Apocalipsis 19:10 - Tüpä Ñe'ëngagwer

¹⁰ Ipare añenopɨ'ä mbigwai ɨva pendar rovai imboetei agwä, a'e rumo aipo e'iño cheu: “Egwë erei rene, esepia che mbigwai ɨva pendar Tüpä suindar aiko, nde nungar iyavei nde rɨvrɨ eta nungar ogwata va'e Jesús ñe'ëngagwer rupi. Emboetei katu Tüpä eiko.” Esepia ni'ä evokoi Jesús ñe'ëngagwer omogere'ɨ̇ katu ite Tüpä ñe'ë mombe'usar sereko.

Tũpa Ñehengagüer

¹⁰ Ipare añenopɨha Tũpa rembiguai rovai imboetei ãgua. Ahe rumo aipo ehiño cheu: “Ẽgüe erei rene. Esepia, che Tũpa rembiguai tẽi aico nde nungar iyavei nde rɨvɨreta nungar oguata vahe Jesús ñehengagüer rupi. Emboetei Tũpa” ehi. Esepia niha, evocoi Jesús recocuer mombehusar moñehe ucasar, ahe niha acoi omombehu uca vahe Tũpa ñehe mombehusar upe.

Apocalipsis 19:10 Iomraidhean Croise

San Mateo 4:10

Jesús omboyevɨ chupe: –Eyepepɨ che sui kurïtëi, Karugwar, esepia Ikwachiaprɨ pɨpe aipo e'i: ‘Emboetei nde Yar Tüpä, a'e gweraño tuprɨ avei eremboyeroyara.’

San Marcos 5:22

Evokoiyase oyepota mbɨa mborerekwar oɨ judío ñemonu'äsa pendar, a'e serer Jairo, Jesús repiase oñenopɨ'ä sovai

San Marcos 7:25

Oime kuña vɨreko va'e omembrɨ kuñatäi a'e vɨreko karugwar oyese, a'e oikwase Jesús rekosa, oso voi sovai oñenopɨ'ä.

San Lucas 1:19

Mbigwai ɨva pendar omboyevɨ chupe: –Che aiko Gabriel, ayapo va'erä Tüpä porokwaita, a'e ni'ä che mbou ndeu ñe'ë agwä iyavei ko ñe'ësa avɨye va'e mombe'u agwä.

San Lucas 24:44

Ipare aipo e'i: –Ko rese akoi añe'ë vichiko kwese pe rese aiko vɨtese: yavɨye ranera opakatu ñe'ësa che resendar Moisés porokwaita kwachiaprɨ pɨpe, iyavei Tüpä ñe'ë mombe'usar yuvɨrekoi va'e rembikwachiagwer sapukaisa pɨpe avei.

San Juan 5:39

Peyembo'e tuprɨ ite Ikwachiaprɨ rese, ipɨpe sui revo tekovesa apɨre'ɨ̇ yarekora peye viña; ko rumo Ikwachiaprɨ che mombe'u va'e,

Los Hechos 10:43

Opakatu Tüpä ñe'ë mombe'usar oñe'ë ite Jesús rekokwer rese yuvɨreko araka'e, iyavei aipo e'i yuvɨreko akoi seroyasar oipɨsɨra ñeröisa angaipa rese yuvɨreko.

Los Hechos 13:27

Jerusalén pendar rerekwar avei ndoikwai evokoi Jesús Tüpä remimbou sekoise yuvɨreko, iyavei ndosendukwai Tüpä ñe'ë mombe'usar kwachiar pɨpe oyerokɨse mbɨtu'usa arɨ yakatu yuvɨreko; ichui a'e ae oyuka yuvɨreko, egwë e'i imboavɨye Jesús rese Tüpä ñe'ë mombe'usar rembikwachiagwer pɨpe yuvɨreko.

2 Corintios 8:7

Supiete aikwa peyapo tuprɨse opakatu ko ambuae mba'e: peyeroya tuprɨ ite yande Yar rese, pemombe'u tuprɨai Tüpä ñe'ësa, pereko ite Tüpä suindar mba'ekwasa, pekere'ɨ̇ Tüpä upe mba'e apo agwä iyavei ore raɨsu ite peye evokoiyase egwë peye aveira ko nungar poroaɨsusa apo.

Efesios 5:15

Sese pema'ekwa tuprɨ pe rekokwer rese. Peikoi rene ndayarakwai va'e nungar; peikora rumo pe yapɨsaka tuprɨsa pɨpe.

Efesios 5:33

Egwë e'i ete ñepëi-pëi pesaɨsu pe rembireko pe yeaɨsu nungar, iyavei kuña tomboetei tuprɨ omer yuvɨreko.

Filipenses 3:3

yande rumo imbocircuncidaprɨ nungar supiete va'e Tüpä mboyeroyasar yaiko, esepia yayerure Espíritu pɨpe Tüpä upe; yayembovɨ'a avei Jesucristo reroyasar yande rekosa rese. Nda'ei yande retekwer rese tëi yayeroya.

1 Tesalonicenses 5:15

Peikwa katu pe rereko megwa potasar sui. Ndapemboyevɨi chira mba'e-mba'e tëi ko pe rereko megwa potasar upe, iyakatu rumo peyapo tuprɨ mba'e avɨye va'e peyeupe, opakatu ava upe aveino.

Hebreos 1:14

Esepia opakatu mbigwai eta ɨva pendar espíritu yuvɨrekoi Tüpä upe oporavɨkɨ yuvɨreko, imbouprɨ ava pɨtɨ̇vɨï agwä ipɨsɨröpɨrä.

Hebreos 12:25

Sese peikwa katu, ndorovɨroyai peye va'erä akoi peü oñe'ë va'e upe. Esepia Tüpä reroya e'ɨ̇sar noñemi ete iñemoɨrösa sui yuvɨreko ko ɨvɨ pɨpe. Egwë ya'e aveira yande, ndayaroyaise ɨva sui oñe'ëse yandeu.

1 San Juan 5:10

Akoi vɨroya va'e Tüpä Ra'ɨrɨ vɨreko ite semimombe'u opɨ'a pɨpe, akoi ndovɨroyai va'e rumo Tüpä, semiräñeteai va'e nungar tëi vɨreko, esepia ndovɨroyai Tüpä ñe'ë Ta'ɨrɨ resendar.

1 San Juan 5:21

Che ra'ɨreta, peñearö tuprɨ katu akoi tüpä oroiko e'i tëi va'e sui.

Apocalipsis 1:1

Tüpä omboyekwa Jesucristo upe mba'e oime va'erä koiye katu, a'e evokoiyase oikwa ukara vɨroyasar upe. Iyavei Jesucristo omombe'u mbigwai ɨva pendar upe Juan upe oikwa uka va'erä,

Apocalipsis 1:9

Che Juan, pe rɨke'ɨrɨ aiko, iyavei che pe nungar Tüpä povrɨ pendar aiko, che paraɨsu avei vichiko Jesucristo rese che rekosave che ñemosasa pɨpe. Che rokendasa vichiko ka'a pa'ümi paragwasu avɨterve Patmos serer va'esave Tüpä ñe'ëngagwer mombe'usa pɨpe sui tëi, Jesucristo rekokwer mombe'usa pɨpe sui tëi aveino.

Apocalipsis 12:11

Yande rɨvrɨ osekoreroyɨ yuvɨreko Ovesami a'e Cristo sekoi va'e ruvɨ pɨyere pɨpe sui akoi sekokwer mombe'u tuprɨsa pɨpe sui aveino; esepia ni'ä ndosɨkɨyei ete gwetekwer mokañɨ agwä, a'e rumo oyemoigätu voi ete omano agwä yuvɨreko.

Apocalipsis 12:17

Evokoiyase mba'e ɨpɨ, oñemoɨrö iteanga kuña upe, ipare oso ovava ambuae ichuindar re'ɨi rese, a'e omboyeroya va'e ite Tüpä porokwaita yuvɨreko iyavei yuvɨrekoi tuprɨ va'e Jesús remimombe'u rupi.

Apocalipsis 14:7

Ipare oñe'ë pirätä aipo e'i: “Pesɨkɨye Tüpä sui iyavei pesapukai seko ɨvatesa rese chupe, esepia ni'ä kurïtëi oyepota arɨ chupe ava rekokwer rese iporandu agwä. Pemboetei katu oyapo va'ekwer ɨva, ɨvɨ, paragwasu, ɨ o'ë va'e aveino.”

Apocalipsis 15:4

¿Uma pi'ä ndosɨkɨyei chira, ndesui che Yar? ¿Ava pi'ä nande mboetei chira nderereko? Nde gweraño ite ereiko seko maräne'ɨ̇ va'e; opakatu tekwa ɨvɨ rupindar yugwerura nde mboetei agwä yuvɨreko, esepia ni'ä, nde rembiapo mba'e supi tuprɨ va'e ite.”

Apocalipsis 19:9

Evokoiyase mbigwai ɨva pendar aipo e'i cheu: “Eikwachia ko ñe'ësa: ‘Sorɨvete katura akoi ava icho'oprɨ Ovesami a'e Cristo sekoi va'e mendasave yuvɨreko.’ ” Ipare aipo e'i iri cheu: “Ko ni'ä Tüpä ñe'ësa supi tuprɨ va'e ite.”

Apocalipsis 4:10

Egwë e'ise evokoiyase veinticuatro tuprɨ ikwaiprɨ yuvɨrekoi va'e, a'e oñenopɨ'ä imboeteisa pɨpe sovai yuvɨreko, ipare osekɨi oakä resendar oyere tuprɨ va'e omborerekwasa resendar sovai aipo e'i yuvɨreko: