Apocalipsis 19:7 - Tüpä Ñe'ëngagwer

⁷ Tayayembovɨ'a katu yaiko, iyavei tayamondo yande vɨ'aretesa, yande sapukaisa yande Ru Tüpä upe, esepia ni'ä, kurïtëi oyepota arɨ mendasa Ovesami a'e Cristo sekoi va'e upendar. Sembireko evokoiyase opa oyemoigätu oiko:

Tũpa Ñehengagüer

⁷ Tayayembovɨha catu yaico iyavei tayamondo yande vɨharetesa, yande sapucaisa yande Ru Tũpa upe. Esepia niha, cũritei oyepota mendasa arɨ Ovesami upendar. Sembireco evocoiyase opa oyemoingatu oico:

Apocalipsis 19:7 Iomraidhean Croise

San Mateo 1:20

A'e ipɨ'a ñemoñeta opoi va'erä ichui, avɨyeteramo tëi rumo ñepëi yande Yar rembigwai ɨva pendar oyemboyekwa ikerve aipo e'i chupe: “José, David suindar, eresɨkɨyei rene María rese nde menda agwä, esepia Espíritu Maräne'ɨ̇ sui ou imembɨrä.

San Mateo 22:2

“Mborerekwasa ɨva pendar inungar mborerekwar ɨvate katu va'e oyapo pieta gwa'ɨrɨ mendasa resendar.

San Juan 3:29

Ñepëi mendasave, akoi vɨreko va'e gwembirekovɨ a'e imevɨ ite; iyavei imevɨ mborɨpar, osenduse a'eve o'ä oyembovɨ'arete iñe'ë renduse. Egwë a'e avei che kurïtëi ayembovɨ'aretera.

2 Corintios 11:2

Esepia cherekate'ɨ̇ ite pe rese, a'e tekate'ɨ̇sa ou cheu Tüpä sui. Che aipota Cristo upe opomondo va'erä pe reko maräne'ɨ̇sa pɨpe, inungar kuñatäi ndaseko maräi va'e imondoprɨ kuimba'e upe imenda agwä.

Efesios 5:23

Esepia imer gwembireko kwai agwä sekoi, egwë e'i avei ni'ä Cristo vɨroyasar kwai agwä oiko, vɨroyasar pɨsɨrösar avei sekoi, inungar gwetekwer sereko.

Efesios 5:32

A'e ñe'ësa pɨpe oime mba'e Tüpä suindar ndikwasai va'e oyekwa ramo ite avɨye va'e. Che aroya Cristo opakatu seroyasareta avei.

Filipenses 3:3

yande rumo imbocircuncidaprɨ nungar supiete va'e Tüpä mboyeroyasar yaiko, esepia yayerure Espíritu pɨpe Tüpä upe; yayembovɨ'a avei Jesucristo reroyasar yande rekosa rese. Nda'ei yande retekwer rese tëi yayeroya.

Apocalipsis 11:13

A'eseve voi oime ɨvɨ rɨrɨi tuvicha va'e, ichui tekwa gwasu imboopa yandepoyovaivesa ya'okwer opa onduru, a'ese siete mil tuprɨ ava opa omano yuvɨreko. Evokoiyase ava rumbɨrer, osɨkɨyepave tëi osapukai Tüpä ɨva pendar upe imboeteisa pɨpe yuvɨreko.

Apocalipsis 19:9

Evokoiyase mbigwai ɨva pendar aipo e'i cheu: “Eikwachia ko ñe'ësa: ‘Sorɨvete katura akoi ava icho'oprɨ Ovesami a'e Cristo sekoi va'e mendasave yuvɨreko.’ ” Ipare aipo e'i iri cheu: “Ko ni'ä Tüpä ñe'ësa supi tuprɨ va'e ite.”

Apocalipsis 21:2

Ipare asepia tekwa nimaräi va'e, a'e Jerusalén pɨasu, ogweyɨ va'e ɨva sui ou, Tüpä rovai sui. Imoigätusa tuprɨ va'e, inungar akoi kuña omenda agwä oyemboetei tuprɨ omevɨ upe.

Apocalipsis 21:9

Evokoiyase ou ñepëi ñuvɨrïo ova mbigwai ɨva pendar pa'ü sui, akoi ñuvɨrïo ova tuprɨ ɨgwa rɨru, ñuvɨrïo ova mba'erasɨ ipa va'e vɨreko va'ekwer ipɨpe, aipo e'i cheu: “Erio, amboyekwara kuña omenda va'evɨ ndeu, Ovesami a'e Cristo sekoi va'e rembirekovɨ.”