Apocalipsis 2:9 - Tüpä Ñe'ëngagwer

⁹ Che aikwa pe yemombaraɨsusa, pe paraɨsusa avei; pe rumo mba'e yar nungar ite peiko ɨva pendar mba'e rese. Aikwa avei pe rese ava semirä tëi va'e, ore Tüpä rembiporavo judío oroiko e'i tëi va'e, a'e yuvɨrekoi Karugwar reroyasar tëi.

Tũpa Ñehengagüer

⁹ Che aicua pe yemombaraɨsusa, pe paraɨsusa avei; pe rumo mbahe yar nungar ité peico ɨva pendar mbahe rese. Aicua avei pe rese ava semira tẽi vahe, ore Tũpa rembiporavo judío oroico, ehi tẽi vahe. Ndahei rumo ahe yuvɨrecoi. Esepia, Caruguar reroyasar tẽi evocoi yuvɨrecoi.

Apocalipsis 2:9 Iomraidhean Croise

San Mateo 4:10

Jesús omboyevɨ chupe: –Eyepepɨ che sui kurïtëi, Karugwar, esepia Ikwachiaprɨ pɨpe aipo e'i: ‘Emboetei nde Yar Tüpä, a'e gweraño tuprɨ avei eremboyeroyara.’

San Lucas 12:21

Egwë e'i ete ni'ä ava oyeupeñomi tëi mba'e omonu'ä atɨ va'e, iparaɨsu ite rumo Tüpä rovai.”

San Lucas 22:65

Iyavei seta mba'e rese oñe'ë-ñe'ë tëi yuvɨreko chupe.

San Lucas 4:18

“Yande Yar Espíritu sekoi che rese, esepia ni'ä a'e ombou chekwaitarä ko ñe'ësa avɨye va'e mombe'u agwä ava iparaɨsu va'e upe; chekwaita avei amombe'u va'erä ava sokendaprɨ renose agwä iyavei ava ndasesapɨsoi va'e ambosarekora; iyavei ava mba'e-mba'e tëi rasɨkwer oiporara va'e sui senose agwä;

San Lucas 6:20

Jesús oma'e gwemimbo'e eta rese, aipo e'i chupe: “Perorɨvete katu pe iparaɨsu va'e, esepia ni'ä Tüpä mborerekwasa peü narä ite sekoi.

San Juan 16:33

Amombe'u ko opakatu mba'e peü, peiko va'erä che rese mba'e tuprɨ pɨpe pe reko agwä. Ko ɨvɨ pɨpe, pe paraɨsura peiko, peyemongere'ɨ̇ño katu: esepia che opa ite asekopɨ mba'e-mba'e tëi ko ɨvɨ pɨpe.

Los Hechos 14:22

A'e tekwa rupi omongere'ɨ̇ katu Jesús reroyasar, iyavei peikora poreroyasa sɨkɨye e'ɨ̇sa pɨpe, aipo e'i yuvɨreko chupe yande reike agwä Tüpä mborerekwasave oime rane itera paraɨsusa tuvicha va'e.

Los Hechos 26:11

Seta rupi amombaraɨsu uka ava ndovɨroya iri va'erä Jesús yuvɨreko. Iyavei opakatu oɨ judío ñemonu'äsa yakatu rupi ko nungar ayapo vichiko egwë a'e yambotare'ɨ̇save, ipɨpe sui aso opakatu ambuae tekwa rupi yuvɨreko seka.”

Romanos 12:12

Peikoño pe vɨ'aretesave mba'e ɨva pendar rärösa pɨpe; peñemosaño mba'e rasɨkwer peiporarase; iyavei anichira pepoi pe yeruresa sui yepi.

Romanos 2:17

Nde judío ereiko, sese ereyeroya rai Moisés porokwaita rese, ipɨpe sui ereyeeko mboɨvateai nde Tüpä rese ereikose.

Romanos 5:3

Nda'ei rumo sese gweraño yayembovɨ'a, yande yemombaraɨsusa rese avei ni'ä yayembovɨ'a yaiko; esepia yaikwa ite paraɨsusa yande mbo'e yande ñemosa agwä,

Romanos 8:35

¿Uma pi'ä oikatura yande mboyepepɨ Cristo yande raɨsusa sui? ¿Ke yande paraɨsusa, mba'e yavai va'e yandeu, yande momarä-marä tëisa, tɨepore'ɨ̇, anise yande turukwarä ndipoise, mba'e tëise yandeu, yande yuka potase tie yuvɨreko?

Romanos 9:6

Tüpä nomboavɨyei Israel upe oñe'ë imombe'uprɨ ndapeyei chira; esepia nda'ei ete Israel suindar opakatu tekwa yuvɨrekoi va'e Israel ɨvɨ rupindar.

2 Corintios 6:10

Amove ndoyavɨi ndorovɨ'ai va'e yuvɨreko chupe, ore rumo orovɨ'año ite yepi; avɨye ndoyavɨi iparaɨsu va'e oroiko viña, ore rumo oromondo katuño ite mba'e avɨye va'e ava eta upe; yepe ndoyavɨi ndorovɨrekoi ete mba'e viña, opakatuño ite rumo mba'e avɨye va'e Tüpä suindar oime oreu.

2 Corintios 8:2

Yepe a'e ava rekokwer yavai ete yuvɨreko chupe sekoa'äsa pɨpe viña, ovɨ'areteño rumo ipɨpe yuvɨreko; yepe iparaɨsu va'e päve tëi, iporerekoño ite rumo yuvɨreko.

2 Corintios 8:9

Peikwa ni'ä pe yande Yar Jesucristo poroaɨsusa, yepe a'e mba'e yar sekoi viña, opa rumo oseya omba'e pe rekokwer rese, iparaɨsu pɨpe sui ni'ä pe ɨva pendar mba'e pereko.

1 Tesalonicenses 3:4

Iyavei akoi oroiko vɨtese pe pɨri, yande paraɨsu rane itera mba'e yavai va'e apo agwä oro'e akoi peü; egwë e'i ete kurïtëi mba'e pesepiase.

1 Timoteo 1:13

yepe che yɨpɨndar che ñe'ë-ñe'ë tëi sese; aseka-sekaño mba'e-mba'e tëi che rembiapogwä yamotare'ɨ̇mbave che yemboɨvateaisa pɨpe, Tüpä rumo che paraɨsuereko, esepia che a'ese nda'e vɨtei Cristo reroyasar aiko, iyavei ndaikwai mba'e ayapo va'e.

1 Timoteo 6:18

Eyokwai avei evokoi ava, toyuvɨrekoi mba'e yar nungar mba'e avɨye va'e aposa pɨpe, iyavei toyemoigätuño akoi mba'e vɨreko va'e mboya'o agwä ambuae ava upe yuvɨreko.

Apocalipsis 1:9

Che Juan, pe rɨke'ɨrɨ aiko, iyavei che pe nungar Tüpä povrɨ pendar aiko, che paraɨsu avei vichiko Jesucristo rese che rekosave che ñemosasa pɨpe. Che rokendasa vichiko ka'a pa'ümi paragwasu avɨterve Patmos serer va'esave Tüpä ñe'ëngagwer mombe'usa pɨpe sui tëi, Jesucristo rekokwer mombe'usa pɨpe sui tëi aveino.

Apocalipsis 2:13

Che aikwa pe rekosa, a'eve akoi Karugwar ogwapɨ öi; mborerekwar gwasu nungar imboyeroyaprɨ sekoi. Pe rumo peyemovɨräkwäño ite chupe che rekokwer rese peiko, ndapeseyai ete che rese pe yeroyasa yepe oyuka tëi che rekokwer mombe'u tuprɨsar Antipas evokoi tekwa Karugwar rekosave.

Apocalipsis 2:2

Che aikwa opakatu mba'e pe rembiapo; pe poravɨkɨ pirätäsa iyavei pe yemovɨräkwäsa. Aikwa avei ndapeipotai ava naporäi va'e pe pa'üve yuvɨrekoi va'erä. Pesekoa'ä avei ava, ore Jesús ñe'ë mombe'usar oroiko e'i tëi va'e, ipare peikwa iporombopa tëisa yuvɨreko.

Apocalipsis 2:24

Pe rumo opakatu Tiatira pendar ndaperoyai va'e ko porombo'e raisa, iyavei ndapeyembo'ei Karugwar arakwasa rese ndikwasai va'e, sese namondo iri chira ambuae che porokwaita peü.

Apocalipsis 3:9

Ko Karugwar reroyasar semirä tëi va'e, ore Tüpä rembiporavo judío oroiko, e'i tëi va'e, nda'ei rumo a'e ite va'e yuvɨrekoi, a'e amoñenopɨ'äpa ukara pe rovai, toikwa yuvɨreko che pe raɨsusa che yapave.

Apocalipsis 7:14

“Nde rumo ereikwa” a'e imboyevɨ chupe. A'e evokoiyase aipo e'i cheu: “Ko akoi yuvɨnosë tuprɨ va'e ite teko asɨsa sui yuvɨreko, inungar oyosei omomorochi va'e oturukwar, egwë e'i avei gwekokwer imomorochi Ovesami a'e Cristo sekoi va'e ruvɨ pɨpe yuvɨreko.”