Apocalipsis 21:14 - Tüpä Ñe'ëngagwer

¹⁴ Tekwa gwasu ächisa vɨreko opayandepo yovaive ñuvɨrïo tuprɨ ita imovɨräkwäsa, a'e sese evokoi opayandepo yovaive ñuvɨrïo tuprɨ yuvɨrekoi va'e ikwachiasa serer Ovesami a'e Cristo sekoi va'e ñe'ë mombe'usar.

Tũpa Ñehengagüer

¹⁴ Tecua guasu ãchisa vɨreco doce tuprɨ ita imovɨracuasa. Ahe sese evocoi doce tuprɨ yuvɨrecoi vahe Ovesami apóstol rer icuachiasa yuvɨreco.

Apocalipsis 21:14 Iomraidhean Croise

San Mateo 16:18

Iyavei che aipo a'e nde ereiko Pedro, ipare ko ita arɨve amopü'ara che tüpärogwä; iyavei ñepëi yepe manosa ndosekoreroyɨi chietera opirätäsa pɨpe.

Los Hechos 1:26

Evokoiyase osä'a iporavo yuvɨreko, Matías ite vɨnose iporavoprɨ sui yuvɨreko, ichui tuprɨ oike opayandepo yovaive ñepëi Jesús ñe'ë mombe'usar pa'üve.”

Gálatas 2:9

Santiago, Pedro iyavei Juan, a'e Jesús reroyasar yemovɨräkwäsa yuvɨrekoi, oikwa yuvɨreko Tüpä ombou va'e oporovasasa cheu, a'ese imboetasa ore rekosa pɨpe che po pɨsɨ yuvɨreko, Bernabé upe avei egwë e'i yuvɨreko iyavei ipɨ'a rupi ete ore oroporavɨkɨ va'erä ava nda'ei va'e judío pa'üve oroiko, inungar a'e oporavɨkɨ judío pa'üve yuvɨreko.

Efesios 2:20

Pe inungar tüpäro maräne'ɨ̇ imopü'ambrɨ i'ɨvɨpɨrä arɨ pendar peiko; Jesús ñe'ë mombe'usar iyavei Tüpä ñe'ë mombe'usar evokoiyase inungar i'ɨvɨpɨ yuvɨrekoi tüpäro movɨräkwä agwä Jesucristo rumo inungar ita yɨpɨndar va'e imo'ɨ̇visa yandeu.

Efesios 3:5

ko ñe'ësa ikatuprɨ va'e ndoikwai ete ava yuvɨreko araka'e, kurïtëi rumo Tüpä omboyekwa gwembipe'a yuvɨrekoi va'e upe, a'e sembipe'a Jesús ñe'ë mombe'usar, oñe'ë mombe'usar upe avei omboyekwa oyesuindar Espíritu.

Efesios 4:11

A'e ni'ä ombou amove ava upe Jesús ñe'ë mombe'usar seko agwä, ambuae upe ombou Tüpä ñe'ë mombe'u agwä, ambuae upe ombou ñe'ësa pɨsɨrösa mombe'u agwä, ombou avei ambuae upe vɨroyasar rärö agwä iyavei iporombo'e agwä.

Hebreos 11:10

Esepia Abraham osäröño ite tekwa ɨva pendar ovɨräkwä va'e, Tüpä ni'ä a'e tekwa rä'asar, yaposar avei.

San Judas 1:17

Pe rumo che rɨvrɨ eta, peyemoma'endu'a akoi yande Yar Jesucristo ñe'ë mombe'usar ñe'ëngagwer rese

Apocalipsis 18:20

Peyembovɨ'año, pe ɨva pendar evokoi tekwa gwasu rese; iyavei peyembovɨ'año katu, peiko va'e tekwa maräne'ɨ̇ pendar, iyavei Jesús ñe'ë mombe'usa reta Tüpä ñe'ë mombe'usa reta aveino, esepia ni'ä Tüpä opa omokañɨ, peü narä mba'e avɨye va'e aposa pɨpe.

Apocalipsis 21:13

Vɨreko ni'ä mbosapɨ okenda añi'ïvëi kotɨ, mbosapɨ norte kotɨ, mbosapɨ iro'ɨ kotɨ iyavei mbosapɨ ka'aru kotɨ no.