Apocalipsis 2:1 - Tüpä Ñe'ëngagwer

¹ “Eikwachia mbigwai ɨva pendar che reroyasar rärösar Éfeso pendar upe: ‘Akoi vɨreko va'e oakato kotɨ ñuvɨrïo ova yasɨtata, a'e akoi ogwata va'e oro apoprɨ tataendɨ rɨru yakatu rupi, aipo e'i imombe'u:

Tũpa Ñehengagüer

¹ “Eicuachía Tũpa rembiguai Efeso pendar che reroyasar rãrosar upe: ‘Acoi vɨreco vahe oacato cotɨ siete yasɨtata, ahe acoi oguata vahe siete vera hɨ yacatu rupi, aipo ehi imombehu:

Apocalipsis 2:1 Iomraidhean Croise

San Mateo 18:20

Esepia oimese ñuvɨrïo, anise mbosapɨ oñemonu'äse che rer pɨpe yuvɨreko, a'eve che aiko ipa'üve.”

San Mateo 28:20

iyavei pembo'era seko tuprɨ agwä opakatu amombe'u va'e rese peü. Che aikora perese arɨ yakatu rupi, opɨtu'use voi ete tekokwer ɨvɨ pɨpendar kuri.

San Juan 5:35

Juan ni'ä inungar tataendɨ, egwë e'i omboyekwa mba'e supiete va'e. Sese peyembovɨ'a raimi tëi iporombo'esa tesapesa nungar pɨpe peiko.

Los Hechos 18:19

Oyepotase Éfeso ve yuvɨreko, a'eve Pablo oseya Priscila iyavei Áquila ichui oso oɨ judío ñemonu'äsave a'eve omombe'u ñe'ësa avɨye va'e judío eta upe.

Los Hechos 18:21

a'e rumo omboavɨravepa ava yuvɨraso agwä ichui aipo e'i: “Tüpä oipotase cheu, ayevɨ irira pe pɨri.” Ipare Pablo oso Éfeso sui ɨarusu pɨpe.

Los Hechos 19:1

Apolo sekoi vɨteseve Corinto ve, Pablo osasa ɨvɨtrɨ oso ipare oyepota Éfeso ve, a'eve osepia seta Jesús reroyasar.

2 Corintios 6:16

Nda'oyoyai chietera ni'ä mba'e ra'anga tëi Tüpä rëtä rese. Esepia yande ni'ä Tüpä oikove va'e rëtä nungar yaiko, a'e ni'ä aipo e'i Ikwachiaprɨ pɨpe araka'e: “Che aikovera seseve iyavei agwatara ipa'ü rupi yuvɨreko; che avei aikora Tüpä yuvɨreko chupe a'e evokoiyase cheu narä yuvɨrekoira.”

Apocalipsis 1:16

Oakato kotɨ vɨreko ñuvɨrïo ova tuprɨ yasɨtata, iyavei iyuru sui osë kɨse puku saimbe yovai va'e. Sova evokoiyase avɨye arɨ rendɨgwer ipirätä va'e.

Apocalipsis 1:20

Ko akoi eresepia mba'e ndikwasai va'e ñuvɨrïo ova yasɨtata che akato kotɨndar, iyavei ñuvɨrïo ova tuprɨ oro apoprɨ tataendɨ rɨru: ñuvɨrïo ova yasɨtata a'e mbigwai ɨva pendar, iyavei ñuvɨrïo ova tekwa, evokoiyase oro apoprɨ tataendɨ rɨru, a'e yuvɨrekoi ñuvɨrïo ova tuprɨ tekwa pɨpendar che reroyasar.”

Apocalipsis 12:1

Evokoiyase ɨva rese oyekwa mba'e poromondɨisa tuvicha va'e: oime kuña iturukwar inungar arɨ rendɨgwer, avɨye opɨ̇ro va'e yasɨ rese o'ä, oakä yegwaka rese opayandepo yovaive ñuvɨrïo tuprɨ yasɨtata vɨreko.

Apocalipsis 2:12

“Eikwachia avei mbigwai ɨva pendar che reroyasar rärösar Pérgamo pendar upe: ‘Aipo e'i akoi vɨreko va'e kɨse puku saimbe yovai va'e:

Apocalipsis 2:18

“Eikwachia avei mbigwai ɨva pendar che reroyasar rärösar Tiatira pendar upe: ‘Tüpä Ra'ɨrɨ akoi vɨreko va'e gwesa inungar tata rendɨgwer, ipɨ inungar akoi bronce rapɨprɨ aipo e'i imombe'u:

Apocalipsis 2:8

“Eikwachia avei mbigwai ɨva pendar che reroyasar rärösar Esmirna pendar upe: ‘Ko yɨpɨndar ipandar avei aipo e'i, akoi omano va'ekwer, a'e okwerayevɨ iri:

Apocalipsis 3:1

“Eikwachia avei mbigwai ɨva pendar che reroyasar rärösar Sardes pendar upe: ‘Akoi ava vɨreko va'e ñuvɨrïo ova tuprɨ Tüpä espíritu iyavei akoi ñuvɨrïo ova tuprɨ yasɨtata no aipo e'i imombe'u: Che aikwa mba'e opakatu pe rembiapo, aikwa avei manosa pɨpe tëi peikose yepe oikove va'e nungar peiko viña.

Apocalipsis 3:14

“Eikwachia avei mbigwai ɨva pendar che reroyasar rärösar Laodicea pendar upe: ‘Ko aipo e'i ñe'ësa supiete va'e mombe'u seko katuprɨ va'e, esepia ichui ni'ä Tüpä oyapo opakatu mba'e ɨvɨ pɨpendar:

Apocalipsis 3:7

“Eikwachia avei mbigwai ɨva pendar che reroyasar rärösar Filadelfia pendar upe: ‘Ko seko maräne'ɨ̇ va'e, supi tuprɨ va'e ite, vɨreko va'e mborerekwasa araka'endar mborerekwar gwasu David nungar, akoi omboise okenda, ñepëi yepe ava nomboyai chietera; iyavei akoi omboyase, ñepëi yepe ava nomboi chiaveira: