Apocalipsis 2:3 - Tüpä Ñe'ëngagwer

³ Iyavei che aikwa peñemosañose peyemombaraɨsu peiko che raɨsupave, ndapekwerai ete ipɨpe.

Tũpa Ñehengagüer

³ Che aicua peñemosaño peyemombaraɨsu peico che raɨsupave; ndapecuerai eté ipɨpe.

Apocalipsis 2:3 Iomraidhean Croise

San Marcos 15:21

Ñepëi mbɨa Cirene pendar, serer va'e Simón, Alejandro iyavei Rufo yesupa, a'e pɨpe tuprɨ oyepota ou ka'a pɨpe sui. Oñokwä potase okwa viña a'ese sundao oñe'ë yuvɨreko chupe ovɨraso va'erä Jesús kurusu.

San Lucas 14:27

Iyavei akoi ava noñemosaï va'e mba'e-mba'e tëi upe, a'e ndasekoi chietera che rupi.

San Lucas 18:1

Jesús omombe'u porombo'esa ava yerure agwä arɨ yakatu rupi, kere'ɨ̇sa pɨpe.

San Lucas 21:19

¡Peyemovɨräkwä katu, a'ese pe ñepɨsɨröra!”

San Lucas 5:5

Simón omboyevɨ aipo e'i chupe: –Porombo'esar, orosa'ä tëi ni'ä pɨ̇tü momba pira mbo'a oroiko ndorombo'ai ete rumo, nde porokwaita rupi, amondo irira pira mbo'asa ɨpɨve.

San Lucas 8:15

Akoi mba'e rä'ɨi seitɨprɨ ɨvɨ avɨye va'esave, a'e inungar ava vɨreko va'e pɨ'a ñemoñetasa avɨye va'e iyavei oyemoigätu voi ete sendu agwä yuvɨreko oyapo ite ñe'ësa avɨye va'e remimbotar, iyavei oñemovɨräkwä katuño ite, oyapo avei mba'e avɨye va'e.”

San Juan 15:21

Ko opakatu mba'e che rekokwer sui tëi egwë e'ira yuvɨreko peü, esepia ndoikwai ete ni'ä che mbousar yuvɨreko.”

Romanos 12:12

Peikoño pe vɨ'aretesave mba'e ɨva pendar rärösa pɨpe; peñemosaño mba'e rasɨkwer peiporarase; iyavei anichira pepoi pe yeruresa sui yepi.

Romanos 16:12

Pemombe'u avei che ma'endu'asa Trifena iyavei Trifosa upe; a'e ni'ä oporavɨkɨ va'e yande Yar upe narä yuvɨreko, iyavei yande rembiaɨsu yande reindrɨ Pérsida, a'e avei ni'ä oporavɨkɨ ite yande Yar upe narä.

Romanos 2:7

Omboura tekovesa apɨre'ɨ̇ va'e yandeu, yasekase teko orɨ Tüpä suindar poromboeteisa, iyavei mba'e apɨre'ɨ̇ va'e yande mba'e tuprɨ aposa pɨpe;

Romanos 8:25

Akoi mba'e yande remiarö ndayasepia vɨteise rumo, yasärö vɨte yande ñemosasa pɨpe sereko.

1 Corintios 13:7

Oporoaɨsusa vɨrekose oñemosaño opakatu mba'e upe, oyeroya vɨte sese, osärö vɨte mba'e tuprɨ ichui, iyavei seko mbegwe vɨteño chupe.

1 Corintios 16:16

Evokoiyase che aipota peyemboyeroyara evokoi nungar ava rese iyavei opakatu ambuae yande Yar upe oporavɨkɨ va'e rese.

2 Corintios 10:15

Ndoroyapɨrasai avei ore ñe'ë pɨpe ambuae ava poravɨkɨsa sui tëi. Ore rumo, orosärö ore oroporavɨkɨ katu va'erä pe pa'üve Tüpä rese pe yeroyasa rupi, ndoroyapɨrasai avei rumo orekwaita.

2 Corintios 11:23

¿A'e pi'ä yuvɨrekoi Cristo pɨtɨ̇vɨïsar? Che rumo ɨvate katu aiko ichui yuvɨreko, yepe añe'ëse avɨye che ndayarakwai va'e aiko viña. Che aporavɨkɨ katu yuvɨreko ichui, seta rupi avei che rokenda ichui yuvɨreko, iyavei inupambrɨ katu aiko ichui yuvɨreko, seta rupi avei seni-seni che yuka uka che mombaraɨsusa pɨpe yuvɨreko.

2 Corintios 4:1

Sese ndorekere'ɨ̇ iri ndoro'ei ete, esepia Tüpä ore poravo, ore paraɨsuerekosa pɨpe ore poravɨkɨ agwä ko ñe'ësa rese.

2 Corintios 4:16

Sese orekere'ɨ̇ño ite mba'e apo oroiko peü. Yepe ore rete okañɨ pota tëi viña, ore rekokwer rumo Tüpä ombopɨasuño ite arɨ yakatu rupi.

2 Corintios 5:9

Sese yaseka yande Yar mbovɨ'a agwä yepi, yaikove vɨtese avei yande rete rese, anise yasëse ichui.

2 Corintios 6:5

egwë oro'e avei ore nupa-nupase, ore rokendase avei omongere'ɨ̇se ava re'ɨi ore amotare'ɨ̇ agwä yuvɨreko, oroyapo avei mboravɨkɨ ipirätä va'e amove ndorokei ete, seta rupi ndorerɨepoi tëi avei.

Gálatas 6:2

Peñepɨtɨ̇vɨ-tɨvɨï katu mba'e yavairai va'e rese, egwë peyese Cristo porokwaita pemboavɨyera.

Gálatas 6:9

Evokoiyase tayandekwerai eme mba'e tuprɨ aposa pɨpe; esepia akoi ndayandekweraise, yaipɨsɨra mba'e tuprɨ apo reprɨ.

Filipenses 2:16

peyemovɨräkwä katu ñe'ësa avɨye va'e tekovesa ombou va'e rese. Akoi ouse Cristo kuri avɨ'aretera pe rese, esepia pe rese che poravɨkɨsa egwë nde'i tëi va'erä.

Filipenses 4:3

Nde ni'ä che pɨtɨ̇vɨï tuprɨ va'ekwer che poravɨkɨsa rese eve, eipɨtɨ̇vɨï evokoi kuña, esepia a'e ni'ä oyembopɨ'avɨräkwä ite che pɨtɨ̇vɨïse Tüpä ñe'ëngagwer pɨsɨrösa resendar mombe'u agwä yuvɨreko, oyoya Clemente rese iyavei ambuae oporavɨkɨ va'e rese che rupi yuvɨreko. A'e serer opa ikwachiaprɨ Tüpä kwachiar tekovesa apɨre'ɨ̇ va'e resendar pɨpe.

Colosenses 1:11

Iyavei tombou katu pe momirätä agwä gwekokwer pirätäsa pɨpe sui; evokoiyase oimese mba'e tëi peü, peñemosañora pe reko mbegwesa pɨpe, pevɨ'asa pɨpe avei,

1 Tesalonicenses 1:3

Pe ni'ä yande Yar rese pe yeroya tuprɨsa pɨpe peporavɨkɨño yepi, iyavei pe poroaɨsusa pɨpe peyapo mba'e Tüpä upe, iyavei peñemosaño mba'e tëi upe Jesucristo rärösa pereko va'e rese. Sese ore ma'endu'a pe rese arɨ yakatu rupi yande Ru Tüpä rovai.

1 Tesalonicenses 2:9

Che rɨvrɨ eta, peyemoma'endu'a akoi ore paraɨsu agwer rese, ore poravɨkɨ agwer rese arɨ pɨ̇tü reseve avei, nda'ei pe mañeko tëi agwä mba'e oromombe'u Tüpä ñe'ëngagwer oroiko peü.

1 Tesalonicenses 5:12

Iyavei no, che rɨvrɨ eta, pemboyeroya akoi oporavɨkɨ va'e yuvɨreko pe pa'üve, a'e ni'ä pe kwai va'e yuvɨreko, iyavei pe mboarakwa va'e yande Yar upe narä yuvɨreko.

2 Tesalonicenses 3:13

Che rɨvrɨ eta, pekwerai rene mba'e avɨye va'e apo agwä.

2 Tesalonicenses 3:5

Yande Yar tape pɨtɨ̇vɨï pe poroaɨsu agwä inungar Tüpä oporoaɨsu, iyavei perekora Cristo pirätäsa pe paraɨsusa pa'üve.

2 Tesalonicenses 3:8

ndoro'u tëi avei ambuae ava rembi'u imboepɨre'ɨ̇prɨ. Ore rumo oroporavɨkɨ iyavei orekwerai arɨ pɨ̇tü reseve ambuae ava mañeko tëi e'ɨ̇ agwä.

1 Timoteo 4:10

Sese ni'ä yaporavɨkɨ eteprɨ, esepia yande yayeroya ite Tüpä ndopai va'e rese, a'e opakatu ava Pɨsɨrösar, iyavei vɨroyasar pɨsɨrösar katu ite sekoi.

1 Timoteo 5:17

Iyavei Tüpä reroyasar rärösar osärö tuprɨ va'e, a'e toipɨsɨ katu ava poropɨtɨ̇vɨïsa imboyeroyasave, akoi oyemondo va'e Tüpä ñe'ëngagwer mombe'u agwä, ava mbo'e agwä avei, a'e ko poropɨtɨ̇vɨïsa oipɨsɨ katura.

Hebreos 10:36

Pe rumo peyemovɨräkwäño itera mba'e-mba'e tëi upe Tüpä remimbotar apo agwä semimombe'ugwer oime va'erä pɨsɨ agwä kuri.

Hebreos 12:1

Sese yande, yaikwase seta ite evokoi ava oime omboyekwa va'e Tüpä rese oyeroyasa, iyakatu ite yaseyapa opakatu mba'e ndayande mbo'e katui va'e Tüpä upendar mba'e rese, iyavei angaipa yande mbo'a tuprɨ va'e, ichui yayemovɨräkwäño itera yande kwaita Tüpä ombou va'e rese yandeu inungar ivava katu va'e.

Hebreos 13:13

Egwë ya'e aveira yasora Jesús upe yande paraɨsu agwä supi ava yande reroɨrösa pɨpe yaiko.

Hebreos 6:10

Esepia Tüpä seko avɨye va'e, iyavei ndasesarai chietera pe rembiapo avɨye va'e sui pe poroaɨsusa pemboyekwa va'e peipɨtɨ̇vɨïse seroyasar, a'e ni'ä ko peyapoño vɨte peiko.

Hebreos 6:12

Ndoroipotai pe ate'ɨ̇sa perekora ko tekokwer upe, oroipota rumo pe sakɨkwei moñara akoi ava yande Yar rese oyeroyasa pɨpe, iyavei gweko ñemosasa pɨpe oipɨsɨ va'e porerekosa imombe'uprɨ Tüpä sui.

Hebreos 6:15

Evokoiyase Abraham osärö gweko mbegwesa pɨpe, egwë e'i ipɨsɨ oyeupendar Tüpä remimombe'u.

2 San Pedro 1:6

iyavei peñearö tuprɨra, ipare peñemosaño aveira mba'e tëi upe, ipɨpe sui peyemondo tuprɨ katura Tüpä upe;

Apocalipsis 1:9

Che Juan, pe rɨke'ɨrɨ aiko, iyavei che pe nungar Tüpä povrɨ pendar aiko, che paraɨsu avei vichiko Jesucristo rese che rekosave che ñemosasa pɨpe. Che rokendasa vichiko ka'a pa'ümi paragwasu avɨterve Patmos serer va'esave Tüpä ñe'ëngagwer mombe'usa pɨpe sui tëi, Jesucristo rekokwer mombe'usa pɨpe sui tëi aveino.

Apocalipsis 3:10

Esepia peroya ite che porokwaita, peyemovɨräkwä ite evokoi mba'e tëi upe peiko, evokoiyase che opoepɨra akoi arɨ tekoa'äsa ouse opakatu ɨvɨ rupindar upe kuri.