Apocalipsis 20:8 - Tüpä Ñe'ëngagwer

⁸ ichui osëra opakatu ava ɨvɨ pɨpendar mbopa-mbopa tëi agwä oiko; osëra ɨvɨ Gog mbopa tëi agwä, ɨvɨ Magog mbopa tëi agwä avei, ipare omonu'ära vavasave narä isundao eta, esepia ni'ä a'e se'ɨi eteprɨ yuvɨreko inungar ɨvɨ ku'i paragwasu popɨ rupindar.

Tũpa Ñehengagüer

⁸ Ichui osẽra opacatú ava ɨvɨ pɨpendar mbopa-mbopa tẽi oico; osẽra ɨvɨ Gog mbopa tẽi ãgua, ɨvɨ Magog mbopa tẽi ãgua avei. Ipare omonuhara vavasave nara isundao eta. Esepia niha, ahe sehɨi eteprɨ yuvɨreco inungar ɨvɨ cuhi para guasu popɨ rupindar.

Apocalipsis 20:8 Iomraidhean Croise

Hebreos 11:12

Egwë e'i Abraham rekokwer, yepe okwakwami viña, vɨreko rumo gwa'ɨrɨ, a'e ichuindar se'ɨi eteanga koiye, inungar yasɨtata iyavei inungar ɨvɨ ku'i paragwasu popɨ rupindar ndayaipapa katui va'e ite.

Apocalipsis 12:9

Egwë e'i imboyepepɨsa mba'e ɨpɨ oporomokañɨ va'e reko pirätäsa sembigwai eta reseve, opa imombosa ɨvɨ pɨpe yuvɨreko, evokoi mboi vai, a'e Karugwar Ndipɨ'ai va'e, evokoi ni'ä ava ombopa-mbopa tëi va'e opakatu ɨvɨ pɨpe yuvɨreko.

Apocalipsis 16:14

Ko karugwar suindar yuvɨrekoi, a'e oyapo poromondɨisa mba'e mboyekwasa yuvɨreko, ipare opa yuvɨnosë opakatu ɨvɨ rupi mborerekwareta ɨvate katu va'e monu'ä agwä vavasave narä, akoi arɨ kañɨ pɨpe Tüpä mba'e mboavaisare'ɨ̇ amotare'ɨ̇save.

Apocalipsis 20:10

Karugwar evokoiyase, ava mbopa-mbopa tëisar, a'e opa imombosa ɨpa azufre okai va'e pɨpe, a'eve akoi opa imombosa mba'e ɨpɨ vai Tüpä ñe'ë mombe'usar anga'u tëi va'e aveino. A'eve iparaɨsura pɨ̇tü, arɨ yuvɨreko apɨre'ɨ̇ va'erä.

Apocalipsis 20:3

A'ese omombo ɨvɨkwar gwasu ipɨkuku va'e pɨpe, a'eve osokenda ipare omondo sello sokenda rese opakatu ambuae-ae tekwa rupindar mbopa-mbopa tëi iri e'ɨ̇ agwä rese akoi osupitɨse voi mil aravɨter, koiye rumo mil aravɨter pare, imosesa raimi tëira.

Apocalipsis 7:1

Ipare asepia irugätu tuprɨ mbigwai ɨva pendar yuvɨno'äi va'e iro'ɨ kotɨ, norte kotɨ, arɨ sësa kotɨ, ka'aru kotɨ aveino omombɨtu'u tuprɨ va'e irugätu ɨvɨtu yuvɨrekoi va'e ɨvɨ arɨ rupi ipeyu e'ɨ̇ agwä, paragwasu pɨpe angara viña, ñepëi yepe ɨvɨra ro angara viña no.