Apocalipsis 13:6 - Tüpä Ñe'ëngagwer

⁶ Egwë e'i iñe'ë marä-marä tëi Tüpä rese, iñe'ë-ñe'ë tëi avei serer maräne'ɨ̇ rese, sëtä rese ɨva pendar rese aveino.

Tũpa Ñehengagüer

⁶ Ẽgüe ehi iñehe mara-mara tẽi Tũpa rese, iñehe-ñehe tẽi avei serer maranehɨ rese, sẽta rese, ɨva pendar rese avei no.

Apocalipsis 13:6 Iomraidhean Croise

San Mateo 12:34

¡Pe mboi nungar tëi peiko! ¿Marä peyeravo mba'e avɨye va'e mombe'u, pe tuprɨ avei ni'ä ndaperekoporäi va'e? Esepia pe pɨ'a pɨpe sui tëi, osë peñe'ë agwä.

San Mateo 15:19

Esepia ava avɨter sui osë pɨ'a ñemoñeta raisa, porapichisa, mendasa sui yemboagwasasa, nomendai va'e yemboagwasa tëisa, mondasa, temirä iyavei ava rese ñemoñeta tëisa.

San Juan 1:14

A'e akoi Ñe'ësa oyeapo ava iyavei oikove yande pa'üve. Iyavei sepiasa ite seko porañetesa, a'e porañetesa oipɨsɨ va'e Vu sui Ta'ɨrɨ ñepëi va'e gweko pɨpe, iporoaɨsusa supi va'e ite.

Romanos 3:13

Iñe'ësa mba'e tëiete inungar tuvɨpa ndasovapɨsai va'e, oñe'ësa pɨpe oporombopa yuvɨreko, a'e ñe'ësa evokoiyase inungar mboi naporäi va'e oporomokañɨ tëi va'e,

Colosenses 1:19

Esepia Tüpä oipota opakatu gwekokwer reseve sekoi va'erä Cristo rese yepi,

Colosenses 2:9

Esepia Tüpä reko pirätäsa oyekwa Cristo rese,

Hebreos 9:2

A'e tüpäro pɨpe na e'i mba'e imoigätusa, yɨpɨndar oɨ serer Nimaräi Va'e, ipɨpe oime oro apoprɨ tataendɨ rɨru iyavei mboyape sovasaprɨ renda Tüpä upendar reseve.

Hebreos 9:24

Esepia Cristo ndoikei ava tëi rembiapo tüpäro maräne'ɨ̇ pɨpe, a'e rumo ɨva pendar ra'anga tëi, egwë e'i rumo a'e oike ɨvave, a'eve kurïtëi sekoi Tüpä rovai yande pɨtɨ̇vɨï agwä oyerure pɨpe.

Apocalipsis 11:12

Ipare a'e ñuvɨrïo Tüpä ñe'ë mombe'usar osendu ñe'ësa ipirätä va'e ɨva suindar yuvɨreko, aipo e'i chupe: “¡Peyeupipa ave ɨvate!” Evokoiyase opa oyeupi ɨvave yuvɨraso ɨva kɨ'a pa'ü rupi oamotare'ɨ̇sareta rembiepiave.

Apocalipsis 12:12

¡Peyembovɨ'a katu pe ɨva pendar, opakatu peiko va'e a'eve! ¡Pe rumo, peparaɨsu katura ɨvɨ pɨpe, paragwasu pɨpe avei yuvɨrekoi va'e, esepia ni'ä karugwar oikwa ite gweko puku e'ɨ̇ agwä ko ɨvɨ pɨpe, ogweyɨ peü oñemoɨrösa pɨpe mba'e tëi apo agwä!”

Apocalipsis 15:5

Ko ipare asepia ɨvave oyemboise Tüpä rëtä imaräne'ɨ̇ va'e, a'eve akoi yapokatusa mborokwaita resendar.

Apocalipsis 18:20

Peyembovɨ'año, pe ɨva pendar evokoi tekwa gwasu rese; iyavei peyembovɨ'año katu, peiko va'e tekwa maräne'ɨ̇ pendar, iyavei Jesús ñe'ë mombe'usa reta Tüpä ñe'ë mombe'usa reta aveino, esepia ni'ä Tüpä opa omokañɨ, peü narä mba'e avɨye va'e aposa pɨpe.

Apocalipsis 21:3

Ipare asendu ñe'ësa ipirätä va'e Tüpä renda porañete va'e sui, aipo e'i: “Ko'ave Tüpä sekoi opakatu ava re'ɨi reseve. A'e oikove va'erä ite sese yuvɨreko yepi, a'e ava evokoiyase chupe narä ite yuvɨrekoira, Tüpä teiete ni'ä sekoira Itüpägwä.

Apocalipsis 4:1

Ipare asepia mba'e inungar okenda oyemboi va'e ɨvave; a'ese asendu yɨpɨndar ñe'ësa ipirätä va'e inungar mimbɨ ñe'ë, aipo e'i cheu: “Eyeupi ko'ave che evokoiyase mba'e amboyekwara ndeu mba'e imboavɨyepɨrä kuri.”

Apocalipsis 4:4

iyavei asepia evokoi rese oyere tuprɨ ambuae veinticuatro tenda, a'e i'arɨve ogwapɨ yuvɨnoi veinticuatro avei ikwaiprɨ yuvɨrekoi va'e; iturukwar morochi va'e yuvɨreko iyavei oakä rese omboyere tuprɨ oro apoprɨ yuvɨreko.

Apocalipsis 5:13

A'ese asendu avei opakatu Tüpä rembiapo ɨvave yuvɨrekoi va'e, ɨvɨ pɨpendar, ɨvɨvrɨ rupindar iyavei paragwasu pɨpendar, aipo e'i yuvɨreko: “¡Akoi ogwapɨ va'e tenda porañetesave iyavei Ovesami a'e Cristo sekoi va'e rendave, a'e timboeteisa, toipɨsɨ avei teko porañetesa iyavei pirätäsa, opakatu apɨre'ɨ̇ va'erä yepi!”

Apocalipsis 7:15

“Sese Tüpä renda porañete va'e rovai yuvɨrekoi, arɨ iyavei pɨ̇tü rupi omboetei sëtä pɨpe yuvɨreko. Akoi ogwapɨ va'e öi, tenda porañete va'esave a'e gwekokwer pɨpe osepɨra.

Apocalipsis 7:9

Ipare asepia seta iteanga ava, opakatu ɨvɨ rupindar, ambuae-ae tëi va'e, ambuae-ae tëi va'e iñe'ë yuvɨreko sekwa ambuae va'e aveino. A'e opü'apa va'e Tüpä rovai porañete va'e Ovesami a'e Cristo sekoi va'e rovai avei yuvɨreko, a'e ndayaikatui ete ipapapa agwä. Esepia seta eteprɨ iyavei iturukwar morochi va'e päve; pindo-pindomi vɨreko opove yuvɨreko.