Apocalipsis 16:14 - Tüpä Ñe'ëngagwer

¹⁴ Ko karugwar suindar yuvɨrekoi, a'e oyapo poromondɨisa mba'e mboyekwasa yuvɨreko, ipare opa yuvɨnosë opakatu ɨvɨ rupi mborerekwareta ɨvate katu va'e monu'ä agwä vavasave narä, akoi arɨ kañɨ pɨpe Tüpä mba'e mboavaisare'ɨ̇ amotare'ɨ̇save.

Tũpa Ñehengagüer

¹⁴ Co Caruguar suindar yuvɨrecoi, ahe oyapo poromondɨisa mbahe mboyecuasa yuvɨreco. Ipare opa yuvɨnose opacatu ɨvɨ rupi mborerecuareta monuha ãgua vavasave nara, acoi arɨ cañɨ pɨpe Tũpa mbahe mboavaisarẽhɨ amotarẽhɨsave.

Apocalipsis 16:14 Iomraidhean Croise

San Mateo 24:14

Iyavei ko ñe'ësa ikatuprɨ va'e Tüpä mborerekwasa resendar imombe'usapa ranera opakatu ɨvɨ rupi, ikwa uka agwä; a'ese ramo ite oimerä kañɨsa.”

San Mateo 24:24

Esepia yugwerura nda'ei va'e Poropɨsɨrösar nda'ei va'e avei Tüpä ñe'ë mombe'usar; ipare oyapora poromondɨisa gweko pirätäsa mboyekwa agwä yuvɨreko oporombopa agwä, egwë e'i aveira Tüpä rembiporavo upe yuvɨreko.

San Marcos 13:22

Esepia yugwerura ava che Poropɨsɨrösar aiko e'i tëi va'e iyavei che amombe'u Tüpä ñe'ëngagwer e'i va'e; iyavei oyapora mba'e ava ndoyapoi va'e poromondɨisa gweko pirätäsa mboyekwa agwä yuvɨreko. Avɨyeteramo ombopa aveira ava Tüpä reroyasar.

San Lucas 2:1

Yɨpɨndar mborerekwar gwasu Augusto oporokwai oiko, oime va'erä yekwachiasa opakatu tekwa rupi.

San Juan 8:44

Peyesupa a'e karugwar tëiete; inungar tuprɨ avei peiko, peyapo mba'e semimbotar tëi avei. Esepia karugwar oporoyuka va'e yɨpɨsuive ite oiko. Ndasekoi va'e mba'e supi tuprɨ va'e pɨpe, noñe'ëi avei mba'e supiete va'e rese. Omombe'use temirä, oñe'ë inungar supiete va'e; esepia semiräñeteai va'e ite iyavei a'e ni'ä temirä yesupa tëi sekoi yepi.

Romanos 1:8

Che yɨpɨndar yande Yar Jesucristo rer pɨpe, avɨye ndeu a'e Tüpä upe pe rese, esepia opakatu ɨvɨ rupi ñe'ësa tuprɨai pe rese Tüpä reroyasa pɨpe.

2 Tesalonicenses 2:9

Evokoi ava ndipɨ'ai va'e, oura Karugwar pirätäsa pɨpe; gwerura gweko pirätäsa tuvicha va'e; omboyekwa anga'ura poromondɨisa nda'ei va'e supi.

1 Timoteo 4:1

Iyavei Espíritu aipo e'i tuprɨ yandeu, koiye arɨ kañɨ renonde, amove ava oyepepɨra Tüpä rese oyeroyasa sui yuvɨreko. Omboyeroyara espíritu oporombopa tëi va'e porombo'esa karugwar suindar.

Santiago 3:15

Esepia ko mba'ekwasa nda'ei ete Tüpä sui ou va'e, a'e mba'ekwasa rumo ko ɨvɨ pɨpendar tëi, ava pɨ'añemoñeta sui tëi osë va'e karugwar suindar tëi avei.

1 San Juan 5:19

Yaikwa ni'ä yande Tüpä ra'ɨrɨ yaikose, iyavei opakatu ava ndovɨroyai va'e Tüpä, a'e karugwar povrɨ pendar tëi yuvɨrekoi.

Apocalipsis 12:9

Egwë e'i imboyepepɨsa mba'e ɨpɨ oporomokañɨ va'e reko pirätäsa sembigwai eta reseve, opa imombosa ɨvɨ pɨpe yuvɨreko, evokoi mboi vai, a'e Karugwar Ndipɨ'ai va'e, evokoi ni'ä ava ombopa-mbopa tëi va'e opakatu ɨvɨ pɨpe yuvɨreko.

Apocalipsis 13:3

Ñepëi mba'e ɨpɨ vai akä oyeapicha gwasu va'e ndoyavɨi omano va'erä ite viña; a'e rumo okwera tuprɨ iriño evokoiyase opakatu gwasu ava sepiase, ndoyembovɨ'ai, ichui vɨroya katu yuvɨreko.

Apocalipsis 16:16

Ipare opa omonu'ä mborerekwareta ɨvate katu va'e hebreo ñe'ë pɨpe serer Harmagedón ve.

Apocalipsis 16:7

Asendu avei ambuae ñe'ësa mba'e reropove'ësa renda sui aipo e'i va'e: “Supiete, che Yar Tüpä, opakatu mba'e mboavaisare'ɨ̇, nde porandusa ava rembiapokwer rese supi tuprɨ va'e ite, seko ɨ̇vi va'e avei.”

Apocalipsis 17:14

Ipare ovavara Ovesami a'e Cristo sekoi va'e rese yuvɨreko; Ovesami a'e Cristo sekoi va'e osekopɨra, esepia ni'ä Ovesami a'e yande Yar Cristo sekoi va'e opakatu ava Yar iyavei mborerekwar ɨvate katu va'e sekoi opakatu mborerekwareta Rerekwar, akoi ava yuvɨrekoi va'e sese, a'e senoiprɨ iyavei iporavoprɨ oyemovɨräkwäño va'e ite supi ogwata agwä yuvɨreko.”

Apocalipsis 20:8

ichui osëra opakatu ava ɨvɨ pɨpendar mbopa-mbopa tëi agwä oiko; osëra ɨvɨ Gog mbopa tëi agwä, ɨvɨ Magog mbopa tëi agwä avei, ipare omonu'ära vavasave narä isundao eta, esepia ni'ä a'e se'ɨi eteprɨ yuvɨreko inungar ɨvɨ ku'i paragwasu popɨ rupindar.

Apocalipsis 3:10

Esepia peroya ite che porokwaita, peyemovɨräkwä ite evokoi mba'e tëi upe peiko, evokoiyase che opoepɨra akoi arɨ tekoa'äsa ouse opakatu ɨvɨ rupindar upe kuri.

Apocalipsis 6:17

Esepia oyepota ite Tüpä ñemoɨrösa yandeu, ¿uma pi'ä oikatura oyemovɨräkwä chupe?”