Apocalipsis 21:18 - Tüpä Ñe'ëngagwer

¹⁸ Tekwa ächisa ita porañete va'e Jaspe serer va'e apoprɨ, tekwa evokoiyase oro päve tuprɨ, avɨye yepiasa sekose katu va'e.

Tũpa Ñehengagüer

¹⁸ Tecua ãchisa ahe ita porañete vahe Jaspe serer vahe apoprɨ; tecua evocoiyase oro pãve tuprɨ, avɨye vidrio secose catu vahe.

Apocalipsis 21:18 Iomraidhean Croise

Apocalipsis 21:11

A'e tekwa sendɨ iteanga Tüpä rendɨgwer pɨpe; sendɨgwer evokoiyase oyoya tuprɨ ita iporañete va'e rese, oyoya avei ita jaspe serer va'e ipïrerimi va'e rese.

Apocalipsis 21:19

Ñachisa movɨräkwäsa vɨreko opakatu ambuae ita-ita tëi iporañete va'e päve: yɨpɨndar, ivɨräkwäsa jaspe; imoñuvɨrïosa, zafiro; imombosapɨsa, ágata; imoirugätusa, esmeralda;

Apocalipsis 21:21

Imboopayandepo yovaivesa ñuvɨrïo tuprɨ va'e okenda gwasu a'e imboopayandepo yovaivesa ñuvɨrïo tuprɨ mbo'ɨrɨ; ñepëi-pëi okenda ñepëi mbo'ɨrɨ sui yapoprɨ. Okar gwasu tekwa avɨter rupindar evokoiyase oro päve, inungar yepiasa ipore'ɨ̇ tuprɨ va'e mba'e ipɨpe.

Apocalipsis 4:6

Evokoi tenda rovai oime avei ndoyavɨi tuprɨ paragwasu tɨ̇pɨu va'e oyekwa tuprɨ va'e mba'e ipɨpe. Ambuae tenda pa'ü rupi oyere tuprɨ Tüpä renda rese irugätu ɨva pendar yuvɨrekove va'e, a'e sesa oyere tuprɨ va'e sese, a'e osareko tuprɨ va'e gwenonera gwakɨkwei kotɨ aveino.