Apocalipsis 2:25 - Tüpä Ñe'ëngagwer

²⁵ Peyemovɨräkwä katu evokoi mba'e pereko va'e rese, akoi che ayevɨse voi vitu kuri.

Tũpa Ñehengagüer

²⁵ Peyemovɨracuañora rumo evocoi mbahe pereco vahe rese, acoi che ayevɨse voi vitu curi.

Apocalipsis 2:25 Iomraidhean Croise

San Juan 14:3

Iyavei che aso pare amoigätura mba'e peü narä, ayevɨ irira rumo vitu ko'ave pereraso agwä che yeupi kuri, a'eve che aikora pe a'eve tuprɨ avei peikora no.

Los Hechos 11:28

Ñepëi ipa'ü pendar, Agabo serer va'e, Espíritu pirätäsa pɨpe opü'a omombe'u ñe'ësa ou va'erä tɨavor tuvicha va'e opakatu ɨvɨ rupi, a'e egwë e'i ete, mborerekwar ɨvate katu va'e Claudio rekose.

Romanos 12:9

Iyavei peyeaɨsu tuprɨra peiko. Ndapesepiai chira rumo mba'e naporäi va'e iya rumo peikora mba'e avɨye va'e pɨpe.

1 Corintios 11:26

Esepia akoi pe'use ko peɨ'use avei, peyemoma'endu'ara pemombe'u aveira yande Yar mano agwer opakatu ava upe, egwë peyera iyevɨ rärö peiko.

1 Corintios 4:5

Sese ani, peñemoñeta ava rese tenondeve tëi; pesärö ranera rumo yande Yar yevɨ agwä, a'e ni'ä omboyekwara opakatu mba'e ndoyekwai va'e, iyavei omboyekwapara ñepëi-pëi yande pɨ'a ñemoñetasa. A'ese Tüpä omondora vɨ'aretesa ñepëi-pëi upe narä.

1 Tesalonicenses 5:21

Pesa'äpa rane opakatu mba'e, ichui peipɨsɨra mba'e avɨye va'e peyeupe.

Hebreos 10:23

Yayemovɨräkwä katura mba'e avɨye va'e yande remiarö pɨpe yamombe'u va'e ava upe yande pɨ'añemoñeta rerova e'ɨ̇sa pɨpe. Esepia Tüpä omboavɨye itera mba'e gwemimombe'ugwer yandeu.

Hebreos 3:6

Cristo rumo Ta'ɨrɨ gweko pɨpe omboavɨye okwaita Tüpä rëtä rese, a'e yande yaiko yayeroyaño sese yasäröño avei yande yembovɨ'asa pɨpe ko mba'e avɨye va'e oime va'erä yandeu kuri.

Hebreos 4:14

Jesús, Tüpä Ra'ɨrɨ, pa'i ɨvate katu va'e sekoi yandeu, oike va'e ɨvave Tüpä pɨri. Sese yayemovɨräkwäño itera yande yeroyasa pɨpe yepi.

2 San Pedro 3:10

Yande Yar arɨ yande resapɨ'a tëira inungar imondarai va'e ou pɨ̇tü pɨpe yepi. A'ese ɨva okañɨ tuprɨ tëira vɨapugwer ipirätä va'e pɨpe kuri, opakatu mba'e yapoprɨ opara yuvɨrokai, ipɨpe sui ko ɨvɨ opakatu ipor reseve okañɨ tëietera.

Apocalipsis 1:7

¡Esepia Cristo ɨva kɨ'a rese oura kuri! A'ese opakatu ava osepiara yuvɨreko, yamotare'ɨ̇sarer, oikutu va'ekwer avei; iyavei opakatu tekwa ɨvɨ pɨpendar a'ese oyase'o tëira sepiase yuvɨreko. Egwë e'i etera kuri, amén.

Apocalipsis 22:20

Akoi omombe'u va'e ko ñe'ësa, aipo e'i: “Supiete ayevɨ poyavara.” Egwë te'i ayase. ¡Erio, che Yar Jesús!

Apocalipsis 22:7

“¡Ayevɨ poyava voira kuri! ¡Sorɨvete katura akoi ava vɨroya va'e ñe'ësa Tüpä suindar mba'e oime va'erä resendar ko kwachiar pɨpe!”

Apocalipsis 3:11

Ayevɨ poyavara. Peyemovɨräkwä katu Tüpä reroyasa pereko va'e rese, evokoiyase ñepëi yepe ava ndovɨrokwai chietera Tüpä suindar porerekosa pe sui.

Apocalipsis 3:3

Peyemoma'endu'a akoi porombo'esa peipɨsɨ va'e rese; pepoi rene ichui peyevɨ katu Tüpä upe. Ndapeyemovɨräkwäise rumo, asora peü inungar imondarai va'e, egwë a'era vicho pe resapɨ'a.