Apocalipsis 19:5 - Tüpä Ñe'ëngagwer

⁵ Evokoiyase Tüpä renda sui tuprɨ oyeendu ñe'ësa aipo e'i va'e: “¡Pemboetei yande Ru Tüpä sereko opakatu peroya va'e, seko ɨvɨ kotɨ katumi va'e, seko ɨvate va'e avei, iyavei opakatu seroyasar peiko va'e osɨkɨye va'e avei ichui tomboetei yuvɨreko!”

Tũpa Ñehengagüer

⁵ Evocoiyase Tũpa renda sui tuprɨ oyeendu ñehesa aipo ehi vahe: “¡Pemboetei yande Ru Tũpa opacatu peroya vahe, que seco ɨvɨ cotɨ catumi vahe, que seco ɨvate vahe avei, pe pesɨquɨye vahe imboyeroya ãgua!” ehi.

Apocalipsis 19:5 Iomraidhean Croise

Apocalipsis 13:16

Ipare ava opakatu yuvɨrekove va'e upe, seko mbegwemi va'e upe, seko ɨvate va'e upe avei, mba'e yar upe, iparaɨsu va'e upe, ava nimañekoprɨi va'e upe, mbigwai tëi upe, sese ikwachiasara ipo i'akato kotɨndar rese, anise ɨsɨva rese yuvɨreko.

Apocalipsis 16:17

Evokoiyase imoñuvɨrïo ovasa mbigwai ɨva pendar oipɨyere ɨgwa rɨru ɨvɨtu rupi, ipare ɨva pendar Tüpä rëtä pɨpe sui osë ñe'ësa ipirätä va'e ou va'e senda sui ipare aipo e'i: “¡Opa ite yaposa imombe'uprɨ!”

Apocalipsis 19:18

pe'u ko mborerekwareta ɨvate katu va'e ro'o, sundao eta rerekwar ro'o iyavei ava oikoete va'e ro'o, kavayu ro'o, i'arɨ pendar ro'o avei, opakatu ava ro'o ava nimañekosai va'e ro'o, mbigwai ro'o, seko ɨvɨ kotɨ katumi va'e ro'o, seko ɨvate va'e ro'o avei!”

Apocalipsis 20:12

Ipare asepia omano va'ekwer seko ɨvate va'e, seko mbegwemi va'e aveino opü'a yuvɨno'ä Tüpä rovai; a'ese kwachiar opa ipɨpirasa, iyavei ambuae kwachiar, a'e kwachiar tekovesa resendar. Omano va'ekwer upe evokoiyase porandusa evokoi kwachiar pɨpendar mba'e sembiapokwer rese.

Apocalipsis 7:15

“Sese Tüpä renda porañete va'e rovai yuvɨrekoi, arɨ iyavei pɨ̇tü rupi omboetei sëtä pɨpe yuvɨreko. Akoi ogwapɨ va'e öi, tenda porañete va'esave a'e gwekokwer pɨpe osepɨra.