨ kañɨ pɨpe Tüpä mba'e mboavaisare'ɨ̇ amotare'ɨ̇save.

Apocalipsis 16:7

Asendu avei ambuae ñe'ësa mba'e reropove'ësa renda sui aipo e'i va'e: “Supiete, che Yar Tüpä, opakatu mba'e mboavaisare'ɨ̇, nde porandusa ava rembiapokwer rese supi tuprɨ va'e ite, seko ɨ̇vi va'e avei.”

Apocalipsis 19:15

Iyuru pɨpe sui osë kɨse puku saimbe va'e opakatu ambuae-ae tekwa rupindar momarä agwä. A'e oyokwaira oamotare'ɨ̇sar gwarepochi apoprɨ opo pendar pɨpe. Iyavei osekoa'ära inungar uva opɨve otɨavɨi va'e yuvɨreko iyavei omboɨ'ura evokoi uva rɨkwer paraɨsu katusa resendar pɨpe. A'ese Tüpä mba'emboavaisare'ɨ̇ oñemoɨrö itera chupe.

Apocalipsis 4:8

Evokoi ɨva pendar irugätu yuvɨrekove va'e vɨreko oyakatu ñepëi ova tuprɨ opepo yuvɨreko iyavei vɨreko opakatu gwete rese gwesa. Ndopɨtu'ui ete arɨ, pɨ̇tü rupi aipo e'i yuvɨreko: “¡Seko maräne'ɨ̇ va'e, seko maräne'ɨ̇ va'e, seko maräne'ɨ̇ ite sekoi yande Yar, a'e Tüpä mba'e mboavaisare'ɨ̇, yɨpɨve va'e ite sekoi, ou apɨre'ɨ̇ va'e avei kuri!”

Apocalipsis 5:6

Evokoiyase, asepia Tüpä rovai ɨva pendar irugätu yuvɨrekove va'e pa'üve ikwaiprɨ yuvɨrekoi va'e mbɨterve, ñepëi Ovesami a'e Cristo sekoi va'e, i'äi avɨye seropove'ëprɨ. A'e ni'ä vɨreko ñuvɨrïo ova tuprɨ sächi, ñuvɨrïo ova tuprɨ avei sesa; a'e evokoiyase ñuvɨrïo ova tuprɨ Tüpä espíritu yuvɨrekoi opakatu ɨvɨ rupi imbogwataprɨ.

Apocalipsis 7:15

“Sese Tüpä renda porañete va'e rovai yuvɨrekoi, arɨ iyavei pɨ̇tü rupi omboetei sëtä pɨpe yuvɨreko. Akoi ogwapɨ va'e öi, tenda porañete va'esave a'e gwekokwer pɨpe osepɨra.

Apocalipsis 7:17

esepia Ovesami a'e Cristo sekoi va'e Tüpä renda porañete va'e rovai, a'e osäröra ava re'ɨi sereko inungar ovesa rärösar ipare vɨrasora tekovesa resendar ɨ ndopai va'esave imboɨ'u agwä, Tüpä evokoiyase omombɨtu'upara iyase'osa sui.”