Apocalipsis 15:7 - Tüpä Ñe'ëngagwer

⁷ Ipare ñepëi evokoi irugätu ɨva pendar yuvɨrekove va'e pa'ü pendar omondo ñuvɨrïo ova tuprɨ mbigwai ɨva pendar upe ñuvɨrïo ova Tüpä ñemoɨrösa rɨru oro apoprɨ, a'e sekokwer ndopai va'e apɨre'ɨ̇ va'erä ite yepi.

Tũpa Ñehengagüer

⁷ Ipare ñepei evocoi irungatu ɨva pendar yuvɨrecove vahe pãhu pendar omondo siete tuprɨ Tũpa rembiguai upe siete Tũpa ñemoɨrosa rɨru oro apoprɨ, ahe oicove vahe ité, ndopai vahe.

Apocalipsis 15:7 Iomraidhean Croise

1 Tesalonicenses 1:9

Esepia a'e avei omombe'u yuvɨreko oreu akoi oreso agwer pe pɨri, pe ore pɨsɨ tuprɨ agwer resendar avei, omombe'u avei mba'e ra'anga sui pe poi agwer Tüpä oikove va'e rupi pe gwatasa yuvɨreko, pe chupe narä mba'e apo agwä aveino

Apocalipsis 1:18

iyavei aikove vɨte va'e. Yepe amano viña, kurïtëi rumo aikove iri ndopai va'erä ite che rekokwer. Che areko che mborerekwasa ava rekokwer mokañɨ agwä.

Apocalipsis 10:6

ichui Tüpä ndopai va'e rer pɨpe evokoi oyapo va'e ɨva, ɨvɨ, paragwasu iyavei opakatu mba'e ipor reseve. A'ese aipo e'i oñe'ë: “Nasärösa iri chietera evokoi nungar mba'e;

Apocalipsis 14:10

a'e oipɨsɨ itera Tüpä ñemoɨrösa ipirätä va'e, ipare omombaraɨsura setekwer azufre okai va'e pɨpe gwembigwai ɨva pendareta reko maräne'ɨ̇ rovake, iyavei Ovesami a'e Cristo sekoi va'e rovake aveino.

Apocalipsis 15:1

Ipare asepia ɨvave oyekwa va'e ambuae poromondɨisa tuvicha va'e: ñuvɨrïo ova mbigwai ɨva pendar vɨreko ñuvɨrïo ova tuprɨ mba'erasɨ ipa va'e yuvɨreko, a'e ipa va'e ite Tüpä ñemoɨrösa.

Apocalipsis 16:2

Yɨpɨndar va'e mbigwai ɨva pendar opa oipɨyere ɨgwa rɨru pɨpendar ɨvɨ arɨ rupi; evokoi opakatu ava vɨreko va'e mba'e ɨpɨ vai rer oyese sa'anga mboeteisar tëi avei, a'e chupe oime mba'e rasɨ vai tasɨ va'e sete rese.

Apocalipsis 17:1

Ñepëi mbigwai ɨva pendar ñuvɨrïo ova pa'ü pendar vɨreko va'ekwer ɨgwa rɨru, a'e ou aipo e'i cheu: “Erio, amboyekwara ndeu ñemoɨrösa ko kuña oyemondo-mondo tëi va'e upe, a'e evokoi ogwapɨ ɨ arɨve öi.

Apocalipsis 21:9

Evokoiyase ou ñepëi ñuvɨrïo ova mbigwai ɨva pendar pa'ü sui, akoi ñuvɨrïo ova tuprɨ ɨgwa rɨru, ñuvɨrïo ova mba'erasɨ ipa va'e vɨreko va'ekwer ipɨpe, aipo e'i cheu: “Erio, amboyekwara kuña omenda va'evɨ ndeu, Ovesami a'e Cristo sekoi va'e rembirekovɨ.”

Apocalipsis 4:10

Egwë e'ise evokoiyase veinticuatro tuprɨ ikwaiprɨ yuvɨrekoi va'e, a'e oñenopɨ'ä imboeteisa pɨpe sovai yuvɨreko, ipare osekɨi oakä resendar oyere tuprɨ va'e omborerekwasa resendar sovai aipo e'i yuvɨreko:

Apocalipsis 5:8

kwachiar pɨsɨ pare, evokoi irugätu yuvɨrekove va'e, iyavei veinticuatro tuprɨ ikwaiprɨ, a'e oñenopɨ'äpa Ovesami Cristo sekoi va'e rovai yuvɨreko. Oyakatu ñepëi-pëi vɨreko arpas yuvɨreko, itaɨsɨ rɨru oro apoprɨ, a'e avei omboapɨpo tuprɨ sereko yuvɨreko, a'e itaɨsɨ ni'ä Tüpä reroyasar yeruresa.