Apocalipsis 19:8 - Tüpä Ñe'ëngagwer

⁸ chupe ipotasa iyemonde agwä turukwar sekose va'e pɨpe, ndikɨ'ai sendɨyai va'e pɨpe avei, esepia evokoi turukwar sekose va'e, a'e tekokwer ɨvɨïsa upendar a'e yuvɨrekoi Tüpä upendar.”

Tũpa Ñehengagüer

⁸ chupe ipotasa iyemonde ãgua turucuar secose vahe, ndiquɨhai, sendɨ vahe pɨpe. Esepia niha, co turucuar secose vahe ‘Tũpa rese yuvɨrecoi vahe recocuer ihɨ̃vi vahe’ oyapave aipo ehi” ehi.

Apocalipsis 19:8 Iomraidhean Croise

San Mateo 17:2

A'eve, avɨyeteramo tëi oñekuñarö Jesús repiaka gwemimbo'e rovai. Sova sendɨyai inungar arɨ, iyavei iturukwar oyekwa morochi iteanga, inungar tataendɨ.

San Mateo 22:12

Aipo e'i chupe: ‘Che mborɨpar, ¿marä erevo eike ko'ave, turukwar mendasa resendar pore'ɨ̇?’ A'e rumo noñe'ëiño chupe.

San Marcos 9:3

Iturukwar sendɨ iyavei morochi eteanga, ndipoi ete ava inungar ko ɨvɨ pɨpe turukwar oyosei va'e.

San Lucas 24:4

Ndoikatui ete marä e'ira sepiase, avɨyeteramo tëi osepia ñuvɨrïo mbɨa, iturukwar sendɨyai va'e oɨpɨve yuvɨreko.

Los Hechos 1:10

Oma'e vɨteseve yuvɨno'ä ɨvave ichosa rese, avɨyeteramo tëi ñuvɨrïo mbɨa, iturukwar morochi va'e, oyemboyekwa Jesús ñe'ë mombe'usar ɨpɨve yuvɨno'ä

Romanos 13:14

Iya rumo, perekora yande Yar Jesucristo rekokwer peyese, anichira pe pɨ'añemoñeta mba'e-mba'e tëi apo agwä pe remimbotarai pɨpe tëi.

Romanos 3:22

Jesucristo rese yande yeroyasa pɨpe, Tüpä oseko mo'ɨ̇vi ete opakatu ava vɨroyasar. Nomboyoavɨi ete rumo oporoaɨsusa sereko:

Apocalipsis 15:4

¿Uma pi'ä ndosɨkɨyei chira, ndesui che Yar? ¿Ava pi'ä nande mboetei chira nderereko? Nde gweraño ite ereiko seko maräne'ɨ̇ va'e; opakatu tekwa ɨvɨ rupindar yugwerura nde mboetei agwä yuvɨreko, esepia ni'ä, nde rembiapo mba'e supi tuprɨ va'e ite.”

Apocalipsis 15:6

Evokoiyase ichui yuvɨnosepa evokoi ñuvɨrïo ova mbigwai ɨva pendar vɨreko va'e ñuvɨrïo ova tuprɨ mba'erasɨ vai yuvɨreko. A'e iturukwar sekose va'e, iyavei sendɨ iteanga, vɨreko vumbɨkwasa oro apoprɨ ipɨpe oyeumbɨkwa opochi'a rupi tuprɨ yuvɨreko.

Apocalipsis 19:14

Sundao re'ɨi ɨva pendar sakɨkwerɨve yuvɨrekoi, iturukwar sekose va'e päve morochi va'e, ndikɨ'ai va'e avei, a'e kavayu morochi va'e arɨve yuvɨrekoi.

Apocalipsis 3:18

Sese opomboarakwa; peseka ɨva pendar oro tatave imoatɨröprɨ nungar che sui pe paraɨsue'ɨ̇ iri agwä che Ru rovake; peseka avei turukwar morochi va'e teko tuprɨsa peyeupe che suindar nani tuprɨ va'e nungar pɨpe pe reko e'ɨ̇ agwä, pechi e'ɨ̇ agwä avei inungar ava oseka mosa gwesa upe narä osareko iri agwä, egwë peye aveira.