Apocalipsis 17:10 - Tüpä Ñe'ëngagwer

¹⁰ Poyandepo tuprɨ mborerekwar ɨvate katu va'e opa okañɨ yuvɨreko, ñepëi ipa'ü pendar oporokwai kurïtëi oiko, ambuae rumo ndou vɨtei ete. Akoi ouse ipandar kuri, a'e ou raimi tëi etera.

Tũpa Ñehengagüer

¹⁰ Cinco tuprɨ mborerecuar evocoi ipãhu pendar ndipo iri yuvɨreco, ñepeiño evocoiyase oporocuai cũritei oico, ambuae rumo ndou vɨtei. Ouse rumo ipandar, ou raimi tẽira.

Apocalipsis 17:10 Iomraidhean Croise

Apocalipsis 10:11

Evokoiyase aipo e'i yuvɨreko cheu: “Nde eremombe'u irira Tüpä ñe'ëngagwer ipɨasu va'e, ambuae tekwa rupindar upe, ɨvɨ rupindar upe avei, ambuae iñe'ë va'e upe, mborerekwareta upe aveino.”

Apocalipsis 13:12

A'e vɨreko opakatu evokoi yɨpɨndar va'e mba'e ɨpɨ vai mborerekwasa sovake, iyavei ava ɨvɨ pɨpendar yuvɨrekoi va'e upe omboetei uka yɨpɨndar mba'e ɨpɨ vai, a'e akoi okwera tuprɨ va'e oyeapichasa oyuka rägwer sui.

Apocalipsis 13:3

Ñepëi mba'e ɨpɨ vai akä oyeapicha gwasu va'e ndoyavɨi omano va'erä ite viña; a'e rumo okwera tuprɨ iriño evokoiyase opakatu gwasu ava sepiase, ndoyembovɨ'ai, ichui vɨroya katu yuvɨreko.

Apocalipsis 17:11

Mba'e ɨpɨ vai sekoi va'e yɨpɨndar, ndoikove iri kurïtëi, a'e sese yuvɨrekoira imombosapɨ ovasa tuprɨ mborerekwarä ɨvate katu va'e, yepe ñuvɨrïo ova tuprɨ va'e mborerekwar ɨvate katu va'e mboetasa viña, a'e sekokwer rumo okañɨ tëi va'erä ite.”

Apocalipsis 17:16

Evokoi eresepia opayandepo yovaive tuprɨ sächi atɨ va'e, iyavei mba'e ɨpɨ vai, a'e ndoyambotai chira kuña oyemondo-mondo tëi va'e, iyavei osekɨi tuprɨra seya; o'upara so'o, ipare opara osapɨ.