Apocalipsis 13:7 - Tüpä Ñe'ëngagwer

⁷ Imondosa avei chupe vavasa apo uka agwä Tüpä upendar ava eta upe sekopɨ agwä; imondosa avei mborerekwar seko agwä chupe ava ambuae-ae tëi va'e upe, sekwa ambuae va'e upe ambuae tëi iñe'ë va'e upe, ambuae ɨvɨ rupindar upe aveino.

Tũpa Ñehengagüer

⁷ Imondosa avei chupe vavasa apo uca ãgua Tũpa upendar ava eta upe secopɨ ãgua. Ipare imondosa avei mborerecuar seco ãgua chupe ava ambuae-ae tẽi vahe upe, secua ambuae vahe upe, ambuae-ae tẽi iñehe vahe upe, iyavei ambuae ɨvɨ rupindar upe avei no.

Apocalipsis 13:7 Iomraidhean Croise

San Lucas 4:6

aipo e'i: –Che amondora che pirätäsa ndeu, iyavei opakatu mba'e ko ɨvɨ pɨpendar porañete va'e. Esepia ni'ä ko opakatu cheu imbouprɨ, iya ite amondo va'erä ava upe che remimbotar rupi.

San Juan 19:11

A'ese Jesús omboyevɨ chupe: –Ani ndererekoi chietera ñepëi nde mborerekwasa che arɨve, iyavei Tüpä nomondoise ndeu mba'e apo agwä viña; evokoi rumo, che mondosar ndeu a'e oyemboangaipa katu itera ndesui.

Apocalipsis 10:11

Evokoiyase aipo e'i yuvɨreko cheu: “Nde eremombe'u irira Tüpä ñe'ëngagwer ipɨasu va'e, ambuae tekwa rupindar upe, ɨvɨ rupindar upe avei, ambuae iñe'ë va'e upe, mborerekwareta upe aveino.”

Apocalipsis 11:18

Ambuae tekwa re'ɨi pendar nde amotare'ɨ̇ ite yuvɨreko; nde ñemoɨrösa rumo kurïtëi oyepota, iyavei nde porandusa oime voira ava omano va'e upe; iyavei eremondora mba'e porerekosa nde rembigwai eta nde ñe'ë mombe'usar upe, ndeundar seko katuprɨ va'e upe iyavei akoi nde rer mboeteisar upe no, seko ɨvate va'e upe, seko ɨvɨ kotɨ katu va'e upe aveino; iyavei eremokañɨrä ko ɨvɨ pɨpe mba'e tëi aposar yuvɨreko.”

Apocalipsis 11:7

Omboavɨyepase rumo Tüpä reko mombe'usa yuvɨreko, a'ese osëra ɨvɨkwar gwasu ipɨkuku va'e sui mba'e ɨpɨ vai, a'e ovavara sese, osekopɨra, ichui oyukara.

Apocalipsis 12:17

Evokoiyase mba'e ɨpɨ, oñemoɨrö iteanga kuña upe, ipare oso ovava ambuae ichuindar re'ɨi rese, a'e omboyeroya va'e ite Tüpä porokwaita yuvɨreko iyavei yuvɨrekoi tuprɨ va'e Jesús remimombe'u rupi.

Apocalipsis 17:15

Iyavei mbigwai ɨva pendar aipo e'i cheu: “Evokoi ɨ eresepia va'e, i'arɨve kuña oyemondo-mondo tëi va'e ogwapɨ öi, a'e ava re'ɨi tekwa yakatu rupindar, iñe'ë ambuae va'e iyavei opakatu ambuae ɨvɨ rupindar.

Apocalipsis 5:9

Iyavei osapukai ipɨasu va'e sapukaisa yuvɨreko: “Ndeu iyakatu ite kwachiar pɨsɨ agwä, imboyaprɨ mondoro agwä aveino, esepia ni'ä nde yukaprɨ seropove'ëprɨ ereiko; evokoiyase nde ruvɨ pɨpe eremboepɨpa Tüpä upe narä opakatu ava ambuae-ae tëi va'e, iñe'ë ambuae-ae tëi va'e avei, ñepëi-pëi tekwa yakatu rupindar, ɨvɨ rupindar avei yuvɨreko.