Apocalipsis 2:12 - Tüpä Ñe'ëngagwer

¹² “Eikwachia avei mbigwai ɨva pendar che reroyasar rärösar Pérgamo pendar upe: ‘Aipo e'i akoi vɨreko va'e kɨse puku saimbe yovai va'e:

Tũpa Ñehengagüer

¹² “Eicuachía avei Tũpa rembiguai Pérgamo pendar che reroyasareta rãrosar upe: ‘Aipo ehi acoi vɨreco vahe quɨse pucu saimbe yoya vahe:

Apocalipsis 2:12 Iomraidhean Croise

Hebreos 4:12

Esepia Tüpä ñe'ëngagwer vɨreko tekovesa iyavei pirätäsa. A'e inungar kɨse saimbe katu va'e ambuae kɨse puku saimbe yoya va'e sui, a'e oike va'e ite yande avɨterve egwë e'i avei iñe'ëngagwer oñatoi ete yande ä yande espíritu avei; omboyekwa tuprɨ avei yande pɨ'añemoñeta mba'e rese porandu agwä yandeu.

Apocalipsis 1:11

aipo e'i cheu: “Eikwachia mba'e eresepia va'e, ipare emondopa ñuvɨrïo ova tekwa pendar che reroyasar ɨvɨ Asia rupindar upe: Éfeso ve, Esmirna ve, Pérgamo ve, Tiatira ve, Sardis ve, Filadelfia ve, iyavei Laodicea ve.”

Apocalipsis 1:16

Oakato kotɨ vɨreko ñuvɨrïo ova tuprɨ yasɨtata, iyavei iyuru sui osë kɨse puku saimbe yovai va'e. Sova evokoiyase avɨye arɨ rendɨgwer ipirätä va'e.

Apocalipsis 19:15

Iyuru pɨpe sui osë kɨse puku saimbe va'e opakatu ambuae-ae tekwa rupindar momarä agwä. A'e oyokwaira oamotare'ɨ̇sar gwarepochi apoprɨ opo pendar pɨpe. Iyavei osekoa'ära inungar uva opɨve otɨavɨi va'e yuvɨreko iyavei omboɨ'ura evokoi uva rɨkwer paraɨsu katusa resendar pɨpe. A'ese Tüpä mba'emboavaisare'ɨ̇ oñemoɨrö itera chupe.

Apocalipsis 19:21

Ambuae evokoiyase kavayu morochi va'e arɨ pendar yuru pɨpe sui osë va'e kɨse puku pɨpe opa omano yuvɨreko, evokoiyase opakatu vɨräi mba'e ro'ogwar opa so'o pɨpe oyemo'ɨ̇tarö yuvɨreko.

Apocalipsis 2:1

“Eikwachia mbigwai ɨva pendar che reroyasar rärösar Éfeso pendar upe: ‘Akoi vɨreko va'e oakato kotɨ ñuvɨrïo ova yasɨtata, a'e akoi ogwata va'e oro apoprɨ tataendɨ rɨru yakatu rupi, aipo e'i imombe'u:

Apocalipsis 2:16

Sese pemboasɨ pe rekokwerai, peyevɨ Tüpä upe, anise che aso poyavara peü, a'ese avavara chupe yuvɨreko che yuru pɨpe sui osë va'e kɨse puku pɨpe.