Apocalipsis 20:13 - Tüpä Ñe'ëngagwer

¹³ Omano va'ekwer opa yuvɨnosë paragwasu pɨpe sui, iyavei te'ögwer rekosa sui opa yuvɨnosë; ichui opakatu mba'e sembiapokwer rese porandusa yuvɨreko chupe no.

Tũpa Ñehengagüer

¹³ Omano vahecuer opa yuvɨnose para guasu pɨpe sui, iyavei tehõgüer recosa sui opa yuvɨnose; ichui opacatú mbahe sembiapogüer rese porandusa yuvɨreco chupe no.

Apocalipsis 20:13 Iomraidhean Croise

San Mateo 11:23

Nde avei, tekwa Cafarnaúm, ¿pe pemoäro ko ɨvave oso va'erä viña? ¡Pe rumo pe mondosara ɨvɨkwar ipɨkuku katu va'e pɨpe! Esepia ni'ä ko tekwa Sodoma ve yaposara poromondɨisa va'e viña a'e yaposa ite peü, a'e tekwa kurïtëi oime vɨte itera viña.

San Mateo 16:27

Esepia che ava ɨvate katu va'e Ra'ɨrɨ ayura che Ru pirätäsa porañetesa pɨpe iyavei sembigwai ɨva pendar reseve kuri, evokoiyase aikwara ñepëi-pëi ava upe sembiapokwer rupi chupe.

1 Corintios 15:26

a'ese avei manosa ipa va'e ndikwa iri chietera.

Apocalipsis 1:18

iyavei aikove vɨte va'e. Yepe amano viña, kurïtëi rumo aikove iri ndopai va'erä ite che rekokwer. Che areko che mborerekwasa ava rekokwer mokañɨ agwä.

Apocalipsis 2:23

Egwë e'i opakatu che reroyasar oikwara yuvɨreko che aikwa tuprɨ ite opakatu ava pɨ'a ñemoñetasa iyavei ñepëi-pëi pe yakatu amondora pe rembiapokwer reprɨ peü.

Apocalipsis 20:12

Ipare asepia omano va'ekwer seko ɨvate va'e, seko mbegwemi va'e aveino opü'a yuvɨno'ä Tüpä rovai; a'ese kwachiar opa ipɨpirasa, iyavei ambuae kwachiar, a'e kwachiar tekovesa resendar. Omano va'ekwer upe evokoiyase porandusa evokoi kwachiar pɨpendar mba'e sembiapokwer rese.

Apocalipsis 20:14

Ipare manosa rekwa opa imondosa tata nungar ɨpa pɨpe. Evokoi ɨpa ni'ä imoñuvɨrïosa manosa,

Apocalipsis 21:4

A'e ni'ä omombɨtu'ura opakatu ava resaɨ, iyavei ndipo iri chietera manosa; yase'osa, vɨ'are'ɨ̇sa, tekoasɨsa avei; esepia ni'ä opakatu mba'e oime va'ekwer yɨpɨndar, ndipo iri chietera kurïtëi.”

Apocalipsis 6:8

Ama'e, ipare asepia kavayu iyu rasɨ va'e, ava i'arɨ pendar serer va'e Te'ögwer. Ipare sakɨkwei ou va'e oiko a'e serer Omano-va'e-rekosa, a'e chupe imondosa teko pirätäsa ɨvɨ imoirugätusa ya'okwer rupi igwata agwä ava yuka agwä vavasa pɨpe, tɨepore'ɨ̇ pɨpe, mba'erasɨ pɨpe, mba'e ɨpɨ pɨpe aveino.