Apocalipsis 14:17 - Tüpä Ñe'ëngagwer

¹⁷ Ipare osë ambuae mbigwai ɨva pendar tüpäro sui, a'e avei vɨreko mba'e mitɨ̇ asɨasa saimbe va'e.

Tũpa Ñehengagüer

¹⁷ Ipare osẽ ambuae Tũpa rembiguai tũparo sui, ahe avei vɨreco mbahe mitɨ asɨasa saimbé vahe.

Apocalipsis 14:17 Iomraidhean Croise

Apocalipsis 11:19

A'ese oyemboi Tüpä rëtä ɨva pendar, iyavei sëtä pɨpe oyekwa tuprɨ kwachiar porokwaita resendar rɨru. Ipare overa-vera, sɨapu gwasu, osunu, ɨvɨ orɨrɨi, amanda osururu aveino.

Apocalipsis 14:16

Akoi ogwapɨ va'e ɨva kɨ'a arɨve öi, oyasɨa gwemitɨ̇ ɨvɨve oiko, ipare opa omonu'ä gwembiasɨa.

Apocalipsis 14:18

Ipare ambuae mbigwai ɨva pendar osë mba'e reropove'ëprɨ renda sui, a'e tata rese añekosar sekoi, iyavei oñe'ë pirätä evokoi vɨreko va'e mba'e mitɨ̇ asɨasa upe aipo e'i: “¡Eyasɨa uva a apakwar, evokoi oime va'e ɨvɨ pɨpe, esepia ni'ä opa ite yavɨye uva a kurïtëi!”

Apocalipsis 16:1

Evokoiyase asendu ñe'ësa ipirätä va'e osë va'e Tüpä rëtä pɨpe sui, aipo e'i ñuvɨrïo ova mbigwai ɨva pendareta upe: “Peso, tapeipɨyerepa ɨvɨ arɨ rupi evokoi ñuvɨrïo ova tuprɨ ɨgwa rɨru pɨpendar Tüpä ñemoɨrösa.”

Apocalipsis 16:17

Evokoiyase imoñuvɨrïo ovasa mbigwai ɨva pendar oipɨyere ɨgwa rɨru ɨvɨtu rupi, ipare ɨva pendar Tüpä rëtä pɨpe sui osë ñe'ësa ipirätä va'e ou va'e senda sui ipare aipo e'i: “¡Opa ite yaposa imombe'uprɨ!”