Apocalipsis 15:8 - Tüpä Ñe'ëngagwer

⁸ Ipare Tüpä rëtä omboapɨpo tatächi, evokoi ou va'e Tüpä reko porañetesa iyavei ipirätäsa sui. A'eve ndiyai ete ava upe seike agwä akoi opase voi ete omomba ñuvɨrïo ova tuprɨ mba'erasɨ vai vɨreko va'ekwer ñuvɨrïo ova tuprɨ mbigwai ɨva pendar yuvɨreko.

Tũpa Ñehengagüer

⁸ Ipare Tũpa rẽta omboapɨpo tãtachi, evocoi ou vahe Tũpa reco porañetesa iyavei ipĩratasa sui. Aheve ndiyai eté que ava upe seique ãgua acoi opase voi eté omomba siete tuprɨ mbaherasɨ vai vɨreco vahecuer siete Tũpa rembiguai.

Apocalipsis 15:8 Iomraidhean Croise

Romanos 11:33

¿Marä e'i rutei Tüpä arakwasa, imba'ekwasa avei? Ndipoi chietera ava yarakwasa mombe'u tuprɨ agwä. Ndayaikatui avei sekokwer kwapa tuprɨ agwä.

2 Tesalonicenses 1:9

Evokoi iparaɨsura yuvɨreko, imokañɨprɨ yuvɨrekoira apɨre'ɨ̇, iyavei imboyepepɨsara amombrɨ yande Yar reko pirätäsa porañetesa sui,

Apocalipsis 15:1

Ipare asepia ɨvave oyekwa va'e ambuae poromondɨisa tuvicha va'e: ñuvɨrïo ova mbigwai ɨva pendar vɨreko ñuvɨrïo ova tuprɨ mba'erasɨ ipa va'e yuvɨreko, a'e ipa va'e ite Tüpä ñemoɨrösa.

Apocalipsis 21:11

A'e tekwa sendɨ iteanga Tüpä rendɨgwer pɨpe; sendɨgwer evokoiyase oyoya tuprɨ ita iporañete va'e rese, oyoya avei ita jaspe serer va'e ipïrerimi va'e rese.