Apocalipsis 18:24 - Tüpä Ñe'ëngagwer

²⁴ Esepia ni'ä, evokoi tekwa gwasu pɨpe oyekwa ite Tüpä ñe'ë mombe'usar ruvɨ, Tüpä upendar ava ruvɨ, opakatu ava yukaprɨ ɨvɨ pɨpendar ruvɨ avei.

Tũpa Ñehengagüer

²⁴ Esepia niha, evocoi tecua guasu pɨpe oyecua Tũpa ñehe mombehusar ruvɨ, Tũpa upendar ava ruvɨ, iyavei opacatu ava yucaprɨ vahe ɨvɨ pɨpendar ruvɨ avei.

Apocalipsis 18:24 Iomraidhean Croise

San Mateo 23:27

“¡Peparaɨsu katu itera, pe Moisés porokwaita rese oporombo'e va'e, fariseo peiko va'e avei, inungar ava oñe'ë ñotëi va'e tekokwer rese yuvɨreko yepi!, pe rekokwer inungar tuvɨpa imomorochimbrɨ tëi, i'arɨve tëi ikatuprɨ chupe, ipɨpe rumo te'ögwer kangwer iyavei opakatu mba'e yavaete va'e ovɨreko oyese.

San Mateo 23:35

Sese peüño ite oura Tüpä ñemoɨrösa opakatu ava avɨye va'e yuka agwer rese ko ɨvɨ pɨpe; Abel seko ɨ̇vi tuprɨ va'e yuka agwer sui, ipare opakatu ambuae sakɨkwerindar ava yuka agwer sui, ipa Berequías ra'ɨrɨ Zacarías sui avei, a'e peyuka va'e tüpäro pɨpe mba'e seropove'ëprɨ renda rovai.

Los Hechos 7:52

¿Uma Tüpä ñe'ë mombe'usar pi'ä ndovɨrekoi marä-marä tëi peramoi yuvɨreko araka'e? A'e avei oyukapa omombe'u va'e ndaseko maräi va'e rekokwer yusa resendar yuvɨreko, iyavei kurïtëi ou ite ndaseko maräi va'e, pe avei peporokwai yuka uka agwä.

1 Tesalonicenses 2:15

Judío ni'ä oyuka yande Yar Jesús yuvɨreko, a'e avei oyukapa Tüpä ñe'ë mombe'usar araka'e, ore avei opa ore mombo yuvɨreko. Ndovɨroyai Tüpä iyavei opakatu ava amotare'ɨ̇mbar tëi yuvɨrekoi,

Apocalipsis 11:7

Omboavɨyepase rumo Tüpä reko mombe'usa yuvɨreko, a'ese osëra ɨvɨkwar gwasu ipɨkuku va'e sui mba'e ɨpɨ vai, a'e ovavara sese, osekopɨra, ichui oyukara.

Apocalipsis 16:6

esepia a'e opa oyuka ava yuvɨreko nde rekwa maräne'ɨ̇ pendar nde ñe'ë mombe'usar avei, kurïtëi rumo eremboɨ'u uka tuvɨ pɨpe. ¡Evokoi nungar upe avɨyesa rupi ete!”

Apocalipsis 17:6

Ipare aikwa evokoi kuña osavaɨpo va'e öi Tüpä reroyasar ruvɨ pɨpe iyavei akoi Jesús rekokwer mombe'usa sui tëi yukaprɨ va'e ruvɨ pɨpe aveino. Asepiase rumo ndache mbovɨ'ai ete.

Apocalipsis 19:2

esepia ni'ä oyapo mba'e supiete va'e; opa avei omokañɨ ko kuña oyemboagwasa-gwasa tëi va'e nungar iyavei oyemondo-mondo tëisa pɨpe opa ava oseko momarä ɨvɨ pɨpendar yuvɨreko; oyepɨ avei a'e kuña rese Tüpä rembigwai omano va'ekwer repɨkave.”