Apocalipsis 17:1 - Tüpä Ñe'ëngagwer

¹ Ñepëi mbigwai ɨva pendar ñuvɨrïo ova pa'ü pendar vɨreko va'ekwer ɨgwa rɨru, a'e ou aipo e'i cheu: “Erio, amboyekwara ndeu ñemoɨrösa ko kuña oyemondo-mondo tëi va'e upe, a'e evokoi ogwapɨ ɨ arɨve öi.

Tũpa Ñehengagüer

¹ Siete Tũpa rembiguai vɨreco vahecuer mbahe rɨru yuvɨreco, ipãhu pendar ñepei ou aipo ehi cheu: “Erio, amboyecuara co cuña yaguasa serai vahe upe ñemoɨrosa ndeu, ahe evocoi oguapɨ ɨ harɨve oĩ” ehi.

Apocalipsis 17:1 Iomraidhean Croise

San Lucas 24:32

Evokoiyase aipo e'i oyeupe yuvɨreko: –¿Yande mbopɨ'añemoñeta pirätä ite akoi perɨ rupi oñe'ëse yandeu ko tekokwer Ikwachiaprɨ rese?

San Lucas 9:30

a'ese oyemboyekwa ñuvɨrïo mbɨa oñemoñeta yuvɨno'ä sese. A'e Moisés iyavei Elías.

Apocalipsis 1:1

Tüpä omboyekwa Jesucristo upe mba'e oime va'erä koiye katu, a'e evokoiyase oikwa ukara vɨroyasar upe. Iyavei Jesucristo omombe'u mbigwai ɨva pendar upe Juan upe oikwa uka va'erä,

Apocalipsis 15:1

Ipare asepia ɨvave oyekwa va'e ambuae poromondɨisa tuvicha va'e: ñuvɨrïo ova mbigwai ɨva pendar vɨreko ñuvɨrïo ova tuprɨ mba'erasɨ ipa va'e yuvɨreko, a'e ipa va'e ite Tüpä ñemoɨrösa.

Apocalipsis 16:19

Tekwa gwasu opa oyemombɨte-mbɨte mbosapɨ rupi, opakatu tekwa evokoiyase opa onduru ɨvɨ pɨpendar, ipare Tüpä oyemoma'endu'a evokoi tekwa gwasu Babilonia pendar rembiapoai rese, evokoiyase omondo oñemoɨrösa ipirätä katu va'e chupe.

Apocalipsis 18:1

Ipare asepia ambuae mbigwai ɨva pendar ogweyɨse ɨva sui ou; a'e vɨreko omborerekwasa ɨvate katu va'e, sendɨgwer evokoiyase osesapepa tuprɨ ɨvɨ rupi.

Apocalipsis 19:2

esepia ni'ä oyapo mba'e supiete va'e; opa avei omokañɨ ko kuña oyemboagwasa-gwasa tëi va'e nungar iyavei oyemondo-mondo tëisa pɨpe opa ava oseko momarä ɨvɨ pɨpendar yuvɨreko; oyepɨ avei a'e kuña rese Tüpä rembigwai omano va'ekwer repɨkave.”

Apocalipsis 19:9

Evokoiyase mbigwai ɨva pendar aipo e'i cheu: “Eikwachia ko ñe'ësa: ‘Sorɨvete katura akoi ava icho'oprɨ Ovesami a'e Cristo sekoi va'e mendasave yuvɨreko.’ ” Ipare aipo e'i iri cheu: “Ko ni'ä Tüpä ñe'ësa supi tuprɨ va'e ite.”

Apocalipsis 21:15

Iyavei mbigwai ɨva pendar oñe'ë va'e cheu vɨreko ñepëi oro apoprɨ mba'e rä'asa tekwa rä'a agwä, opakatu sokendɨpɨ rä'a agwä, ñachisa rä'a agwä aveino.

Apocalipsis 21:9

Evokoiyase ou ñepëi ñuvɨrïo ova mbigwai ɨva pendar pa'ü sui, akoi ñuvɨrïo ova tuprɨ ɨgwa rɨru, ñuvɨrïo ova mba'erasɨ ipa va'e vɨreko va'ekwer ipɨpe, aipo e'i cheu: “Erio, amboyekwara kuña omenda va'evɨ ndeu, Ovesami a'e Cristo sekoi va'e rembirekovɨ.”

Apocalipsis 4:1

Ipare asepia mba'e inungar okenda oyemboi va'e ɨvave; a'ese asendu yɨpɨndar ñe'ësa ipirätä va'e inungar mimbɨ ñe'ë, aipo e'i cheu: “Eyeupi ko'ave che evokoiyase mba'e amboyekwara ndeu mba'e imboavɨyepɨrä kuri.”