Apocalipsis 21:11 - Tüpä Ñe'ëngagwer

¹¹ A'e tekwa sendɨ iteanga Tüpä rendɨgwer pɨpe; sendɨgwer evokoiyase oyoya tuprɨ ita iporañete va'e rese, oyoya avei ita jaspe serer va'e ipïrerimi va'e rese.

Tũpa Ñehengagüer

¹¹ Ahe tecua sendɨ́ iteanga Tũpa rendɨgüer pɨpe. Sendɨgüer evocoiyase oyoya tuprɨ ita iporañete vahe rese, oyoya avei ita jaspe serer vahe ipĩrerimi vahe rese.

Apocalipsis 21:11 Iomraidhean Croise

Apocalipsis 15:8

Ipare Tüpä rëtä omboapɨpo tatächi, evokoi ou va'e Tüpä reko porañetesa iyavei ipirätäsa sui. A'eve ndiyai ete ava upe seike agwä akoi opase voi ete omomba ñuvɨrïo ova tuprɨ mba'erasɨ vai vɨreko va'ekwer ñuvɨrïo ova tuprɨ mbigwai ɨva pendar yuvɨreko.

Apocalipsis 22:1

Ipare mbigwai ɨva pendar omboyekwa ɨai tekovesa resendar cheu. Inungar ɨ tɨ̇pɨu va'e oyekwa tuprɨ mba'e ipɨpe, ipare osë ɨ Tüpä renda porañete va'e sui Ovesami a'e Cristo sekoi va'e renda sui avei.

Apocalipsis 22:5

A'eve ndipoi chietera pɨ̇tü, iyavei ava a'eve yuvɨrekoi va'e ndosekai chietera tataendɨ, ndosekai chiaveira arɨ gwesape agwä yuvɨreko, esepia yande Yar Tüpä teiete osesapera, ipare a'e ava mborerekwar apɨre'ɨ̇ va'erä ite yuvɨrekoira sese.

Apocalipsis 4:3

Ko ogwapɨ va'e ndoyavɨi ete ita jaspe porañetesa iyavei ndoyavɨi cornalina porañetesa no. Iyavei oime oyere tuprɨ va'e tenda rese inungar yegwaka sendɨyai va'e, inungar esmeralda;

Apocalipsis 4:6

Evokoi tenda rovai oime avei ndoyavɨi tuprɨ paragwasu tɨ̇pɨu va'e oyekwa tuprɨ va'e mba'e ipɨpe. Ambuae tenda pa'ü rupi oyere tuprɨ Tüpä renda rese irugätu ɨva pendar yuvɨrekove va'e, a'e sesa oyere tuprɨ va'e sese, a'e osareko tuprɨ va'e gwenonera gwakɨkwei kotɨ aveino.