Apocalipsis 18:2 - Tüpä Ñe'ëngagwer

² Iyavei oñe'ë pirätä aipo e'i: “¡Ovɨapi, ovɨapi tekwa gwasu Babilonia! ¡Karugwar yuvɨroike sese, opakatu karugwar naporäi va'e rëtä sekoi, iyavei opakatu vɨräi vai nungar yuvɨroike sese iyavei ma'embiar oñaroäi va'e nungar sekoi!

Tũpa Ñehengagüer

² Iyavei oñehe pĩrata oico aipo ehi: “¡Ovɨapi tecua Babilonia cute! Caruguar yuvɨroique sese, opacatu caruguar naporai vahe iyavei vɨ̃rai vai nungar yuvɨroique sese.

Apocalipsis 18:2 Iomraidhean Croise

Apocalipsis 1:15

Ipɨ evokoiyase sendɨyai ete, avɨye akoi bronce okai va'e tatave; iyavei iñe'ë ipirätä iteanga inungar ɨtu rɨapugwer.

Apocalipsis 10:3

Evokoiyase säse pirätä, inungar yagwa pɨ̇ta räse; ipare säsese evokoiyase ñuvɨrïo ova tuprɨ osunu va'e ñe'ë oyeendu yuvɨreko.

Apocalipsis 11:8

Se'ögwer evokoiyase yangarekwave'ɨ̇ tëi yugwerura tekwa gwasu rokar rupi, a'e tekwa pɨpe avei yande Yar oyatɨka kurusu rese yuvɨreko, a'e tekwa pendar upe amove ava, Sodoma pendar nungar yuvɨrekoi e'i yuvɨreko, Egipto pendar e'i avei yuvɨreko no.

Apocalipsis 14:15

Ipare osë ambuae mbigwai ɨva pendar tüpäro sui, a'e säse pirätä evokoi ɨva kɨ'a arɨve chini va'e upe: “¡Eyasɨa nde remitɨ̇ iyavei emonu'ä nde rembiasɨa; esepia nde remitɨ̇ ɨvɨ pendar yavɨye ite e'i ava rekokwer uve chupe!”

Apocalipsis 14:8

Ichui ambuae mbigwai ɨva pendar imoñuvɨrïosa rakɨkwerindar aipo e'i: “¡Ovɨapi, ovɨapi ete Babilonia gwasu, esepia ni'ä, evokoi opa ombosavaɨpo opakatu ambuae tekwa pendar o'ɨgwa yemboagwasa tëisa resendar pɨpe!”

Apocalipsis 16:13

Ipare asepia mba'e ɨpɨ oporomokañɨ va'e yuru, mba'e ɨpɨ vai yuru avei, nda'ei va'e Tüpä ñe'ë mombe'usar yuru, a'e iyuru rupi yuvɨnosë mbosapɨ karugwar vɨreke nungar.

Apocalipsis 16:19

Tekwa gwasu opa oyemombɨte-mbɨte mbosapɨ rupi, opakatu tekwa evokoiyase opa onduru ɨvɨ pɨpendar, ipare Tüpä oyemoma'endu'a evokoi tekwa gwasu Babilonia pendar rembiapoai rese, evokoiyase omondo oñemoɨrösa ipirätä katu va'e chupe.

Apocalipsis 17:18

Iyavei evokoi kuña eresepia va'e yagwasa-gwasa tëi va'e, a'e ni'ä tekwa gwasu ɨvɨ pɨpendar mborerekwareta vɨreko va'e opovrɨve yepi.”

Apocalipsis 17:5

iyavei vɨreko ikwachiaprɨ osɨva rese terer ndikwasai va'e aipo e'i: “Ko tekwa Babilonia gwasu, kuña oyemondo-mondo tëi va'e sɨ, opakatu ava ɨvɨ pɨpendar sekokwer yavaete va'e sɨ aveino.”

Apocalipsis 18:10

Opɨtañora amombrɨve osɨkɨyepave iparaɨsusa sui, aipo e'i tëira yuvɨreko: “¡Ndeparaɨsu, ndeparaɨsu katu ite, eiko tekwa gwasu, Babilonia nde tekwa seko pirätä va'e ite ereiko viña! Esepia avɨyeteramo tëi oyepota ou teko asɨsa ndeu.”

Apocalipsis 18:21

A'ese ñepëi mbigwai ɨva pendar seko pirätä va'e osupi ita inungar mba'e mboku'isa, ipare omombo paragwasu pɨpe aipo e'i: “Na e'i aveira nde rerekosa imokañɨprɨ tëi ereikora, tekwa gwasu Babilonia, iyavei nande repia iri chietera koiye katu yuvɨreko.

Apocalipsis 5:2

Ipare asepia mbigwai ɨva pendar seko ɨvate va'e, a'e oporandu pirätä oiko aipo e'i: “¿Ava upe pi'ä iyakatu kwachiar mboi agwä iyavei sello imboyeroyaprɨ mondoro agwä no?”