Apocalipsis 18:23 - Tüpä Ñe'ëngagwer

²³ Iyavei ñepëi yepe tataendɨ ndosesapei chietera ndeu, ndasendusai chiaveira ava aɨvu mendasa rupi. Esepia ni'ä ava mba'e mondosar seko pirätä eteprɨ va'e opakatu ɨvɨ pɨpe yuvɨreko iyavei erembopa-mbopa tëi opakatu ava ɨvɨ pɨpendar ndepayesa pɨpe eiko.”

Tũpa Ñehengagüer

²³ Iyavei ñepei yepe que tataendɨ ndosesapei chietera ndeu, ndasendusai chiaveira ava aɨvu mendasa rupi, yepe niha nde ava upe mbahe mondosar seco pĩrata eteprɨ vahe opacatu rupi ereico viña. Iyavei erembopa-mbopa tẽi opacatú ambuae tecua rupindar eico nde payesa pɨpe” ehi Tũpa rembiguai chupe.

Apocalipsis 18:23 Iomraidhean Croise

Los Hechos 8:11

Iyavei omboyeroya ite sereko yuvɨreko, esepia opayesa pɨpe yɨpɨndar seta aravɨter rupi ombopa ava oiko yepi.

Apocalipsis 12:9

Egwë e'i imboyepepɨsa mba'e ɨpɨ oporomokañɨ va'e reko pirätäsa sembigwai eta reseve, opa imombosa ɨvɨ pɨpe yuvɨreko, evokoi mboi vai, a'e Karugwar Ndipɨ'ai va'e, evokoi ni'ä ava ombopa-mbopa tëi va'e opakatu ɨvɨ pɨpe yuvɨreko.

Apocalipsis 17:2

Ko kuña rese yagwasa-gwasa tëi mborerekwareta ɨvate katu va'e ɨvɨ pɨpendar yuvɨreko, iyavei ava ɨvɨ pɨpendar inungar osavaɨpo va'e ndopoi potai ete oyemboagwasasa sui yuvɨreko.”

Apocalipsis 17:5

iyavei vɨreko ikwachiaprɨ osɨva rese terer ndikwasai va'e aipo e'i: “Ko tekwa Babilonia gwasu, kuña oyemondo-mondo tëi va'e sɨ, opakatu ava ɨvɨ pɨpendar sekokwer yavaete va'e sɨ aveino.”

Apocalipsis 18:22

Ndasendusa iri chietera okar rupi arpas moñe'ësar, mimbɨ moñe'ësar, mimbɨ gwasu moñe'ësar aveino, ndererekoi chietera ava oporavɨkɨ va'erä ndeyeoupe narä, ndasendusa iri chiaveira ita mba'e mboku'isa monaräsa ndesuindar.

Apocalipsis 18:3

Iyavei opakatu ava ɨvɨ rupindar opa osavaɨpo yuvɨreko ndopoi potai ete yemboagwasasa sui, iyavei mborerekwareta ɨvate katu va'e ɨvɨ pɨpendar, oyapo mba'e tëi yemboagwasa yuvɨreko sese, iyavei mba'e mboepɨsar ɨvɨ pɨpendar iyavei oyeapo mba'e yar omba'e pota raisa pɨpe sui yuvɨreko.”

Apocalipsis 18:9

Evokoiyase mborerekwar ɨvate katu va'e ɨvɨ pɨpendar yuvɨrekoi va'e ko kuña resendarer, chupe oyemondo-mondo tëi va'ekwer imba'e eta rese, oyase'o tëira yuvɨreko iyavei ndoyembovɨ'ai chira sese osepiase evokoi kuña rätächi yuvɨreko kuri.

Apocalipsis 21:8

Akoi ava osɨkɨyeai va'e rumo che rekokwer sui, ndache reroyai va'e, ava ndiporoepia potai va'e, oporoyuka va'e, akoi ava oyemboagwasa tëi va'e, ipaye serai va'e, mba'e ra'anga mboeteisar tëi iyavei opakatu ava semirä-mirä tëi va'e, a'e opara yuvɨraso ɨpa nungar azufre okai pirätä va'e pɨpe, a'e ni'ä imoñuvɨrïo manosa.”

Apocalipsis 22:15

Ava re'ɨi ndiporeroyai va'e rumo opɨtapara okarve tëi yuvɨreko, iyavei ava ipaye serai va'e, oyemboagwasa-gwasa tëi va'e, oporoyuka va'e, mba'e ra'anga upe tëi oyerure va'e, iyavei opakatu ava oipotarai va'e oporombopa-mbopa tëi agwä yepi.”

Apocalipsis 22:5

A'eve ndipoi chietera pɨ̇tü, iyavei ava a'eve yuvɨrekoi va'e ndosekai chietera tataendɨ, ndosekai chiaveira arɨ gwesape agwä yuvɨreko, esepia yande Yar Tüpä teiete osesapera, ipare a'e ava mborerekwar apɨre'ɨ̇ va'erä ite yuvɨrekoira sese.

Apocalipsis 6:15

Mborerekwareta avei ko ɨvɨ pɨpendar yuvɨrekoi va'e opa tëi oñemi mba'ekwar pɨpe yuvɨreko, ita gwasu pa'ü rupi avei yuvɨreko no, oyoya gwasu seko ɨvate va'e, sundao rerekwareta, mba'e yar seko pirätä va'e, iyavei opakatu tuprɨ mbigwai eta, ava nda'ei va'e mbigwai avei;

Apocalipsis 9:21

Iyavei noñekuñarö potai ete oporapichisa sui yuvɨreko, opaye aisa sui, kuña, kuimba'e ambuae rese angaipa aposa sui, omonda raisa sui avei.